ਵੈਨੇਜ਼ੁਏਲਾ: ਮਾਦੁਰੋ ਨੇ ਅਮਰੀਕਾ ਨਾਲ ਰਾਜਨੀਤਕ ਸੰਬੰਧ ਤੋੜਨ ਦਾ ਕੀਤਾ ਐਲਾਨ
01/24/2019 11:08:05 AM
ਕਾਰਾਕਾਸ (ਭਾਸ਼ਾ)— ਵੈਨੇਜ਼ੁਏਲਾ ਦੇ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਨੇ ਵੀਰਵਾਰ ਨੂੰ ਅਮਰੀਕਾ ਨਾਲ ਰਾਜਨੀਤਕ ਸੰਬੰਧ ਤੋੜਨ ਦਾ ਐਲਾਨ ਕੀਤਾ। ਮਾਦੁਰੋ ਨੇ ਇਹ ਐਲਾਨ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਵਿਰੋਧੀ ਧਿਰ ਦੇ ਨੇਤਾ ਗੁਏਡੋ ਨੂੰ ਦੱਖਣੀ-ਅਮਰੀਕੀ ਦੇਸ਼ ਦੇ 'ਅੰਤਰਿਮ ਰਾਸ਼ਟਰਪਤੀ' ਦੇ ਰੂਪ ਵਿਚ ਮਾਨਤਾ ਦੇਣ ਦੇ ਬਾਅਦ ਕੀਤਾ ਹੈ।
AFP: Venezuela President Nicolás Maduro says he's breaking off diplomatic ties with US. (file pic) pic.twitter.com/VDk29GsB2F
— ANI (@ANI) January 23, 2019
ਮਾਦੁਰੋ ਨੇ ਕਾਰਾਕਾਸ ਵਿਚ ਹਜ਼ਾਰਾਂ ਸਮਰਥਕਾਂ ਨੂੰ ਕਿਹਾ,''ਮੈਂ ਅਮਰੀਕਾ ਦੀ ਸਾਮਰਾਜਵਾਦੀ ਸਰਕਾਰ ਨਾਲ ਡਿਪਲੋਮੈਟਿਕ ਅਤੇ ਰਾਜਨੀਤਕ ਸੰਬੰਧ ਤੋੜਨ ਦਾ ਫੈਸਲਾ ਲਿਆ ਹੈ।'' ਉਨ੍ਹਾਂ ਨੇ ਕਿਹਾ,''ਦਫਾ ਹੋ ਜਾਓ! ਵੈਨਜ਼ੁਏਲਾ ਛੱਡੋ, ਇਹ ਇਸੇ ਲਾਇਕ ਹਨ, ਲਾਹਨਤ ਹੈ ਤੁਹਾਡੇ 'ਤੇ।'' ਉਨ੍ਹਾਂ ਨੇ ਅਮਰੀਕੀ ਵਫਦ ਨੂੰ ਦੇਸ਼ ਛੱਡਣ ਲਈ 72 ਘੰਟੇ ਦਾ ਸਮਾਂ ਦਿੱਤਾ ਹੈ।
ਅਸਲ ਵਿਚ ਵਿਰੋਧੀ ਧਿਰ ਦੇ ਕੰਟਰੋਲ ਵਾਲੀ ਵਿਧਾਨ ਸਭਾ ਦੇ ਮੁਖੀ ਜੁਆਨ ਗੁਏਡੋ ਨੇ ਹਜ਼ਾਰਾਂ ਸਮਰਥਕਾਂ ਦੀ ਭੀੜ ਦੇ ਸਾਹਮਣੇ ਇਹ ਐਲਾਨ ਕਰ ਕੇ ਸਨਸਨੀ ਫੈਲਾ ਦਿੱਤੀ ਸੀ ਕਿ ਉਹ ਖੁਦ ਨੂੰ 'ਕਾਰਜਕਾਰੀ ਰਾਸ਼ਟਰਪਤੀ' ਐਲਾਨ ਕਰਦੇ ਹਨ। ਟਰੰਪ ਇਸ 'ਤੇ ਪ੍ਰਤੀਕਿਰਿਆ ਦੇਣ ਵਾਲੇ ਪਹਿਲੇ ਵਿਦੇਸ਼ੀ ਨੇਤਾ ਸਨ ਅਤੇ ਉਨ੍ਹਾਂ ਨੇ ਗੁਏਡੋ ਨੂੰ ਆਪਣਾ ਸਮਰਥਨ ਦਿੱਤਾ। ਉਨ੍ਹਾਂ ਨੇ ਨੈਸ਼ਨਲ ਅਸੈਂਬਲੀ ਨੂੰ ਵੈਨੇਜ਼ੁਏਲਾ ਦੇ ਲੋਕਾਂ ਵੱਲੋਂ ਚੁਣੀ ਗਈ ਸਰਕਾਰ ਦੀ ਇਕੋਇਕ ਕਾਨੂੰਨੀ ਸ਼ਾਖਾ ਦੱਸਿਆ।
