ਦੁਨੀਆ ਦੀ 'ਸਭ ਤੋਂ ਲੰਬੀ' ਗੈਸ ਸਪਲਾਈ ਡੀਲ, ਚੀਨ ਨੂੰ 27 ਸਾਲ ਤੱਕ ਗੈਸ ਵੇਚੇਗਾ ਕਤਰ
11/22/2022 2:01:32 PM
ਦੋਹਾ (ਬਿਊਰੋ) ਕਤਰ ਐਨਰਜੀ ਨੇ ਸੋਮਵਾਰ ਨੂੰ ਚੀਨ ਨਾਲ 27 ਸਾਲ ਦਾ ਕੁਦਰਤੀ ਗੈਸ ਸਪਲਾਈ ਸੌਦਾ ਹੋਣ ਦਾ ਐਲਾਨ ਕੀਤਾ। ਇਸ ਨੂੰ ਦੁਨੀਆ ਦਾ ਸਭ ਤੋਂ ਲੰਬਾ ਗੈਸ ਸਪਲਾਈ ਸਮਝੌਤਾ ਦੱਸਿਆ ਗਿਆ ਹੈ। ਇਹ ਸਮਝੌਤਾ ਏਸ਼ੀਆ ਦੇ ਸਭ ਤੋਂ ਵੱਡੇ ਗੈਸ ਸਪਲਾਇਰ ਅਤੇ ਗੈਸ ਦਰਾਮਦਕਾਰ ਵਿਚਕਾਰ ਅਜਿਹੇ ਸਮੇਂ ਵਿੱਚ ਹੋਇਆ ਹੈ ਜਦੋਂ ਰੂਸ ਦੀ ਗੈਸ ਸਪਲਾਈ 'ਤੇ ਨਿਰਭਰ ਯੂਰਪੀਅਨ ਦੇਸ਼ ਯੂਕ੍ਰੇਨ ਵਿੱਚ ਜੰਗ ਕਾਰਨ ਗੈਸ ਦੇ ਵਿਕਲਪਕ ਸਰੋਤਾਂ ਦੀ ਭਾਲ ਕਰ ਰਹੇ ਹਨ।
ਨਿਊਜ਼ ਏਜੰਸੀ ਏਐਫਪੀ ਦੀ ਇੱਕ ਖ਼ਬਰ ਦੇ ਅਨੁਸਾਰ ਕਤਰ ਦੀ ਸਰਕਾਰੀ ਊਰਜਾ ਕੰਪਨੀ ਕਤਰ ਐਨਰਜੀ ਆਪਣੇ ਨਵੇਂ ਉੱਤਰੀ ਫੀਲਡ ਈਸਟ ਪ੍ਰੋਜੈਕਟ ਤੋਂ ਚਾਈਨਾ ਪੈਟਰੋਲੀਅਮ ਅਤੇ ਕੈਮੀਕਲ ਕਾਰਪੋਰੇਸ਼ਨ (ਸਿਨੋਪੇਕ) ਨੂੰ ਸਾਲਾਨਾ ਚਾਰ ਮਿਲੀਅਨ ਟਨ ਤਰਲ ਕੁਦਰਤੀ ਗੈਸ ਭੇਜੇਗੀ। ਕਤਰ ਦੇ ਊਰਜਾ ਮੰਤਰੀ ਅਤੇ ਕਤਰ ਐਨਰਜੀ ਦੇ ਮੁੱਖ ਕਾਰਜਕਾਰੀ ਸਾਦ ਸ਼ੇਰੀਦਾ ਅਲ-ਕਾਬੀ ਨੇ ਕਿਹਾ ਕਿ ਇਹ ਸੌਦਾ ਐਲਐਨਜੀ ਉਦਯੋਗ ਦੇ ਇਤਿਹਾਸ ਵਿੱਚ ਸਭ ਤੋਂ ਲੰਬਾ ਗੈਸ ਸਪਲਾਈ ਸਮਝੌਤਾ ਹੈ। ਚੀਨ, ਜਾਪਾਨ ਅਤੇ ਦੱਖਣੀ ਕੋਰੀਆ ਦੀ ਅਗਵਾਈ ਵਾਲੇ ਏਸ਼ੀਆਈ ਦੇਸ਼ ਕਤਰ ਦੀ ਗੈਸ ਦੇ ਮੁੱਖ ਬਾਜ਼ਾਰ ਹਨ। ਜਿਸ ਦੀ ਮੰਗ ਯੂਕ੍ਰੇਨ 'ਤੇ ਰੂਸ ਦੇ ਹਮਲੇ ਤੋਂ ਬਾਅਦ ਯੂਰਪੀ ਦੇਸ਼ਾਂ ਵੱਲੋਂ ਕੀਤੀ ਜਾ ਰਹੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤ ਅਤੇ ਬ੍ਰਿਟੇਨ ਨਾਲ ਮੁਕਤ ਵਪਾਰ ਸਮਝੌਤੇ ਲਈ ਆਸਟ੍ਰੇਲੀਆ ਦੀ ਸੰਸਦ 'ਚ 'ਬਿੱਲ' ਪਾਸ
ਯੂਰਪੀਅਨ ਦੇਸ਼ਾਂ ਨਾਲ ਕਤਰ ਦੇ ਗੈਸ ਸੌਦੇ ਲਈ ਗੱਲਬਾਤ ਵਿਚ ਰੁਕਾਵਟ ਆਈ ਹੈ ਕਿਉਂਕਿ ਜਰਮਨੀ ਅਤੇ ਹੋਰ ਦੇਸ਼ਾਂ ਨੇ ਇਸ ਨਾਲ ਲੰਬੇ ਸਮੇਂ ਦੇ ਖਰੀਦ ਸੌਦਿਆਂ 'ਤੇ ਦਸਤਖ਼ਤ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਕਤਰ ਆਪਣੀ ਨਾਰਥ ਫੀਲਡ ਤਰਲ ਕੁਦਰਤੀ ਗੈਸ ਉਤਪਾਦਨ ਸਹੂਲਤ ਦਾ ਵਿਸਥਾਰ ਕਰ ਰਿਹਾ ਹੈ। ਤਾਂ ਕਿ 2027 ਤੱਕ ਉਥੋਂ ਕੁੱਲ ਉਤਪਾਦਨ ਦਾ 60 ਫੀਸਦੀ ਤੋਂ ਵੱਧ ਹਿੱਸਾ ਲੈ ਕੇ ਸਾਲਾਨਾ 126 ਮਿਲੀਅਨ ਟਨ ਗੈਸ ਦਾ ਉਤਪਾਦਨ ਕੀਤਾ ਜਾ ਸਕੇ। ਚੀਨ ਉੱਤਰੀ ਫੀਲਡ ਈਸਟ ਲਈ ਸੌਦਾ ਕਰਨ ਵਾਲਾ ਪਹਿਲਾ ਦੇਸ਼ ਹੈ। ਜਦੋਂ ਕਿ ਸਿਨੋਪੇਕ ਦੇ ਚੇਅਰਮੈਨ ਮਾ ਯੋਂਗਸ਼ੇਂਗ, ਜੋ ਬੀਜਿੰਗ ਤੋਂ ਇੱਕ ਵਰਚੁਅਲ ਹਸਤਾਖਰ ਸਮਾਰੋਹ ਵਿੱਚ ਸ਼ਾਮਲ ਹੋਏ, ਨੇ ਕਿਹਾ ਕਿ ਸਮਝੌਤਾ ਇੱਕ ਮੀਲ ਪੱਥਰ ਹੈ। ਕਿਉਂਕਿ ਕਤਰ ਦੁਨੀਆ ਦਾ ਸਭ ਤੋਂ ਵੱਡਾ LNG ਸਪਲਾਇਰ ਹੈ ਅਤੇ ਚੀਨ ਦੁਨੀਆ ਦਾ ਸਭ ਤੋਂ ਵੱਡਾ LNG ਦਰਾਮਦਕਾਰ ਹੈ।