ਅਫਗਾਨਿਸਤਾਨ ''ਚ ਪਾਕਿ ਦੂਤਘਰ ਦੇ ਬਾਹਰ ਧਮਾਕਾ
08/26/2019 9:04:00 AM
ਇਸਲਾਮਾਬਾਦ (ਬਿਊਰੋ)— ਪਾਕਿਸਤਾਨ ਨੇ ਐਤਵਾਰ ਨੂੰ ਕਿਹਾ ਕਿ ਅਫਗਾਨਿਸਤਾਨ ਦੇ ਅਸ਼ਾਂਤ ਜਲਾਲਾਬਾਦ ਸ਼ਹਿਰ ਸਥਿਤ ਉਸ ਦੇ ਦੂਤਘਰ ਦੇ ਬਾਹਰ ਇਕ ਧਮਾਕਾ ਹੋਇਆ। ਇਸ ਧਮਾਕੇ ਵਿਚ ਇਕ ਪੁਲਸ ਕਰਮੀ ਸਮੇਤ ਘੱਟੋ-ਘੱਟ 3 ਵਿਅਕਤੀ ਜ਼ਖਮੀ ਹੋ ਗਏ। ਪਾਕਿਸਤਾਨ ਦੇ ਵਿਦੇਸ਼ ਦਫਤਰ ਦੇ ਬੁਲਾਰੇ ਮੁਹੰਮਦ ਫੈਜ਼ਲ ਨੇ ਦੱਸਿਆ ਕਿ ਜਲਾਲਾਬਾਦ ਵਿਚ ਦੂਤਘਰ ਦੇ ਬਾਹਰ ਇਕ ਆਈ.ਈ.ਡੀ. ਧਮਾਕਾ ਹੋਇਆ।
IED exploded outside holding area of our Consulate General in Jalalabad. All Pakistani staff are safe. One policeman and two applicants are reportedly wounded. We are in contact with Afghan authorities to ensure strengthened security for Consulate General’s premises and personnel
— Dr Mohammad Faisal (@ForeignOfficePk) August 25, 2019
ਉਨ੍ਹਾਂ ਨੇ ਇਕ ਟਵੀਟ ਕੀਤਾ,''ਜਲਾਲਾਬਾਦ ਵਿਚ ਸਾਡੇ ਦੂਤਘਰ ਦੇ ਬਾਹਰ ਇਕ ਆਈ.ਈ.ਡੀ. ਧਮਾਕਾ ਹੋਇਆ। ਸਾਰੇ ਪਾਕਿਸਤਾਨੀ ਕਰਮਚਾਰੀ ਸੁਰੱਖਿਅਤ ਹਨ। ਮਿਲੀ ਜਾਣਕਾਰੀ ਮੁਤਾਬਕ ਇਕ ਪੁਲਸਕਰਮੀ ਅਤੇ ਦੋ ਬਿਨੈਕਾਰ ਜ਼ਖਮੀ ਹੋਏ ਹਨ।'' ਫੈਜ਼ਲ ਨੇ ਕਿਹਾ,''ਅਸੀਂ ਕੌਂਸਲੇਟ ਕੰਪਲੈਕਸ ਅਤੇ ਕਰਮੀਆਂ ਦੀ ਸੁਰੱਖਿਆ ਯਕੀਨੀ ਕਰਨ ਲਈ ਅਫਗਾਨ ਅਧਿਕਾਰੀਆਂ ਨਾਲ ਸੰਪਰਕ ਵਿਚ ਹਾਂ।'' ਹਾਲੇ ਤੱਕ ਕਿਸੇ ਵੀ ਸੰਗਠਨ ਨੇ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ।