ਭਾਰਤ ਨੂੰ ਸੀ-17 ਜੈੱਟ ਜਹਾਜ਼ ਵੇਚੇਗਾ ਅਮਰੀਕਾ, ਵੱਧੇਗੀ ਹਵਾਈ ਆਵਾਜਾਈ ਦੀ ਸਮਰੱਥਾ

ਵਾਸ਼ਿੰਗਟਨ— ਅਮਰੀਕੀ ਰੱਖਿਆ ਵਿਭਾਗ ਨੇ ਕਿਹਾ ਹੈ ਕਿ ਟਰੰਪ ਪ੍ਰਸ਼ਾਸਨ ਦਾ ਭਾਰਤ ਨੂੰ ਇਕ ਸੀ-17 ਮਾਲ ਵਾਹਕ ਜਹਾਜ਼ ਵੇਚਣ ਦੇ ਫੈਸਲੇ ਨਾਲ ਭਾਰਤ ਨੂੰ ਵਰਤਮਾਨ ਅਤੇ ਭੱਵਿਖ ਦੀ ਰਣਨੀਤਕ ਹਵਾਈ ਆਵਾਜਾਈ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੀ ਸਮਰੱਥਾ 'ਚ ਵਾਧਾ ਹੋਵੇਗਾ। ਬੋਇੰਗ ਦੁਆਰਾ 36.52 ਕਰੋੜ ਡਾਲਰ ਦੀ ਅਨੁਮਾਨਿਤ ਲਾਗਤ ਨਾਲ ਸੀ-17 ਮਾਲਵਾਹਕ ਜਹਾਜ਼ ਦੀ ਪ੍ਰਸਤਾਵਿਤ ਵਿਕਰੀ 'ਚ ਇਕ ਮਿਸਾਈਲ ਚਿਤਾਵਨੀ ਪ੍ਰਣਾਲੀ, ਇਕ ਕਾਊਂਟਰ ਮੇਜਰ ਡਿਸਪੇਸਿੰਗ ਸਿਸਟਮ, ਇਕ ਆਈਡੇਂਟਿਫਿਕੇਸ਼ਨ ਫ੍ਰੇਂਡ ਆਰ ਫੋਈ (ਆਈ. ਐੱਫ. ਐੱਫ.) ਟ੍ਰਾਂਸਪੋਂਡਰ ਅਤੇ ਸਟੀਕ ਨੌਵਹਿਣ ਉਪਕਰਨ ਸ਼ਾਮਲ ਹਨ।
ਡਿਫੈਂਸ ਸਿਕਓਰਿਟੀ ਨੂੰ ਆਪਰੇਸ਼ਨ ਏਜੰਸੀ ਨੇ ਸੋਮਵਾਰ ਨੂੰ ਕਾਂਗਰਸ ਨੂੰ ਭੇਜੀ ਅਧਿਸੂਚਨਾ 'ਚ ਕਿਹਾ,'' ਪ੍ਰਸਤਾਵਿਤ ਵਿਕਰੀ ਭਾਰਤ ਦੀ ਵਰਤਮਾਨ ਅਤੇ ਭਵਿੱਖ ਦੀ ਰਣਨੀਤਕ ਹਵਾਈ ਆਵਾਜਾਈ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੀ ਸਮਰੱਥਾ ਨੂੰ ਬਿਹਤਰ ਬਣਾਏਗੀ।''
ਏਜੰਸੀ ਨੇ ਕਿਹਾ,'' ਭਾਰਤ ਕੁਦਰਤੀ ਮੁਸੀਬਤਾਂ ਦੇ ਲਿਹਾਜ ਨਾਲ ਸੰਵੇਦਨਸ਼ੀਲ ਖੇਤਰ 'ਚ ਸਥਿਤ ਹੈ। ਇਸ ਵਾਧੂ ਸਮਰੱਥਾ ਦੀ ਵਰਤੋਂ ਉਹ ਮਨੁੱਖੀ ਮਦਦ ਅਤੇ ਕੁਦਰਤੀ ਮੁਸੀਬਤਾਂ ਸਮੇਂ ਰਾਹਤ 'ਚ ਕਰ ਸਕੇਗਾ।'' ਇਸ ਦੇ ਇਲਾਵਾ, ਇਸ ਖਰੀਦ ਜਰੀਏ ਭਾਰਤ ਆਪਣੇ ਸੈਨਿਕ ਬਲਾਂ ਨੂੰ ਹੋਰ ਤੇਜ਼ ਰਣਨੀਤਕ ਲੜਾਕੂ ਹਵਾਈ ਆਵਾਜਾਈ ਸਮਰੱਥਾਵਾਂ ਉਪਲਬਧ ਕਰਾ ਸਕੇਗਾ।
