ਸੁਤੰਤਰਤਾ ਦਿਵਸ ਮੌਕੇ ਮੈਡਾਗਾਸਕਰ ''ਚ ''ਤਿਰੰਗੇ'' ਦੀ ਰੌਸ਼ਨੀ ਨਾਲ ਸਜਿਆ ਭਾਰਤੀ ਦੂਤਘਰ (ਵੀਡੀਓ)

ਅੰਟਾਨਾਨਾਰੀਵੋ (ਏਜੰਸੀ): ਭਾਰਤ ਅੱਜ ਆਪਣਾ 75ਵਾਂ ਸੁਤੰਤਰਤਾ ਦਿਵਸ ਮਨਾ ਰਿਹਾ ਹੈ। ਅੱਜ ਦੇ ਦਿਨ 1947 ਵਿੱਚ ਭਾਰਤ ਨੂੰ ਬ੍ਰਿਟਿਸ਼ ਸਰਕਾਰ ਤੋਂ ਆਜ਼ਾਦੀ ਮਿਲੀ ਸੀ। ਇਸ ਵਿਸ਼ੇਸ਼ ਮੌਕੇ 'ਤੇ ਮੈਡਾਗਾਸਕਰ ਦੀ ਰਾਜਧਾਨੀ ਅੰਟਾਨਾਨਾਰੀਵੋ 'ਚ ਭਾਰਤੀ ਦੂਤਘਰ ਦੀ ਇਮਾਰਤ ਨੂੰ ਤਿਰੰਗੇ ਲਾਈਟਾਂ ਨਾਲ ਜਗਮਗਾਇਆ ਗਿਆ।ਇਸ ਦੌਰਾਨ ਭਾਰਤ ਦੇ ਸੁਤੰਤਰਤਾ ਦਿਵਸ ਦੀ 76ਵੀਂ ਵਰ੍ਹੇਗੰਢ ਦੀ ਪੂਰਵ ਸੰਧਿਆ 'ਤੇ ਅੰਟਾਨਾਨਾਰੀਵੋ ਵਿਚ ਟਾਊਨ ਹਾਲ ਵੀ ਤਿਰੰਗੇ ਨਾਲ ਜਗਮਗਾ ਉੱਠਿਆ।

ਆਜ਼ਾਦੀ ਦੀ ਭਾਵਨਾ ਨੂੰ ਯਾਦ ਕਰਨ ਲਈ ਭਾਰਤੀ ਦੂਤਘਰ ਸੋਮਵਾਰ ਨੂੰ ਸਵੇਰੇ 08:30 ਵਜੇ ਅੰਬੈਸੀ ਰਿਹਾਇਸ਼ ਵਿਲਾ ਤਾਨਾਨਾ ਫਿਨਾਰੀਤਰਾ, ਅਨਾਲਮਹਿੰਤਸੀ, ਇਵਾਂਦਰੀ ਵਿਖੇ ਝੰਡਾ ਲਹਿਰਾਉਣ ਦੀ ਰਸਮ ਦਾ ਆਯੋਜਨ ਕਰੇਗਾ। ਭਾਰਤੀ ਦੂਤਘਰ ਨੇ ਟਵੀਟ ਕੀਤਾ ਕਿ ਭਾਰਤੀ ਭਾਈਚਾਰੇ ਦੇ ਸਾਰੇ ਮੈਂਬਰਾਂ ਅਤੇ ਭਾਰਤ ਦੇ ਦੋਸਤਾਂ ਨੂੰ ਸਮਾਰੋਹ 'ਚ ਸ਼ਾਮਲ ਹੋਣ ਲਈ ਸੱਦਾ ਦਿੱਤਾ ਜਾਂਦਾ ਹੈ। ਮੈਡਾਗਾਸਕਰ ਭਾਰਤ ਦਾ ਪ੍ਰਮੁੱਖ ਵਪਾਰਕ ਭਾਈਵਾਲ ਹੈ।ਭਾਰਤ ਅਤੇ ਮੈਡਾਗਾਸਕਰ ਦਰਮਿਆਨ ਮਜ਼ਬੂਤਸਬੰਧ ਹਨ। ਭਾਰਤ ਮੈਡਾਗਾਸਕਰ ਦਾ ਇੱਕ ਪ੍ਰਮੁੱਖ ਵਪਾਰਕ ਭਾਈਵਾਲ ਹੈ, ਜਿਸਦਾ ਦੁਵੱਲਾ ਵਪਾਰ 2020-21 ਵਿੱਚ ਲਗਭਗ 400 ਮਿਲੀਅਨ ਅਮਰੀਕੀ ਡਾਲਰ ਤੱਕ ਪਹੁੰਚ ਗਿਆ ਹੈ।

Watch The Town Hall in #Madagascar’s capital #Antananarivo, lit up with Indian tricolour to celebrate 75th anniversary of India’s Independence. #HarGharTiranga#AmritMahotsav#IndiaAt75 @IndianDiplomacy @diplomatieMg @iccr_hq pic.twitter.com/ROkNWaEyp8

— India in Madagascar & Comoros (@IndembTana) August 14, 2022

ਪੜ੍ਹੋ ਇਹ ਅਹਿਮ ਖ਼ਬਰ-ਖੁਸ਼ਖ਼ਬਰੀ : ਆਸਟ੍ਰੇਲੀਆ ਨੇ ਪ੍ਰਵਾਸੀਆਂ ਦੇ ਦਾਖਲੇ ਨੂੰ ਵਧਾਉਣ ਦੀ ਯੋਜਨਾ ਨੂੰ ਦਿੱਤੀ ਹਰੀ ਝੰਡੀ

ਹਿੰਦ ਮਹਾਸਾਗਰ ਦੇ ਦੋ ਗੁਆਂਢੀਆਂ ਵਿਚਕਾਰ ਸਾਰੇ ਖੇਤਰਾਂ ਵਿੱਚ ਸਬੰਧ ਵਧ ਰਹੇ ਹਨ।ਦੋਵੇਂ ਦੇਸ਼ ਸਿਹਤਮੰਦ ਅਤੇ ਮਜ਼ਬੂਤ ਸਬੰਧ ਸਾਂਝੇ ਕਰਦੇ ਹਨ ਜੋ ਅੱਗੇ ਵਧ ਰਹੇ ਹਨ।ਦੋਵਾਂ ਦੇਸ਼ਾਂ ਵਿਚਾਲੇ ਸਿਹਤ, ਸਿੱਖਿਆ, ਸੱਭਿਆਚਾਰ, ਸੂਚਨਾ ਅਤੇ ਯਾਤਰਾ ਵਰਗੇ ਪ੍ਰਮੁੱਖ ਖੇਤਰਾਂ ਵਿੱਚ ਕਈ ਸਮਝੌਤਿਆਂ 'ਤੇ ਦਸਤਖ਼ਤ ਕੀਤੇ ਗਏ ਹਨ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।