ਪਹਿਲੀ ਵਾਰ ਅਮਰੀਕੀ ਸੈਨੇਟ ''ਚ ਸਿੱਖ ਨੇ ਕੀਤੀ ਸਵੇਰ ਦੀ ਅਰਦਾਸ (ਵੀਡੀਓ)
10/18/2019 10:09:52 AM
ਵਾਸ਼ਿੰਗਟਨ (ਬਿਊਰੋ)— ਇਤਿਹਾਸ ਵਿਚ ਪਹਿਲੀ ਵਾਰ ਅਮਰੀਕੀ ਸੈਨੇਟ ਚੈਂਬਰ ਵਿਚ ਗੁਰਬਾਣੀ ਪੜ੍ਹੀ ਗਈ। ਸਫੇਦ ਕੁੜਤਾ ਅਤੇ ਪੀਲੀ ਪੱਗ ਪਹਿਨੇ ਮੈਲਬੌਰਨ ਵਸਨੀਕ ਗਿਆਨੀ ਸੁਖਵਿੰਦਰ ਸਿੰਘ ਨੇ ਬੁੱਧਵਾਰ ਨੂੰ ਸੈਨੇਟ ਵਿਚ ਸਵੇਰ ਦੀ ਅਰਦਾਸ ਕੀਤੀ। ਫਿਲਾਡੇਲਫੀਆ ਸਿੱਖ ਸੋਸਾਇਟੀ ਗੁਰਦੁਆਰੇ ਦੇ ਗਿਆਨੀ ਸੁਖਵਿੰਦਰ ਨੇ ਈਸ਼ਵਰ ਨੂੰ ਲੋਕਾਂ ਨੂੰ ਇਕਜੁੱਟ ਰੱਖਣ ਦੀ ਅਰਦਾਸ ਕੀਤੀ।
It was an honor to welcome Giani Sukhvinder Singh of Millbourne, Delaware County to the Senate today. This morning, he became the first Sikh to ever deliver the Senate's morning prayer. Watch: pic.twitter.com/xA0DaNmvnB
— Senator Pat Toomey (@SenToomey) October 16, 2019
ਉਨ੍ਹਾਂ ਨੇ ਕਿਹਾ ਕਿ ਈਸ਼ਵਰ ਨੂੰ ਭਾਵੇਂ ਅਸੀਂ ਵੱਖਰੇ-ਵੱਖਰੇ ਨਾਵਾਂ ਨਾਲ ਯਾਦ ਕਰੀਏ ਪਰ ਉਹ ਇਕ ਹੀ ਹੈ। ਸੈਨੇਟਰ ਪੈਟ ਟੌਮੀ ਨੇ ਟਵੀਟ ਕੀਤਾ,''ਗਿਆਨੀ ਸੁਖਵਿੰਦਰ ਸਿੰਘ ਦਾ ਸਵਾਗਤ ਕਰ ਕੇ ਅਸੀਂ ਬਹੁਤ ਖੁਸ਼ ਹਾਂ। ਉਹ ਪਹਿਲੇ ਸਿੱਖ ਹਨ ਜਿਨ੍ਹਾਂ ਨੇ ਸੈਨੇਟ ਵਿਚ ਸਵੇਰ ਦੀ ਅਰਦਾਸ ਕੀਤੀ। ਅਸੀਂ ਉਨ੍ਹਾਂ ਨੂੰ ਸ੍ਰੀ ਗੁਰੂ ਨਾਨਕ ਸਾਹਿਬਾਨ ਦੇ 550ਵੇਂ ਪ੍ਰਕਾਸ਼ ਪੁਰਬ 'ਤੇ ਅਰਦਾਸ ਲਈ ਸੱਦਾ ਦਿੱਤਾ ਸੀ।''