The citizens of Venezuela have suffered for too long at the hands of the illegitimate Maduro regime. Today, I have officially recognized the President of the Venezuelan National Assembly, Juan Guaido, as the Interim President of Venezuela. https://t.co/WItWPiG9jK
— Donald J. Trump (@realDonaldTrump) January 23, 2019
ਉੱਥੇ ਕਾਰਾਕਾਸ ਵਿਚ ਪ੍ਰੈਜੀਡੈਂਸ਼ੀਅਲ ਪੈਲੇਸ ਦੀ ਬਾਲਕੋਨੀ ਤੋਂ ਬੋਲਦਿਆਂ ਮਾਦੁਰੋ ਨੇ ਅਮਰੀਕੀ ਸਰਕਾਰ 'ਤੇ ਤਖਤਾਪਲਟ ਦੀਆਂ ਕੋਸ਼ਿਸ਼ਾਂ ਕਰਨ ਦਾ ਦੋਸ਼ ਲਗਾਇਆ। ਉਨ੍ਹਾਂ ਨੇ ਕਿਹਾ,''ਵੈਨਜ਼ੁਏਲਾ ਵਿਰੁੱਧ ਡੋਨਾਲਡ ਟਰੰਪ ਦੀ ਸਰਕਾਰ ਦੀ ਕੱਟੜਵਾਦੀ ਨੀਤੀ ਗੈਰ ਜ਼ਿੰਮੇਵਾਰੀ ਵਾਲੀ ਹੈ, ਇਹ ਬਹੁਤ ਮੂਰਖਤਾ ਭਰਪੂਰ ਹੈ।
ਉੱਧਰ ਅਮਰੀਕਾ ਦੇ ਰਾਜ ਸਕੱਤਰ ਮਾਇਕ ਪੋਂਪਿਓ ਨੇ ਕਿਹਾ,''ਅਮਰੀਕਾ ਮਾਦੁਰੋ ਸ਼ਾਸਨ ਨੂੰ ਵੈਨੇਜ਼ੁਏਲਾ ਸਰਕਾਰ ਦੇ ਰੂਪ ਵਿਚ ਸਵੀਕਾਰ ਨਹੀਂ ਕਰਦਾ ਹੈ। ਇਸ ਦੇ ਨਾਲ ਹੀ ਅਮਰੀਕਾ ਸਾਬਕਾ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਵੱਲੋਂ ਅਮਰੀਕਾ ਨਾਲ ਰਾਜਨੀਤਕ ਸੰਬੰਧਾਂ ਨੂੰ ਖਤਮ ਕਰਨ ਦੇ ਫੈਸਲੇ ਦੀ ਵੀ ਪਰਵਾਹ ਨਹੀਂ ਕਰਦਾ ਹੈ।
US Secretary of State Mike Pompeo: The United States doesn't recognize Maduro regime as the govt of Venezuela. US does not consider former president Nicolas Maduro to have the legal authority to break diplomatic relations with the US or to declare our diplomats persona non grata. pic.twitter.com/2Lisdz2lLC
— ANI (@ANI) January 24, 2019