ਰੰਗੀਨ ਮਿਜਾਜ ਲਈ ਜਾਣੇ ਜਾਂਦੇ ਹਨ ਪਾਕਿਸਤਾਨ ਦੇ ਨਵੇਂ ਨਾਮਜਦ ਪ੍ਰਧਾਨ ਮੰਤਰੀ, ਕਰਵਾ ਚੁੱਕੇ ਹਨ 5 ਵਿਆਹ

ਇਸਲਾਮਾਬਾਦ : ਪਾਕਿਸਤਾਨ ਵਿੱਚ ਸਿਆਸੀ ਪਾਰਟੀਆਂ ਵਿੱਚ ਪ੍ਰਧਾਨ ਮੰਤਰੀ ਦਾ ਅਹੁਦਾ ਹਥਿਆਉਣ ਲਈ ਮੁਕਾਬਲਾ ਤੇਜ਼ ਹੈ। ਮੁਸਲਿਮ ਲੀਗ ਨਵਾਜ਼ (ਪੀਐਮਐਲ-ਐਨ) ਬਿਲਾਵਲ ਭੁੱਟੋ ਦੀ ਪਾਕਿਸਤਾਨ ਪੀਪਲਜ਼ ਪਾਰਟੀ ਨਾਲ ਗੱਠਜੋੜ ਸਰਕਾਰ ਬਣਾਉਣ ਜਾ ਰਹੀ ਹੈ ਅਤੇ ਪੀਐਮਐਲ-ਐਨ ਦੇ ਮੁਖੀ ਨਵਾਜ਼ ਸ਼ਰੀਫ਼ ਨੇ ਪਾਰਟੀ ਦੀ ਤਰਫ਼ੋਂ ਸ਼ਾਹਬਾਜ਼ ਸ਼ਰੀਫ਼ ਨੂੰ ਪਾਕਿਸਤਾਨ ਦਾ ਨਵਾਂ ਪ੍ਰਧਾਨ ਮੰਤਰੀ ਨਾਮਜ਼ਦ ਕੀਤਾ ਹੈ।

ਇਹ ਵੀ ਪੜ੍ਹੋ :    ਕਿਸਾਨ ਅੰਦੋਲਨ 2.0 : ਹਰਿਆਣਾ ਪੁਲਸ ਵਲੋਂ ਚੰਡੀਗੜ੍ਹ-ਦਿੱਲੀ ਰੂਟ ਲਈ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ

ਸ਼ਾਹਬਾਜ਼ ਸ਼ਰੀਫ ਦੇ 3 ਵਿਆਹ ਹੋ ਚੁੱਕੇ ਹਨ ਅਤੇ ਇਮਰਾਨ ਖਾਨ ਤੋਂ ਦੋ ਕਦਮ ਅੱਗੇ ਹਨ। ਪਾਕਿਸਤਾਨ ਵਿਚ ਅਧਿਕਾਰਤ ਤੌਰ 'ਤੇ, ਸ਼ਹਿਬਾਜ਼ ਸ਼ਰੀਫ ਦੀ ਪਛਾਣ 5 ਵਿਆਹਾਂ ਵਾਲੇ ਸ਼ਹਿਬਾਜ਼ ਸ਼ਰੀਫ ਵਜੋਂ ਕੀਤੀ ਜਾਂਦੀ ਹੈ। ਇਸ ਸਮੇਂ 71 ਸਾਲਾ ਸ਼ਾਹਬਾਜ਼ ਸਰੀਰਕ ਤੌਰ 'ਤੇ ਤੰਦਰੁਸਤ ਹਨ ਅਤੇ ਉਨ੍ਹਾਂ ਦੀ ਸ਼ਖਸੀਅਤ ਆਕਰਸ਼ਕ ਹੈ।

