ਈਰਾਨ ''ਚ 3 ਆਸਟ੍ਰੇਲੀਆਈ ਨਾਗਰਿਕਾਂ ''ਤੇ ਲੱਗੇ ਜਾਸੂਸੀ ਦੇ ਦੋਸ਼

ਸਿਡਨੀ/ਤੇਹਰਾਨ (ਭਾਸ਼ਾ)— ਈਰਾਨ ਨੇ ਹਿਰਾਸਤ ਵਿਚ ਲਏ ਗਏ ਤਿੰਨ ਆਸਟ੍ਰੇਲੀਆਈ ਨਾਗਰਿਕਾਂ 'ਤੇ ਜਾਸੂਸੀ ਕਰਨ ਦੇ ਦੋਸ਼ ਲਗਾਏ ਹਨ। ਇਹ ਜਾਣਕਾਰੀ ਗੱਲਬਾਤ ਕਮੇਟੀ 'ਤਸਨੀਮ' ਨੇ ਨਿਆਂਇਕ ਬੁਲਾਰੇ ਜੀ. ਇਜ਼ਮਾਇਲੀ ਦੇ ਹਵਾਲੇ ਨਾਲ ਮੰਗਲਵਾਰ ਨੂੰ ਦਿੱਤੀ। ਇਜ਼ਮਾਇਲੀ ਨੇ ਨਾਮ ਲਏ ਬਿਨਾਂ ਕਿਹਾ ਕਿ ਦੋ ਆਸਟ੍ਰੇਲੀਆਈ ਨਾਗਰਿਕਾਂ 'ਤੇ ਦੋਸ਼ ਹੈ ਕਿ ਉਨ੍ਹਾਂ ਨੇ ਮਿਲਟਰੀ ਠਿਕਾਣਿਆਂ ਦੀਆਂ ਤਸਵੀਰਾਂ ਲੈਣ ਲਈ ਇਕ ਡਰੋਨ ਦੀ ਵਰਤੋਂ ਕੀਤੀ ਜਦਕਿ ਤੀਜੇ ਵਿਅਕਤੀ 'ਤੇ ਹੋਰ ਦੇਸ਼ ਲਈ ਜਾਸੂਸੀ ਕਰਨ ਦਾ ਦੋਸ਼ ਹੈ।