ਪਾਕਿ ਹਵਾਈ ਫੌਜ ਦਾ ਜਹਾਜ਼ ਹਾਦਸੇ ਦਾ ਸ਼ਿਕਾਰ, 2 ਹਲਾਕ
01/07/2020 4:25:34 PM
ਇਸਲਾਮਾਬਾਦ- ਪਾਕਿਸਤਾਨੀ ਹਵਾਈ ਫੌਜ (ਪੀ.ਏ.ਐਫ.) ਦਾ ਇਕ ਟ੍ਰੇਨੀ ਜਹਾਜ਼ ਮੰਗਲਵਾਰ ਨੂੰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਇਸ ਹਾਦਸੇ ਵਿਚ ਫਲਾਈਂਗ ਅਫਸਰ ਇਬਾਦ ਤੇ ਸਕਵਾਡ੍ਰਨ ਲੀਡਰ ਹਾਰਿਸ ਦੇ ਮਾਰੇ ਜਾਣ ਦੀ ਖਬਰ ਹੈ। ਸਥਾਨਕ ਮੀਡੀਆ ਦੇ ਮੁਤਾਬਕ ਇਸ ਜਹਾਜ਼ ਨੇ ਮਿਆਂਵਾਲੀ ਸਥਿਤ ਆਲਮ ਏਅਰਬੇਸ ਤੋਂ ਉਡਾਣ ਭਰੀ ਸੀ।
Just recived this 4rom Mianwali... PAF jet Crashed..#ArmyAct pic.twitter.com/PGkQH9paCX
— کلیم نیازی (@KalimKhanNiazi) January 7, 2020
ਹਾਲਾਂਕਿ ਪਾਕਿਸਤਾਨੀ ਹਵਾਈ ਫੌਜ ਨੇ ਇਸ ਮਾਮਲੇ ਵਿਚ ਕੋਈ ਅਧਿਕਾਰਿਤ ਬਿਆਨ ਜਾਰੀ ਨਹੀਂ ਕੀਤਾ ਹੈ। ਅਜੇ ਇਹ ਵੀ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਹਾਦਸਾ ਕਿਸ ਕਾਰਨ ਵਾਪਰਿਆ। ਪਿਛਲੇ ਸਾਲ ਜੁਲਾਈ ਵਿਚ ਪਾਕਿਸਤਾਨੀ ਫੌਜ ਦਾ ਇਕ ਛੋਟਾ ਜਹਾਜ਼ ਰਾਵਲਪਿੰਡੀ ਵਿਚ ਟ੍ਰੇਨਿੰਗ ਦੌਰਾਨ ਕ੍ਰੈਸ਼ ਹੋ ਗਿਆ ਸੀ। ਇਹ ਹਾਦਸੇ ਵਿਚ 19 ਲੋਕਾਂ ਦੀ ਜਾਨ ਚਲੀ ਗਈ ਸੀ।