ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਕਿੰਗ ਚਾਰਲਸ III ਦੀ ਤਾਜਪੋਸ਼ੀ ਮੌਕੇ ਪੜ੍ਹਣਗੇ ਬਾਈਬਲ ਦਾ ਸੰਦੇਸ਼
05/05/2023 6:04:51 PM
ਲੰਡਨ (ਭਾਸ਼ਾ) - ਬਰਤਾਨਵੀ ਪ੍ਰਧਾਨ ਮੰਤਰੀਆਂ ਦੇ ਸੰਦੇਸ਼ ਪੜ੍ਹਨ ਦੀ ਤਾਜ਼ਾ ਪਰੰਪਰਾ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਰਿਸ਼ੀ ਸੁਨਕ ਸ਼ਨੀਵਾਰ ਨੂੰ ਰਾਜਾ ਚਾਰਲਸ ਤੀਜੇ ਦੀ ਤਾਜਪੋਸ਼ੀ ਮੌਕੇ 'ਬਾਇਬਲ ਆਫ ਕੋਲੋਸੀਅਨ' ਕਿਤਾਬ ਦਾ ਸੰਦੇਸ਼ ਪੜ੍ਹਣਗੇ। ਸੁਨਕ ਭਾਰਤੀ ਵਿਰਾਸਤ ਦੇ ਬ੍ਰਿਟੇਨ ਦੇ ਪਹਿਲੇ ਪ੍ਰਧਾਨ ਮੰਤਰੀ ਅਤੇ ਇੱਕ ਹਿੰਦੂ ਸ਼ਰਧਾਲੂ ਹਨ।
ਇੱਕ ਬਾਈਬਲੀ ਸੰਦੇਸ਼ ਵਾਲਾ ਉਸ ਦਾ ਸੰਬੋਧਨ 6 ਮਈ ਨੂੰ ਵੈਸਟਮਿੰਸਟਰ ਐਬੇ ਵਿਖੇ ਈਸਾਈ ਜਸ਼ਨਾਂ ਦੇ ਬਹੁ-ਧਾਰਮਿਕ ਥੀਮ ਨੂੰ ਪ੍ਰਗਟ ਕਰਦਾ ਹੈ। ਕੈਂਟਰਬਰੀ ਦੇ ਆਰਕਬਿਸ਼ਪ ਰੈਵਰੈਂਡ ਜਸਟਿਨ ਵੈਲਬੀ ਦੇ ਦਫਤਰ ਲੈਂਬੇਥ ਪੈਲੇਸ ਨੇ ਕਿਹਾ ਕਿ ਦੂਜੀਆਂ ਧਾਰਮਿਕ ਪਰੰਪਰਾਵਾਂ ਦੇ ਮੈਂਬਰ ਪਹਿਲੀ ਵਾਰ ਸੇਵਾ ਵਿੱਚ ਪ੍ਰਮੁੱਖ ਭੂਮਿਕਾ ਨਿਭਾਉਣਗੇ। ਇਸ ਵਿਚ ਕਿਹਾ ਗਿਆ ਹੈ, "ਤਾਜਪੋਸ਼ੀ ਦੇ ਮੌਕਿਆਂ 'ਤੇ ਬ੍ਰਿਟਿਸ਼ ਪ੍ਰਧਾਨ ਮੰਤਰੀਆਂ ਦੇ ਸੰਦੇਸ਼ ਨੂੰ ਪੜ੍ਹਨ ਦੀ ਹਾਲੀਆ ਪਰੰਪਰਾ ਦਾ ਪਾਲਣ ਕਰਦੇ ਹੋਏ, ਇਸ ਨੂੰ ਮੇਜ਼ਬਾਨ ਰਾਸ਼ਟਰ ਦੀ ਸਰਕਾਰ ਦੇ ਮੁਖੀ ਵਜੋਂ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਦੁਆਰਾ ਪੜ੍ਹਿਆ ਜਾਵੇਗਾ।"
ਇਹ ਵੀ ਪੜ੍ਹੋ : ਖ਼ੁਰਾਕੀ ਵਸਤਾਂ ਦੀਆਂ ਕੀਮਤਾਂ ਵਧਣ ਕਾਰਨ ਵਿਗੜਿਆ ਰਸੋਈ ਦਾ ਬਜਟ, Veg-NonVeg ਥਾਲੀ ਹੋਈ ਮਹਿੰਗੀ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।