ਕੈਨੇਡਾ ਤੋਂ ਮੁੜ ਮੰਦਭਾਗੀ ਖ਼ਬਰ, PR ਦੀ ਉਡੀਕ ਕਰ ਰਹੇ ਮੋਹਾਲੀ ਦੇ ਨੌਜਵਾਨ ਦੀ ਕਾਰ ਹਾਦਸੇ 'ਚ ਮੌਤ

ਟੋਰਾਂਟੋ (ਆਈ.ਏ.ਐੱਨ.ਐੱਸ.): ਨਵਾਂ ਸਾਲ ਚੜ੍ਹਦੇ ਹੀ ਕੈਨੇਡਾ ਤੋਂ ਲਗਾਤਾਰ ਪੰਜਾਬੀ ਨੌਜਵਾਨਾਂ ਦੀ ਮੌਤ ਹੋ ਜਾਣ ਦੀਆਂ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ। ਤਾਜ਼ਾ ਮਾਮਲੇ ਵਿਚ ਕੈਨੇਡਾ ਵਿੱਚ ਪੱਕੇ ਤੌਰ ’ਤੇ ਰਿਹਾਇਸ਼ (PR) ਹਾਸਲ ਕਰਨ ਦੀ ਉਮੀਦ ਕਰ ਰਹੇ 26 ਸਾਲਾ ਭਾਰਤੀ ਨਾਗਰਿਕ ਦੀ ਦੇਸ਼ ਦੇ ਨਿਊ ਬਰੰਜ਼ਵਿਕ ਸੂਬੇ ਵਿੱਚ ਇੱਕ ਵਾਹਨ ਹਾਦਸੇ ਵਿੱਚ ਮੌਤ ਹੋ ਗਈ। ਗਲੋਬਲ ਨਿਊਜ਼ ਨੇ ਇਸ ਹਫ਼ਤੇ ਦੱਸਿਆ ਕਿ ਪੰਜਾਬ ਦੇ ਮੋਹਾਲੀ ਦੇ ਵਸਨੀਕ ਹਰਵਿੰਦਰ ਸਿੰਘ ਦੀ 26 ਦਸੰਬਰ ਨੂੰ ਹਾਈਵੇਅ 2 'ਤੇ ਸੇਂਟ-ਐਨ-ਡੀ-ਮਾਡਾਵਾਸਕਾ ਵਿਖੇ ਹੋਏ ਹਾਦਸੇ ਵਿੱਚ ਮੌਕੇ 'ਤੇ ਹੀ ਮੌਤ ਹੋ ਗਈ ਸੀ, ਜਦਕਿ ਦੋ ਹੋਰ ਲੋਕ ਜ਼ਖਮੀ ਹੋ ਗਏ ਸਨ।

ਉਸਦੇ ਸਹਿ-ਕਰਮਚਾਰੀਆਂ ਦੇ ਅਨੁਸਾਰ ਸਿੰਘ ਪਿਛਲੀਆਂ ਗਰਮੀਆਂ ਤੋਂ ਫਰੈਡਰਿਕਟਨ ਵਿੱਚ ਸਮਿਥ ਸਟ੍ਰੀਟ 'ਤੇ ਪਾਪਾ ਜੌਨਜ਼ ਵਿਖੇ ਕੰਮ ਕਰਦਾ ਸੀ ਅਤੇ ਉਸਨੇ ਆਪਣੀ ਖ਼ੁਦ ਦੀ ਪਿੱਜ਼ਾ ਦੀ ਦੁਕਾਨ ਖੋਲ੍ਹਣ ਦੇ ਸੁਫ਼ਨੇ ਵੇਖੇ ਸਨ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਦੋ ਨੌਕਰੀਆਂ 'ਤੇ ਕੰਮ ਕਰਦਾ ਸੀ ਅਤੇ ਦੇਸ਼ ਵਿੱਚ ਸਥਾਈ ਨਿਵਾਸ ਲਈ ਕੋਸ਼ਿਸ਼ ਕਰ ਰਿਹਾ ਸੀ। ਰੈਸਟੋਰੈਂਟ, ਜੋ ਸਿੰਘ ਨੂੰ ਪਰਿਵਾਰ ਸਮਝਦਾ ਸੀ, ਹੁਣ ਆਪਣੇ ਮ੍ਰਿਤਕ ਵਰਕਰ ਦੀ ਮੰਗੇਤਰ ਅਤੇ ਪਰਿਵਾਰ ਲਈ ਪੈਸੇ ਇਕੱਠੇ ਕਰ ਰਿਹਾ ਹੈ। ਇਸ ਨੂੰ "ਦਿਲ ਦਹਿਲਾਉਣ ਵਾਲੀ" ਘਟਨਾ ਦੱਸਦਿਆਂ ਰੈਸਟੋਰੈਂਟ ਦੀ ਮਾਲਕਣ ਏਰਿਕਾ ਵੈਲਿਸ ਨੇ ਕਿਹਾ ਕਿ ਉਹ ਬੁੱਧਵਾਰ ਦੀ ਵਿਕਰੀ ਤੋਂ ਪ੍ਰਾਪਤ ਸਾਰੀ ਕਮਾਈ ਸਿੰਘ ਦੀ ਦੇਹ ਨੂੰ ਭਾਰਤ ਵਾਪਸ ਲਿਆਉਣ ਦੇ ਨਾਲ-ਨਾਲ ਅੰਤਿਮ ਸੰਸਕਾਰ ਲਈ ਖਰਚੇ ਦਾ ਭੁਗਤਾਨ ਕਰਨ ਲਈ ਦਾਨ ਕਰੇਗੀ।

