ਰੂਸ ਦੇ ਇਕਲੌਤੇ ਜਹਾਜ਼ ਕੈਰੀਅਰ ਨੂੰ ਲੱਗੀ ਅੱਗ

ਮਾਸਕੋ (ਭਾਸ਼ਾ): ਰੂਸ ਦੇ ਇਕਲੌਤੇ ਜਹਾਜ਼ ਕੈਰੀਅਰ ਵਿਚ ਆਰਕਟਿਕ ਸ਼ਿਪਯਾਰਡ ਵਿਚ ਵੀਰਵਾਰ ਨੂੰ ਮੁਰੰਮਤ ਦੌਰਾਨ ਅੱਗ ਲੱਗ ਗਈ। ਇਸ ਘਟਨਾ ਵਿਚ ਘੱਟੋ-ਘੱਟ ਇਕ ਕਰਮਚਾਰੀ ਦੇ ਲਾਪਤਾ ਹੋਣ ਦੀ ਖਬਰ ਹੈ। ਰੂਸ ਦੀਆਂ ਸਮਾਚਾਰ ਏਜੰਸੀਆਂ ਮੁਤਾਬਕ 'ਐਡਮਿਰਲ ਕੁਜਨੇਤਸੋਵ' ਨਾਮ ਦੇ ਇਸ ਇਕਲੌਤੇ ਜਹਾਜ਼ ਕੈਰੀਅਰ ਦੀ ਮੁਰਮਾਂਸਕ ਵਿਚ 2 ਸਾਲ ਤੋਂ ਵੱਧ ਸਮੇਂ ਤੋਂ ਮੁਰੰਮਤ ਚੱਲ ਰਹੀ ਸੀ। ਇਸ ਨੂੰ ਪਹਿਲਾਂ ਅਕਤੂਬਰ 2018 ਵਿਚ ਉਦੋਂ ਨੁਕਸਾਨ ਪਹੁੰਚਿਆ ਸੀ ਜਦੋਂ ਇਕ ਕਰੇਨ ਇਸ ਦੇ ਡੈੱਕ ਨਾਲ ਟਕਰਾ ਗਈ ਸੀ।