ਮੋਦੀ ਦੀ ਰਾਹ ''ਤੇ ਤੁਰੇ ਪਾਕਿ ਰਾਸ਼ਟਰਪਤੀ, ਤਸਵੀਰਾਂ ਵਾਇਰਲ
09/24/2019 5:44:54 PM
ਇਸਲਾਮਾਬਾਦ (ਬਿਊਰੋ)— ਪਾਕਿਸਤਾਨ ਦੇ ਰਾਸ਼ਟਰਪਤੀ ਆਰਿਫ ਅਲਵੀ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਇਨ੍ਹਾਂ ਤਸਵੀਰਾਂ ਵਿਚ ਅਲਵੀ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ 'ਸਵੱਛ ਭਾਰਤ ਮੁਹਿੰਮ' ਦੀ ਰਾਹ 'ਤੇ ਤੁਰਦੇ ਨਜ਼ਰ ਆਏ। ਤਸਵੀਰਾਂ ਮੁਤਾਬਕ ਰਾਸ਼ਟਰਪਤੀ ਆਰਿਫ ਅਲਵੀ ਟਰੈਕਿੰਗ ਕਰਨ ਦੌਰਾਨ ਕੂੜਾ ਇਕੱਠਾ ਕਰਦੇ ਨਜ਼ਰ ਆ ਰਹੇ ਹਨ। ਇਹ ਤਸਵੀਰਾਂ ਚਾਂਗਲਾ ਗਲੀ ਦੀਆਂ ਹਨ, ਜੋ ਦੇਸ਼ ਦੇ ਗਲਯਾਤ ਖੇਤਰ ਵਿਚ ਪਰਬਤੀ ਸੈਲਾਨੀ ਸ਼ਹਿਰਾਂ ਵਿਚੋਂ ਇਕ ਹੈ।
During our treks we usually take trash bags on our treks but accidentally forgot them, next time will do more. Our citizens need to be educated to enjoy this beautiful county but be Responsible Tourists
— Awab Alvi (@DrAwab) September 22, 2019
A strong message set by @ArifAlvi @PresOfPakistan #ResponsibleTourism pic.twitter.com/h6ZdpZLBF2
ਇਕ ਅੰਗਰੇਜ਼ੀ ਅਖਬਾਰ ਦੀ ਰਿਪੋਰਟ ਮੁਤਾਬਕ ਅਲਵੀ ਦੇ ਬੇਟੇ ਨੇ ਇਹ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ਵਿਚ ਅਲਵੀ ਨੂੰ ਇਕ ਥੈਲੇ ਵਿਚ ਕੂੜਾ ਇਕੱਠਾ ਕਰਦਿਆਂ ਅਤੇ ਫਿਰ ਕੂੜੇ ਨੂੰ ਸੜਕ ਕਿਨਾਰੇ ਰੱਖੇ ਕੂੜੇਦਾਨ ਵਿਚ ਪਾਉਂਦਿਆਂ ਦੇਖਿਆ ਜਾ ਸਕਦਾ ਹੈ।
ਰਾਸ਼ਟਰਪਤੀ ਅਲਵੀ ਨੇ ਨਾਲ ਹੀ ਸੈਲਾਨੀਆਂ ਨੂੰ ਵੀ ਉੱਤਰੀ ਪਰਬਤੀ ਖੇਤਰ ਦੀ ਯਾਤਰਾ ਦੌਰਾਨ ਜ਼ਿੰਮੇਵਾਰੀ ਨਾਲ ਵਿਵਹਾਰ ਕਰਨ ਦੀ ਸਲਾਹ ਦਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਹੈ,''ਅਸੀਂ ਆਮਤੌਰ 'ਤੇ ਆਪਣੀ ਯਾਤਰਾ ਦੌਰਾਨ ਕੂੜੇ ਦੇ ਥੈਲੇ ਨਾਲ ਲਿਆਉਂਦੇ ਹਾਂ ਪਰ ਉਸ ਨੂੰ ਅਣਜਾਣੇ ਵਿਚ ਭੁੱਲ ਜਾਂਦੇ ਹਾਂ। ਸਾਡੇ ਨਾਗਰਿਕਾਂ ਨੂੰ ਸਿੱਖਿਅਤ ਕੀਤੇ ਜਾਣ ਦੀ ਲੋੜ ਹੈ ਤਾਂ ਜੋ ਉਹ ਉਹ ਇਸ ਸੁੰਦਰ ਦੇਸ਼ ਦਾ ਆਨੰਦ ਲੈ ਸਕਣ ਅਤੇ ਇਕ ਜ਼ਿੰਮੇਵਾਰ ਸੈਲਾਨੀ ਬਣ ਸਕਣ।''
ਰਾਸ਼ਟਰਪਤੀ ਅਲਵੀ ਦੀਆਂ ਇਹ ਤਸਵੀਰਾਂ ਸ਼ੇਅਰ ਹੋਣ ਦੇ ਬਾਅਦ ਲੋਕ ਵੱਖ-ਵੱਖ ਤਰ੍ਹਾਂ ਦੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਕੁਝ ਲੋਕਾਂ ਨੇ ਇਸ ਨੂੰ ਮੋਦੀ ਦੀ ਰਾਹ 'ਤੇ ਤੁਰਨ ਵਾਲੀ ਮੁਹਿੰਮ ਦੱਸਿਆ ਜਦਕਿ ਕੁਝ ਲੋਕਾਂ ਨੇ ਇਸ ਨੂੰ ਸਿਰਫ ਡਰਾਮਾ ਦੱਸਿਆ ਤਾਂ ਕਿਸੇ ਨੇ ਤਾਰੀਫ ਕੀਤੀ ਹੈ।