'ਫੇਫੜਿਆਂ 'ਚ ਸੋਜ' ਦੀ ਸਮੱਸਿਆ ਪਰ ਜਲਵਾਯੂ ਸੰਮੇਲਨ ਲਈ ਦੁਬਈ ਜਾਵਾਂਗਾ: ਪੋਪ ਫਰਾਂਸਿਸ

ਵੈਟੀਕਨ ਸਿਟੀ - ਪੋਪ ਫਰਾਂਸਿਸ ਸੇਂਟ ਪੀਟਰ ਸਕੁਏਅਰ ਦੀ ਬਜਾਏ ਆਪਣੇ ਨਿਵਾਸ ਦੇ ਚੈਪਲ ਵਿੱਚ ਬੈਠੇ ਦਿਖਾਈ ਦਿੱਤੇ, ਜਦੋਂ ਕਿ ਇੱਕ ਸਹਾਇਕ ਨੇ ਉਨ੍ਹਾਂ ਦੀ ਤਰਫੋਂ ਐਤਵਾਰ ਦਾ ਸੰਦੇਸ਼ ਪੜ੍ਹਿਆ। ਪੋਪ ਫਰਾਂਸਿਸ, ਜੋ ਖੰਘ ਰਿਹਾ ਸੀ ਅਤੇ ਉਸਦੀ ਬਾਂਹ 'ਤੇ ਪੱਟੀ ਬੰਨ੍ਹੀ ਹੋਈ ਸੀ, ਨੇ ਕਿਹਾ ਕਿ ਉਹ "ਫੇਫੜਿਆਂ ਵਿੱਚ ਸੋਜ" ਦੀ ਸਮੱਸਿਆ ਤੋਂ ਪੀੜਤ ਹਨ। ਇਸੇ ਕਰਕੇ ਉਹ ਸੰਦੇਸ਼ ਨਹੀਂ ਦੇ ਸਕਦੇ।

ਇਹ ਵੀ ਪੜ੍ਹੋ - ਐਲਨ ਮਸਕ ਭਾਰਤ ’ਚ ਕਰਨਗੇ 17,000 ਕਰੋੜ ਦਾ ਨਿਵੇਸ਼, ਨਾਲ ਹੀ ਰੱਖੀ ਇਹ ਸ਼ਰਤ

86 ਸਾਲਾ ਪੋਪ, ਆਪਣੇ ਰਵਾਇਤੀ ਚਿੱਟੇ ਬਸਤਰ ਪਹਿਨੇ ਅਤੇ ਆਪਣੇ ਸੱਜੇ ਹੱਥ 'ਤੇ ਪੱਟੀ ਬੰਨ੍ਹੇ ਹੋਏ ਪਾਠ ਦੌਰਾਨ ਸੇਂਟ ਪੀਟਰਜ਼ ਸਕੁਏਅਰ ਦੀ ਬਜਾਏ ਆਪਣੀ ਰਿਹਾਇਸ਼ ਦੇ ਚੈਪਲ ਵਿੱਚ ਸਹਾਇਕ ਦੇ ਕੋਲ ਬੈਠੇ ਰਹੇ। ਇਸ ਦੌਰਾਨ ਪੋਪ ਫਰਾਂਸਿਸ ਨੇ ਕਿਹਾ, "ਪਿਆਰੇ ਭਰਾਵੋ ਅਤੇ ਭੈਣੋ। ਹੈਪੀ ਐਤਵਾਰ। ਅੱਜ, ਮੈਂ ਖਿੜਕੀ 'ਤੇ ਦਿਖਾਈ ਨਹੀਂ ਦੇ ਸਕਦਾ, ਕਿਉਂਕਿ ਮੈਨੂੰ ਫੇਫੜਿਆਂ ਵਿੱਚ ਸੋਜ ਦੀ ਸਮੱਸਿਆ ਹੈ।"

ਇਹ ਵੀ ਪੜ੍ਹੋ - ਬ੍ਰਿਟਿਸ਼ ਬੈਂਕ Barclays 'ਚ ਮੁਲਾਜ਼ਮਾਂ ’ਤੇ ਲਟਕੀ ਛਾਂਟੀ ਦੀ ਤਲਵਾਰ, 2000 ਤੋਂ ਵੱਧ ਕਰਮਚਾਰੀਆਂ ਦੀ ਜਾਵੇਗੀ ਨੌਕਰੀ

