ਕੋਸਟਾਰਿਕਾ ’ਚ ਛੋਟਾ ਜਹਾਜ਼ ਹਾਦਸਾਗ੍ਰਸਤ, 6 ਲੋਕਾਂ ਦੀ ਮੌਤ ਹੋਣ ਦਾ ਖ਼ਦਸ਼ਾ
10/22/2022 11:42:16 PM
ਸੈਨ ਜੋਸ : ਕੋਸਟਾਰਿਕਾ ਦੇ ਤੱਟ ਨੇੜੇ ਕੈਰੇਬੀਅਨ ਸਾਗਰ ’ਚ ਸ਼ਨੀਵਾਰ ਨੂੰ ਇਕ ਛੋਟਾ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਜਹਾਜ਼ ’ਚ 6 ਲੋਕ ਸਵਾਰ ਸਨ, ਜਿਨ੍ਹਾਂ ਦੀ ਇਸ ਘਟਨਾ ’ਚ ਮੌਤ ਹੋਣ ਦਾ ਖ਼ਦਸ਼ਾ ਹੈ। ਸੁਰੱਖਿਆ ਮੰਤਰੀ ਜਾਰਜ ਟੋਰੇਸ ਮੁਤਾਬਕ ਜਹਾਜ਼ ’ਚ ਸਵਾਰ 5 ਲੋਕ ਜਰਮਨ ਦੇ ਨਾਗਰਿਕ ਸਨ ਅਤੇ ਪਾਇਲਟ ਸਵਿਟਜ਼ਰਲੈਂਡ ਦਾ ਨਿਵਾਸੀ ਸੀ।
ਇਹ ਖ਼ਬਰ ਵੀ ਪੜ੍ਹੋ : ਗੁਰੂਆਂ ਦੇ ਸੁਫ਼ਨਿਆਂ ਨੂੰ ਸਾਕਾਰ ਕਰਨ ਲਈ ਕੰਮ ਕਰਦਾ ਰਹਾਂਗਾ : PM ਮੋਦੀ
ਕੋਸਟਾਰਿਕਾ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਦੋ ਇੰਜਣ ਵਾਲੇ ਛੋਟੇ ਜਹਾਜ਼ ਦੇ ਟੁਕੜੇ ਸ਼ਨੀਵਾਰ ਨੂੰ ਬਰਾਮਦ ਕੀਤੇ ਗਏ। ਜਹਾਜ਼ ਸ਼ੁੱਕਰਵਾਰ ਨੂੰ ਉਡਾਣ ਭਰਨ ਤੋਂ ਬਾਅਦ ਲਾਪਤਾ ਹੋ ਗਿਆ ਸੀ।