ਲੀਬੀਆ 'ਚ ਯੁੱਧ ਜਿਹੇ ਹਾਲਾਤ, ਸੁਸ਼ਮਾ ਸਵਰਾਜ ਨੇ ਟਵੀਟ ਕਰ ਦਿੱਤੀ ਜਾਣਕਾਰੀ
04/07/2019 11:49:57 AM
ਤ੍ਰਿਪੋਲੀ (ਬਿਊਰੋ)— ਲੀਬੀਆ ਵਿਚ ਇਕ ਵਾਰ ਫਿਰ ਯੁੱਧ ਜਿਹੇ ਹਾਲਾਤ ਬਣ ਗਏ ਹਨ। ਰਾਜਧਾਨੀ ਤ੍ਰਿਪੋਲੀ ਵਿਚ ਲੜਾਈ ਚੱਲ ਰਹੀ ਹੈ। ਟਿਊਨੀਸ਼ੀਆ ਵਿਚ ਸਥਿਤ ਭਾਰਤੀ ਦੂਤਘਰ ਦੀ ਸੁਰੱਖਿਆ ਵਿਚ ਤਾਇਨਾਤ 15 ਸੀ.ਆਰ.ਪੀ.ਐੱਫ. ਦੇ ਜੱਥੇ ਨੂੰ ਉੱਥੋਂ ਹਟਾ ਲਿਆ ਗਿਆ ਹੈ। ਇਸ ਦੀ ਜਾਣਕਾਰੀ ਖੁਦ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨੇ ਦਿੱਤੀ।
The situation in Libya has suddenly worsened. There is fighting in Tripoli. Indian Embassy in Tunisia @IndiainTunisia has evacuated the entire contingent of 15 CRPF personnel yesterday itself. I appreciate the excellent work by Indian Embassy in Tunisia. #Libya
— Chowkidar Sushma Swaraj (@SushmaSwaraj) April 7, 2019
ਸੁਸ਼ਮਾ ਸਵਰਾਜ ਨੇ ਟਵੀਟ ਕਰਦਿਆਂ ਲਿਖਿਆ,''ਲੀਬੀਆ ਵਿਚ ਸਥਿਤੀ ਇਕਦਮ ਬਦਤਰ ਹੋ ਗਈ ਹੈ। ਤ੍ਰਿਪੋਲੀ ਵਿਚ ਲੜਾਈ ਚੱਲ ਰਹੀ ਹੈ। ਟਿਊਨੀਸ਼ੀਆ ਵਿਚ ਸਥਿਤ ਭਾਰਤੀ ਦੂਤਘਰ ਨੇ 15 ਸੀ.ਆਰ.ਪੀ.ਐੱਫ. ਦੇ ਪੂਰੇ ਜੱਥੇ ਨੂੰ ਉੱਥੋਂ ਕੱਢ ਲਿਆ ਗਿਆ ਹੈ। ਟਿਊਨੀਸ਼ੀਆ ਵਿਚ ਮੌਜੂਦ ਭਾਰਤੀ ਦੂਤਘਰ ਵੱਲੋਂ ਕੀਤੇ ਗਏ ਕੰਮ ਦੀ ਪ੍ਰਸ਼ੰਸਾ ਕਰਦੀ ਹਾਂ।''
All Indians in distress in Tripoli may please contact Mr.Mehtab on +218916320278 or Mr.Mustafa on +218924201771 or +218912146640. Please RT
— Chowkidar Sushma Swaraj (@SushmaSwaraj) April 7, 2019
ਸੁਸ਼ਮਾ ਦੇ ਇਸ ਟਵੀਟ ਦੇ ਬਾਅਦ ਜਾਵਿਦ ਇਕਬਾਲ ਨਾਮ ਦੇ ਯੂਜ਼ਰ ਨੇ ਸਵਾਲ ਪੁੱਛਿਆ। ਉਨ੍ਹਾਂ ਨੇ ਪੁੱਛਿਆ,''ਮੈਂ ਤੁਹਾਡੀ ਪੋਸਟ ਦਾ ਮਤਲਬ ਨਹੀਂ ਸਮਝਿਆ। ਟਿਊਨੀਸ਼ੀਆ ਦਾ ਤ੍ਰਿਪੋਲਾ ਵਿਚ ਹੋ ਰਹੀ ਲੜਾਈ ਨਾਲ ਕੀ ਸਬੰਧ ਹੈ ਕਿਉਂਕਿ ਟਿਊਨੀਸ਼ੀਆ ਉਹ ਦੇਸ਼ ਹੈ ਜਿਸ ਦੀ ਸਰਹੱਦ ਲੀਬੀਆ ਨਾਲ ਲੱਗਦੀ ਹੈ।''
Indian Ambassador in Tunisia has the concurrent charge of Libya. CRPF contingent is deployed as the Peace keeping force in Tripoli. https://t.co/i2SOpbTfNe
— Chowkidar Sushma Swaraj (@SushmaSwaraj) April 7, 2019
ਆਪਣੇ ਦੂਜੇ ਟਵੀਟ ਵਿਚ ਸੁਸ਼ਮਾ ਨੇ ਕਿਹਾ,''ਟਿਊਨੀਸ਼ੀਆ ਵਿਚ ਭਾਰਤੀ ਰਾਜਦੂਤ ਕੋਲ ਲੀਬੀਆ ਦਾ ਸਮਕਾਲੀ ਚਾਰਜ ਹੈ। ਸੀ.ਆਰ.ਪੀ.ਐੱਫ. ਦੇ ਸਮੂਹ ਨੂੰ ਤ੍ਰਿਪੋਲੀ ਵਿਚ ਪੀਸ ਕੀਪਿੰਗ ਫੋਰਸ (ਸ਼ਾਂਤੀ ਸੇਵਾ) ਦੇ ਤੌਰ 'ਤੇ ਤਾਇਨਾਤ ਕੀਤਾ ਗਿਆ ਹੈ।''