ਪੜ੍ਹੋ ਇਹ ਅਹਿਮ ਖ਼ਬਰ-ਭਾਰਤੀ ਮੂਲ ਦੇ ਸਟੋਰ ਵਰਕਰ ਨੇ ਕੈਨੇਡੀਅਨ ਪੁਲਸ 'ਤੇ ਕੀਤਾ 'ਮੁਕੱਦਮਾ', ਦਿੱਤੀ ਸੀ ਦੇਸ਼ ਨਿਕਾਲੇ ਦੀ ਧਮਕੀ 

ਇਸ ਮਗਰੋਂ ਪੂਰਾ ਦਿਨ ਫੰਡ ਆਉਂਦਾ ਰਿਹਾ ਅਤੇ ਦੁਪਹਿਰ ਤੱਕ ਰੈਸਟੋਰੈਂਟ ਵਿਕਰੀ ਵਿੱਚ 15,000 ਡਾਲਰ ਅਤੇ 250 ਤੋਂ ਵੱਧ ਆਰਡਰ ਦੇ ਨੇੜੇ ਤੱਕ ਪਹੁੰਚ ਗਈ। ਵੈਲਿਸ ਨੇ ਨਿਊਜ਼ ਆਉਟਲੈਟ ਨੂੰ ਦੱਸਿਆ,"ਅਸੀਂ ਲੋਕਾਂ ਤੋਂ ਮਿਲ ਰਹੇ ਸਮਰਥਨ ਤੋਂ ਹੈਰਾਨ ਹਾਂ।" ਛੁੱਟੀਆਂ ਤੋਂ ਠੀਕ ਪਹਿਲਾਂ ਸਿੰਘ ਦੇ ਨਾਲ ਸਟਾਫ ਨੇ ਕ੍ਰਿਸਮਸ ਦੇ ਹੈੱਡਬੈਂਡ ਪਹਿਨੇ ਸਨ ਅਤੇ ਕੁਝ ਫੋਟੋਆਂ ਲਈ ਪੋਜ਼ ਦਿੱਤੇ ਸਨ। ਸਿੰਘ ਦੇ ਸਾਥੀਆਂ ਨੇ ਕਿਹਾ ਕਿ ਇਹ ਉਨ੍ਹਾਂ ਨਾਲ ਸਾਂਝੀਆਂ ਕੀਤੀਆਂ ਉਨ੍ਹਾਂ ਦੀਆਂ ਆਖਰੀ ਯਾਦਾਂ ਹੋਣਗੀਆਂ। ਇੱਕ ਸਹਿ-ਕਰਮਚਾਰੀ ਸਟੀ ਮੈਰੀ ਨੇ ਗਲੋਬਲ ਨਿਊਜ਼ ਨੂੰ ਦੱਸਿਆ,"ਇਹ ਸੱਚਮੁੱਚ ਦਿਲ ਦਹਿਲਾਉਣ ਵਾਲਾ ਹੈ ਕਿ ਇਹ ਕਿਵੇਂ ਖ਼ਤਮ ਹੋਇਆ। ਅਸੀਂ ਸਾਰੇ ਇੱਥੇ ਇੱਕ ਵੱਡਾ ਪਰਿਵਾਰ ਹਾਂ, ਇਹ ਸਾਡੇ ਲਈ ਇਸ ਤਰ੍ਹਾਂ ਹੈ ਜਿਵੇਂ ਅਸੀਂ ਇੱਕ ਪਰਿਵਾਰਕ ਮੈਂਬਰ ਨੂੰ ਗੁਆ ਦਿੱਤਾ ਹੈ ਅਤੇ ਇਹ ਬਹੁਤ ਦੁਖਦਾਈ ਹੈ"।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।