ਸੂਤਰਾਂ ਅਨੁਸਾਰ ਪੋਪ ਫਰਾਂਸਿਸ ਨੂੰ ਸ਼ਨੀਵਾਰ ਵਾਲੇ ਦਿਨ ਇੱਕ ਸਕੈਨ ਲਈ ਰੋਮ ਦੇ ਇੱਕ ਹਸਪਤਾਲ ਵਿੱਚ ਲਿਜਾਇਆ ਗਿਆ ਸੀ। ਇਸ ਸਬੰਧ ਵਿੱਚ ਵੈਟੀਕਨ ਨੇ ਕਿਹਾ ਕਿ ਫਲੂ ਦੇ ਕਾਰਨ ਉਹਨਾਂ ਨੂੰ ਆਪਣੀਆਂ ਗਤੀਵਿਧੀਆਂ ਰੱਦ ਕਰਨੀਆਂ ਪਈਆਂ ਹਨ। ਦੂਜੇ ਪਾਸੇ ਪੋਪ ਦੇ ਫੇਫੜਿਆਂ ਵਿੱਚੋਂ ਇੱਕ ਦਾ ਇੱਕ ਹਿੱਸਾ ਉਦੋਂ ਹਟਾ ਦਿੱਤਾ ਗਿਆ ਸੀ ਜਦੋਂ ਫਰਾਂਸਿਸ ਆਪਣੇ ਜੱਦੀ ਅਰਜਨਟੀਨਾ ਵਿੱਚ ਇੱਕ ਨੌਜਵਾਨ ਸੀ। ਪੋਪ ਫ੍ਰਾਂਸਿਸ ਨੇ ਪਾਦਰੀ ਫਾਦਰ ਪਾਓਲੋ ਬ੍ਰੈਡਾ ਨਾਲ ਸਭ ਦੀ ਜਾਣ-ਪਛਾਣ ਕਰਵਾਈ, ਜਿਹਨਾਂ ਨੇ ਇੰਜੀਲ 'ਤੇ ਆਧਾਰਿਤ ਪੋਪ ਦੇ ਐਤਵਾਰ ਵਾਲੇ ਸੰਦੇਸ਼ ਨੂੰ ਪੜ੍ਹਿਆ। ਪੋਪ ਫ੍ਰਾਂਸਿਸ ਨੂੰ ਪੜ੍ਹਨ ਦੌਰਾਨ ਕਈ ਵਾਰ ਖੰਘ ਆਈ।

ਇਹ ਵੀ ਪੜ੍ਹੋ - ਸ਼ਮੀ ਦੀ ਸ਼ਾਨਦਾਰ ਗੇਂਦਬਾਜ਼ੀ ਨੇ ਜਿੱਤਿਆ ਦਿਲ, ਕੰਪਨੀਆਂ ਵਿਚਾਲੇ ਲੱਗੀ ਦੌੜ, ਜਾਣੋ ਇਕ ਡੀਲ ਦੀ ਫ਼ੀਸ

ਅਗਲੇ ਮਹੀਨੇ ਫਰਾਂਸਿਸ ਦਾ 87ਵਾਂ ਜਨਮਦਿਨ ਹੈ। ਉਹਨਾਂ ਦੇ ਕੋਲ ਬੈਠਾ ਇੱਕ ਸਹਾਇਕ ਨੇ ਉਨ੍ਹਾਂ ਦੀ ਤਰਫੋਂ ਸੰਦੇਸ਼ ਪੜ੍ਹੇਗਾ। ਫ੍ਰਾਂਸਿਸ ਨੇ ਕਿਹਾ ਕਿ ਉਹ ਜਲਵਾਯੂ ਪਰਿਵਰਤਨ 'ਤੇ COP28 ਕਾਨਫਰੰਸ ਲਈ ਸੰਯੁਕਤ ਅਰਬ ਅਮੀਰਾਤ ਦੀ ਯਾਤਰਾ ਕਰ ਰਹੇ ਹਨ ਅਤੇ ਸ਼ਨੀਵਾਰ ਨੂੰ ਆਪਣਾ ਭਾਸ਼ਣ ਨਿਰਧਾਰਤ ਸਮੇਂ ਦੇਣਗੇ। ਉਨ੍ਹਾਂ ਜਲਵਾਯੂ ਤਬਦੀਲੀ ਦੀ ਸਮੱਸਿਆ ਨੂੰ ਗੰਭੀਰ ਸਮੱਸਿਆ ਦੱਸਿਆ। ਸੰਯੁਕਤ ਰਾਸ਼ਟਰ ਜਲਵਾਯੂ ਪਰਿਵਰਤਨ ਕਾਨਫਰੰਸ ਨੂੰ ਆਮ ਤੌਰ 'ਤੇ COP28 ਵਜੋਂ ਜਾਣਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ - ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ, ਜਾਣੋ ਅੱਜ ਦੇ ਤਾਜ਼ਾ ਭਾਅ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8