ਵਰਤਮਾਨ 'ਚ ਭਾਰਤ ਸੀ-17 ਦਾ ਪਰਿਚਾਲਨ ਕਰਦਾ ਹੈ ਅਤੇ ਆਪਣੇ ਸੈਨਿਕ ਬਲਾਂ 'ਚ ਇਸ ਜਹਾਜ਼ ਨੂੰ ਸ਼ਾਮਿਲ ਕਰਨ 'ਚ ਉਸ ਨੂੰ ਕੋਈ ਮੁਸ਼ਕਲ ਨਹੀਂ ਆਵੇਗੀ। ਏਜੰਸੀ ਮੁਤਾਬਕ ਪ੍ਰਸਤਾਵਿਤ ਵਿਕਰੀ ਨਾਲ ਖੇਤਰ 'ਚ ਮੂਲ ਸੈਨਿਕ ਸੰਤੁਲਨ 'ਚ ਬਦਲਾਅ ਨਹੀਂ ਆਵੇਗਾ। ਕਾਂਗਰਸ ਨੇ ਇਹ ਸਪੱਸ਼ਟ ਕਰ ਦਿੱਤਾ ਹੈ ਕਿ ਜਿਸ ਤਰ੍ਹਾਂ ਅਮਰੀਕਾ ਸੰਵੇਦਨਸ਼ੀਲ ਤਕਨੀਕ ਦੀ ਰੱਖਿਆ ਕਰਦਾ ਹੈ, ਉਸੇ ਤਰ੍ਹਾਂ ਭਾਰਤ ਵੀ ਉਸ ਤਕਨੀਕ ਦੀ ਰੱਖਿਆ ਕਰ ਸਕਦਾ ਹੈ। ਪੇਂਟਾਗਨ ਨੇ ਕਿਹਾ,'' ਇਹ ਪ੍ਰਸਤਾਵਿਤ ਵਿਕਰੀ ਅਮਰੀਕਾ, ਉਸ ਦੀ ਵਿਦੇਸ਼ ਨੀਤੀ ਅਤੇ ਨੀਤੀ ਨੂੰ ਕਾਨੂੰਨ ਮੁਤਾਬਕ ਸਹੀ ਠਹਿਰਾਉਣ ਸੰਬੰਧੀ ਦਸਤਾਵੇਜਾਂ 'ਚ ਜਿਨ੍ਹਾਂ ਸੁਰੱਖਿਆ ਟਿੱਚਿਆਂ ਦਾ ਜਿਕਰ ਕੀਤਾ ਗਿਆ ਹੈ, ਉਨ੍ਹਾਂ ਨੂੰ ਅੱਗੇ ਵਧਾਉਣ ਲਈ ਜ਼ਰੂਰੀ ਹੈ। ਪੇਂਟਾਗਨ ਮੁਤਾਬਕ ਬੋਇੰਗ ਸੀ-17ਏ ਗਲੋਬ ਮਾਸਟਰ ਥ੍ਰੀ ਸੈਨਿਕ ਹਵਾਈ ਆਵਾਜਾਈ ਜਹਾਜ਼ ਅਮਰੀਕੀ ਹਵਾਈ ਸੈਨਾ ਦੇ ਬੇੜੇ 'ਚ ਬਹੁਤ ਆਸਾਨੀ ਨਾਲ ਸ਼ਾਮਲ ਹੋਣ ਵਾਲਾ ਮਾਲਵਾਹਕ ਜਹਾਜ਼ ਹੈ।
ਸੀ-17 ਮੁੱਖ ਪਰਿਚਾਲਨ ਅਦਾਰਿਆਂ ਅਤੇ ਮੋਹਰੀ ਪਰਿਚਾਲਨ ਥਾਵਾਂ 'ਤੇ 17,0,900 ਪਾਊਂਡ ਭਾਰ ਜਵਾਨਾਂ ਅਤੇ ਉਪਕਰਨਾਂ ਨੂੰ ਲਿਆਉਣ-ਲੈ ਜਾਣ 'ਚ ਸਮਰੱਥ ਹੈ। ਇਹ ਜਹਾਜ਼ ਘੱਟ ਲੰਬੀ ਪੱਟੀ 'ਤੇ ਪੂਰੇ ਭਾਰ ਨਾਲ ਉਤਰਣ 'ਚ ਸਮਰੱਥ ਹੈ। ਇਹ ਰਣਨੀਤਕ 'ਏਅਰ ਲਿਫਟ' ਅਤੇ 'ਏਅਰ ਡ੍ਰਾਪ' ਮੁਹਿੰਮਾਂ ਨੂੰ ਪੂਰਾ ਕਰ ਸਕਦਾ ਹੈ। ਇਸ ਦੇ ਇਲਾਵਾ ਸਾਮਾਨ ਨੂੰ , ਮਰੀਜ਼ਾਂ ਨੂੰ ਲਿਆਉਣ-ਲੈ ਜਾਣ ਦਾ ਕੰਮ ਵੀ ਕਰ ਸਕਦਾ ਹੈ। ਪੂਰੀ ਤਰ੍ਹਾਂ ਨਾਲ ਏਕੀਕ੍ਰਿਤ ਇਲੈਕਟ੍ਰਾਨਿਕ ਕਾਕਪਿਟ ਅਤੇ ਆਧੁਨਿਕ ਮਾਲ ਢੁਲਾਈ ਪ੍ਰਣਾਲੀ ਦੇ ਚੱਲਦੇ ਇਸ 'ਚ ਚਾਲਕ ਦਲ ਦੇ ਪਾਇਲਟ, ਸਹਿ-ਪਾਇਲਟ ਅਤੇ ਲੋਡ ਮਾਸਟਰ ਹੋ ਸਕਦੇ ਹਨ।