ਸੱਤਾ 'ਚ ਆਉਣ ਤੋਂ ਪਹਿਲਾਂ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਇਕ ਵਾਰ ਫਿਰ ਸੁਰਖੀਆਂ 'ਚ ਹੈ। 1973 ਵਿੱਚ 22 ਸਾਲ ਦੀ ਉਮਰ ਵਿੱਚ ਸ਼ਾਹਬਾਜ਼ ਸ਼ਰੀਫ ਨੇ ਆਪਣੀ ਕਜ਼ਨ ਸਿਸਟਰ ਨੁਸਰਤ ਬੱਟ ਨਾਲ ਵਿਆਹ ਕੀਤਾ। ਇਹ ਵਿਆਹ ਉਸ ਦੇ ਪਿਤਾ ਅਤੇ ਪਰਿਵਾਰ ਦੀ ਪਸੰਦ ਅਨੁਸਾਰ ਹੋਇਆ ਸੀ। ਉਸ ਦੇ ਨੁਸਰਤ ਤੋਂ ਚਾਰ ਬੱਚੇ ਸਨ - ਦੋ ਪੁੱਤਰ ਅਤੇ ਦੋ ਜੁੜਵਾਂ ਧੀਆਂ। ਉਨ੍ਹਾਂ ਦਾ ਨੁਸਰਤ ਤੋਂ 1993 'ਚ ਤਲਾਕ ਹੋ ਗਿਆ ਸੀ। ਬੇਸ਼ੱਕ ਨੁਸਰਤ ਹੁਣ ਸ਼ਾਹਬਾਜ਼ ਤੋਂ ਵੱਖ ਰਹਿੰਦੀ ਹੈ ਪਰ ਦੋ ਸਾਲ ਪਹਿਲਾਂ ਜਦੋਂ ਸ਼ਾਹਬਾਜ਼ ਵਿੱਤੀ ਬੇਨਿਯਮੀਆਂ ਅਤੇ ਮਨੀ ਲਾਂਡਰਿੰਗ ਦੇ ਇੱਕ ਮਾਮਲੇ ਵਿੱਚ ਫਸ ਗਿਆ ਤਾਂ ਨੁਸਰਤ ਵੀ ਇਸ ਵਿੱਚ ਫਸ ਗਈ ਅਤੇ ਉਸ ਨੂੰ ਅਦਾਲਤ ਵਿੱਚ ਪੇਸ਼ ਹੋਣਾ ਪਿਆ। 

ਸ਼ਾਹਬਾਜ਼ ਨੇ 1993 'ਚ ਹੀ ਦੂਜਾ ਵਿਆਹ ਪਾਕਿਸਤਾਨੀ ਮਾਡਲ ਆਲੀਆ ਹਨੀ ਨਾਲ ਕੀਤਾ। ਇਸ ਵਿਆਹ ਕਾਰਨ ਉਨ੍ਹਾਂ ਦੇ ਪਿਤਾ ਮਿਆਂ ਸ਼ਰੀਫ ਬਹੁਤ ਨਰਾਜ਼ ਹੋਏ ਸਨ। ਉਸ ਸਮੇਂ ਆਲੀਆ ਉਭਰਦੀ ਹੋਈ ਨੌਜਵਾਨ ਅਤੇ ਖ਼ੂਬਸੂਰਤ ਮਾਡਲ ਸੀ। ਰੋਮਾਂਸ ਤੋਂ ਬਾਅਦ ਸ਼ਾਹਬਾਜ਼ ਨੇ ਆਲੀਆ ਹਨੀ ਨਾਲ ਗੁਪਤ ਵਿਆਹ ਕਰ ਲਿਆ। ਸ਼ਾਹਬਾਜ਼ ਫਿਰ ਪੰਜਾਬ ਦੇ ਮੁੱਖ ਮੰਤਰੀ ਬਣੇ। ਉਸਨੇ ਆਲੀਆ ਦੇ ਘਰ ਤੱਕ ਪਹੁੰਚਣ ਲਈ ਕੈਵਲਰੀ ਨਾਮ ਦਾ ਇੱਕ ਨਵਾਂ ਪੁਲ ਬਣਾਇਆ ਸੀ, ਇਸ ਪੁਲ ਦਾ ਨਾਮ ਵੀ ਉਨ੍ਹਾਂ ਦੇ ਨਾਮ 'ਤੇ ਹਨੀ ਬ੍ਰਿਜ ਰੱਖਿਆ ਗਿਆ ਸੀ। 1999 'ਚ ਪਾਕਿਸਤਾਨ 'ਚ ਫੌਜੀ ਤਖਤਾਪਲਟ ਤੋਂ ਬਾਅਦ ਜਦੋਂ ਉਹ ਸਾਊਦੀ ਅਰਬ ਗਿਆ ਤਾਂ ਆਲੀਆ ਵੀ ਉਨ੍ਹਾਂ ਦੇ ਨਾਲ ਸੀ ਪਰ ਫਿਰ ਦੋਹਾਂ ਦਾ ਤਲਾਕ ਹੋ ਗਿਆ। ਕੁਝ ਮਹੀਨਿਆਂ ਬਾਅਦ ਆਲੀਆ ਦੀ ਸ਼ੱਕੀ ਹਾਲਾਤਾਂ 'ਚ ਮੌਤ ਹੋ ਗਈ।

