ਫੇਸਬੁੱਕ ਦੇ ਸੰਸਥਾਪਕ ਜ਼ੁਕਰਬਰਗ ਤੇ ਪਤਨੀ ਨੇ ਬੇਟੀ ਦੇ ਜਨਮ ''ਤੇ ਕੀਤਾ ਵਾਅਦਾ ਕੀਤਾ ਪੂਰਾ, ਕੀਤਾ ਮਹਾਦਾਨ (ਦੇਖੋ ਤਸਵੀਰਾਂ)

 ਸਾਨ ਫਰਾਂਸਿਸਕੋ— ਕਹਿੰਦੇ ਹਨ ਕਿ ਰੱਬ ਜਿਨ੍ਹਾਂ ''ਤੇ ਆਪਣੀਆਂ ਰਹਿਮਤਾਂ ਵਰ੍ਹਾਉਂਦਾ ਹੈ, ਉਨ੍ਹਾਂ ਨੂੰ ਇਨ੍ਹਾਂ ਰਹਿਮਤਾਂ ਨੂੰ ਦੂਜਿਆਂ ਨਾਲ ਵੀ ਵੰਡਣਾ ਚਾਹੀਦਾ ਹੈ ਤੇ ਅਜਿਹਾ ਹੀ ਕੁਝ ਕੀਤਾ ਹੈ ਫੇਸਬੁੱਕ ਦੇ ਸੰਸਥਾਪਕ ਮਾਰਕ ਜ਼ੁਕਰਬਰਗ ਅਤੇ ਉਨ੍ਹਾਂ ਦੀ ਪਤਨੀ ਪ੍ਰਿਸਿਲਾ ਚਾਨ ਨੇ। ਦੁਨੀਆ ਦੇ ਇਸ ਬੇਹੱਦ ਅਮੀਰ ਜੋੜੇ ਨੇ ਆਪਣੀ ਬੇਟੀ ਦੇ ਜਨਮ ''ਤੇ ਵਾਅਦਾ ਕੀਤਾ ਸੀ ਕਿ ਉਹ ਚੈਰਿਟੀ ਲਈ ਆਪਣੇ ਕਰੋੜਾਂ ਦੇ ਸ਼ੇਅਰ ਦਾਨ ਕਰਨਗੇ ਅਤੇ ਉਨ੍ਹਾਂ ਨੇ ਆਪਣਾ ਵਾਅਦਾ ਪੂਰਾ ਕਰ ਦਿੱਤਾ ਹੈ। ਇਸ ਜੋੜੇ ਨੇ ਚੈਰਿਟੀ ਲਈ ਸੋਸ਼ਲ ਨੈੱਟਵਰਕਿੰਗ ਵੈੱਬਸਾਈਟ ਫੇਸਬੁੱਕ ਦੇ 9.5 ਕਰੋੜ ਡਾਲਰ ਯਾਨੀ ਕਿ ਕਰੀਬ 637 ਕਰੋੜ ਦੀ ਕੀਮਤ ਦੇ ਆਪਣੇ ਸ਼ੇਅਰ ਵੇਚ ਦਿੱਤੇ ਹਨ। ਫੋਬਰਸ ਦੀ ਸ਼ਨੀਵਾਰ ਦੀ ਰਿਪੋਰਟ ਮੁਤਾਬਕ ਇਸ ਜੋੜੇ ਨੇ ''ਚਾਨ ਜ਼ੁਕਰਬਰਗ ਇਨੀਸ਼ੀਏਟਿਵ'' ਫਾਊਂਡੇਸ਼ਨ ਅਤੇ ਸੀ. ਜੈੱਡ. ਆਈ. ਹੋਲਡਿੰਗਸ ਐੱਲ. ਐੱਲ. ਸੀ. ਨੇ ਅਮਰੀਕੀ ਸ਼ੇਅਰ ਮਾਰਕੀਟ ਨੂੰ ਇਹ ਜਾਣਕਾਰੀ ਦਿੱਤੀ। ਜ਼ੁਕਰਬਰਗ ਨੇ ਆਪਣੇ ਫੇਸਬੁੱਕ ਪੇਜ ''ਤੇ ਆਪਣੀ ਬੇਟੀ ਲਈ ਦੁਨੀਆ ਨੂੰ ਬਿਹਤਰ ਬਣਾਉਣ ਦੇ ਮਕਸਦ ਨਾਲ ਆਪਣੇ ਸ਼ੇਅਰ ਵੇਚਣ ਦਾ ਐਲਾਨ ਕੀਤਾ ਸੀ।