ਇਹ ਵੀ ਪੜ੍ਹੋ :    ਸ਼ਨੀਵਾਰ ਨੂੰ ਵੀ ਖੁੱਲ੍ਹੇਗਾ ਸ਼ੇਅਰ ਬਾਜ਼ਾਰ ,  ਡਿਜ਼ਾਸਟਰ ਰਿਕਵਰੀ ਸਾਈਟ ਦੀ ਹੋਵੇਗੀ ਲਾਈਵ

ਜਾਣਕਾਰੀ ਮੁਤਾਬਕ ਆਲੀਆ ਨਾਲ ਆਪਣੇ ਵਿਆਹ ਦੇ ਸਮੇਂ ਦੇ ਆਸਪਾਸ ਹੀ ਉਸਨੇ ਨਰਗਿਸ ਖੋਸਾ ਨਾਲ ਵੀ ਗੁਪਤ ਵਿਆਹ ਕੀਤਾ ਸੀ ਪਰ ਅਧਿਕਾਰਤ ਤੌਰ 'ਤੇ ਇਸਦੀ ਪੁਸ਼ਟੀ ਨਹੀਂ ਹੋਈ ਸੀ। ਉਹ ਪਾਕਿਸਤਾਨ ਦੀ ਸੰਘੀ ਜਾਂਚ ਏਜੰਸੀ ਦੇ ਡਾਇਰੈਕਟਰ ਜਨਰਲ ਤਾਰਿਕ ਖੋਸਾ ਦੀ ਭੈਣ ਸੀ। ਸ਼ਰੀਫ ਪਰਿਵਾਰ ਨੇ ਇਸ ਵਿਆਹ ਨੂੰ ਬਿਲਕੁਲ ਵੀ ਮਨਜ਼ੂਰ ਨਹੀਂ ਕੀਤਾ। ਇਹ ਵਿਆਹ ਉਸੇ ਤਰ੍ਹਾਂ ਗੁਪਤ ਰੂਪ ਵਿੱਚ ਖਤਮ ਹੋਇਆ ਜਿਵੇਂ ਇਹ ਹੋਇਆ ਸੀ।

ਸ਼ਾਹਬਾਜ਼ ਨੇ 2003 ਵਿੱਚ ਗੁਪਤ ਰੂਪ ਵਿੱਚ ਤਹਿਮੀਨਾ ਦੁਰਾਨੀ ਨਾਲ ਵਿਆਹ ਕਰਵਾ ਲਿਆ, ਜੋ ਮਾਈ ਫਿਉਡਲ ਲਾਰਡ ਲਿਖ ਕੇ ਪਾਕਿਸਤਾਨ ਵਿੱਚ ਮਸ਼ਹੂਰ ਹੋ ਗਈ ਸੀ। ਰਿਪੋਰਟ ਮੁਤਾਬਕ ਵੱਡੇ ਜ਼ਿਮੀਂਦਾਰ ਪਰਿਵਾਰ ਤੋਂ ਸ਼ਾਨੋ-ਸ਼ੌਕਤ ਅਤੇ ਅਮੀਰੀ ਵਿਚਕਾਰ ਵੱਡੀ ਹੋਈ ਤਹਿਮੀਨਾ ਨਾਲ ਸ਼ਾਹਬਾਜ਼ ਦਾ ਰੋਮਾਂਸ ਕਰੀਬ 8 ਸਾਲ ਤੱਕ ਚੱਲਿਆ ਅਤੇ ਇਸ ਤੋਂ ਬਾਅਦ ਉਨ੍ਹਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਉਂਜ ਜਦੋਂ ਉਸ ਦਾ ਵਿਆਹ ਹੋਇਆ ਤਾਂ ਉਸ ਦੇ ਪਰਿਵਾਰਕ ਮੈਂਬਰਾਂ ਅਤੇ ਪਾਰਟੀ ਆਗੂਆਂ ਨੂੰ ਇਸ ਬਾਰੇ ਕੋਈ ਥਹੁ-ਪਤਾ ਵੀ ਨਹੀਂ ਲੱਗਾ।

ਵਿਆਹ ਤੋਂ ਕੁਝ ਸਮੇਂ ਬਾਅਦ ਜਦੋਂ ਉਨ੍ਹਾਂ ਨੇ ਦੁਬਈ 'ਚ ਇਕ ਗ੍ਰੈਂਡ ਪਾਰਟੀ ਦਾ ਆਯੋਜਨ ਕੀਤਾ ਸੀ ਤਾਂ ਪਾਰਟੀ ਨੇਤਾਵਾਂ ਨੇ ਕਿਹਾ ਸੀ ਕਿ ਸ਼ਾਹਬਾਜ਼ ਦੀ ਸੀਕ੍ਰੇਟ ਲਾਈਫ ਦਾ ਵੀ ਪਤਾ ਨਹੀਂ ਸੀ। ਪਾਕਿਸਤਾਨ ਦੇ ਰਿਜ਼ਰਵ ਬੈਂਕ ਦੇ ਗਵਰਨਰ ਸ਼ਾਹਕੁਰ ਉੱਲਾ ਦੁਰਾਨੀ ਦੀ ਧੀ ਤਹਿਮੀਨਾ ਅਜੇ ਵੀ ਉਨ੍ਹਾਂ ਦੀ ਪਤਨੀ ਹੈ। ਹੁਣ ਉਸ ਨੂੰ ਪਾਕਿਸਤਾਨ ਦੀ ਪਹਿਲੀ ਮਹਿਲਾ ਬਣਨ ਦਾ ਸਿਹਰਾ ਮਿਲੇਗਾ।ਸ਼ਾਹਕੁਰ ਉੱਲਾ ਦੁਰਰਾ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ ਦੀ ਚੀਫ ਵੀ ਸੀ।

ਤਹਿਮੀਨਾ ਨੂੰ 17 ਸਾਲ ਦੀ ਉਮਰ 'ਚ ਅਨੀਸ ਖਾਨ ਨਾਂ ਦੇ ਨੌਜਵਾਨ ਨਾਲ ਪਿਆਰ ਹੋ ਗਿਆ ਅਤੇ ਪਰਿਵਾਰ ਦੇ ਵਿਰੋਧ ਦੇ ਬਾਵਜੂਦ ਉਸ ਨਾਲ ਵਿਆਹ ਕਰ ਲਿਆ। ਇਸ ਤੋਂ ਉਨ੍ਹਾਂ ਦੀ ਇੱਕ ਬੇਟੀ ਹੋਈ। ਵਿਆਹ ਦੇ ਕੁਝ ਸਾਲਾਂ ਬਾਅਦ ਤਲਾਕ ਵੀ ਹੋ ਗਿਆ। ਇਸ ਤੋਂ ਬਾਅਦ ਤਹਿਮੀਨਾ ਨੇ ਪੰਜਾਬ ਦੇ ਉੱਘੇ ਨੇਤਾ ਗੁਲਾਮ ਮੁਸਤਫਾ ਖਾਰ ਨਾਲ ਵਿਆਹ ਕਰਵਾ ਲਿਆ। ਗੁਲਾਮ ਖੁਦ ਪਹਿਲਾਂ ਵੀ ਕਈ ਵਿਆਹ ਕਰ ਚੁੱਕਾ ਹੈ।

ਇਸ ਵਿਆਹ ਤੋਂ ਤਹਿਮੀਨਾ ਦੇ 4 ਬੱਚੇ ਹੋਏ। ਇਹ ਵਿਆਹ 14 ਸਾਲ ਤੱਕ ਚੱਲਿਆ ਪਰ ਉਸਨੇ ਆਪਣੀ ਕਿਤਾਬ ਵਿੱਚ ਲਿਖਿਆ ਹੈ ਕਿ ਮੁਸਤਫਾ ਉਸਨੂੰ ਕਿਵੇਂ ਤਸੀਹੇ ਦਿੰਦਾ ਸੀ। ਕਿਹਾ ਜਾਂਦਾ ਹੈ ਕਿ ਸ਼ਾਹਬਾਜ਼ ਦਾ ਕੁਲਸੂਮ ਹੇ ਨਾਂ ਦੀ ਔਰਤ ਨਾਲ ਵੀ ਅਫੇਅਰ ਸੀ। ਕੁਲਸੂਮ ਸਰਕਾਰੀ ਅਫਸਰ ਸੀ। ਸ਼ਾਹਬਾਜ਼ ਨੇ 2012 'ਚ ਉਸ ਨਾਲ ਚੋਰੀ-ਛਿਪੇ ਵਿਆਹ ਕਰ ਲਿਆ ਅਤੇ ਫਿਰ ਜਲਦੀ ਹੀ ਉਸ ਨੂੰ ਤਲਾਕ ਦੇ ਦਿੱਤਾ। ਦੱਸ ਦੇਈਏ ਕਿ ਸ਼ਰੀਫ ਪਰਿਵਾਰ ਵੀ ਸ਼ਾਹਬਾਜ਼ ਦੀ ਇਸ ਫਿਤਰਤ ਤੋਂ ਖੁਸ਼ ਨਹੀਂ ਹੈ।

ਇਹ ਵੀ ਪੜ੍ਹੋ :   ਕਿਸਾਨ ਅੰਦੋਲਨ 2.0 : ਹਰਿਆਣਾ ਪੁਲਸ ਵਲੋਂ ਚੰਡੀਗੜ੍ਹ-ਦਿੱਲੀ ਰੂਟ ਲਈ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8