ਬ੍ਰਿਟੇਨ ਚੋਣਾਂ 2019 : ਕੰਜ਼ਰਵੇਟਿਵ ਪਾਰਟੀ ਨੂੰ ਮਿਲੀ ਸ਼ੁਰੂਆਤੀ ਬੜਤ
12/13/2019 10:04:58 AM
ਲੰਡਨ (ਬਿਊਰੋ): ਬ੍ਰਿਟੇਨ ਵਿਚ ਸ਼ੁੱਕਰਵਾਰ ਨੂੰ ਆਮ ਚੋਣਾਂ ਦੇ ਨਤੀਜੇ ਆਉਣੇ ਸ਼ੁਰੂ ਹੋ ਗਏ ਹਨ। ਸ਼ੁਰੂਆਤੀ ਨਤੀਜਿਆਂ ਵਿਚ ਪ੍ਰਧਾਨ ਮੰਤਰੀ ਬੋਰਿਸ ਜੋਨਸਨ ਦੀ ਸੱਤਾਧਾਰੀ ਕੰਜ਼ਰਵੇਟਿਵ ਪਾਰਟੀ ਨੂੰ 140 ਸੀਟਾਂ 'ਤੇ ਜਿੱਤ ਮਿਲੀ। ਭਾਵੇਂਕਿ ਵਿਰੋਧੀ ਲੇਬਰ ਪਾਰਟੀ ਵੀ 80 ਸੀਟਾਂ ਜਿੱਤ ਚੁੱਕੀ ਹੈ। ਐਗਜ਼ਿਟ ਪੋਲ ਮੁਤਾਬਕ ਜੋਨਸਨ ਦੀ ਕੰਜ਼ਰਵੇਟਿਵ ਪਾਰਟੀ ਆਸਾਨੀ ਨਾਲ ਬਹੁਮਤ ਦੇ ਅੰਕੜੇ ਨੂੰ ਪਾਰ ਕਰੇਗੀ ਅਤੇ 650 ਸੀਟਾਂ ਵਾਲੀ ਸੰਸਦ ਵਿਚ 368 ਸੀਟਾਂ ਜਿੱਤੇਗੀ। ਉੱਥੇ ਵਿਰੋਧੀ ਧਿਰ ਨੂੰ 191 ਸੀਟਾਂ, ਸਕਾਟਿਸ ਨੈਸ਼ਨਲ ਪਾਰਟੀ (ਐੱਸ.ਐੱਨ. ਪੀ.) ਨੂੰ 55, ਲਿਬਰਲ ਡੈਮੋਕ੍ਰੇਟਸ ਨੂੰ 13 ਸੀਟਾਂ ਮਿਲਣ ਦਾ ਅਨੁਮਾਨ ਹੈ।
ਇਹਨਾਂ ਚੋਣਾਂ ਵਿਚ ਲੇਬਰ ਪਾਰਟੀ ਦੀ ਅਗਵਾਈ ਕਰ ਰਹੀ ਜੇਰੇਮੀ ਕਾਰਬਿਨ ਨੇ ਨਤੀਜਿਆਂ 'ਤੇ ਨਿਰਾਸ਼ਾ ਜ਼ਾਹਰ ਕੀਤੀ। ਉਹਨਾਂ ਨੇ ਕਿਹਾ ਕਿ ਉਹ ਅੱਗੇ ਕਿਸੇ ਵੀ ਚੋਣਾਂ ਵਿਚ ਪਾਰਟੀ ਦੀ ਅਗਵਾਈ ਨਹੀਂ ਕਰਨਗੇ। ਕਾਰਬਿਨ ਨੇ ਹਾਰ ਦਾ ਕਾਰਨ ਬ੍ਰੈਗਜ਼ਿਟ ਨੂੰ ਦੱਸਿਆ। ਜੇਰੇਮੀ ਨੇ ਪਾਰਟੀ ਨੇਤਾ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਉਹਨਾਂ ਨੇ ਕਿਹਾ ਕਿ ਸਮਾਜਿਕ ਨਿਆਂ ਦਾ ਮੁੱਦਾ ਅੱਗੇ ਵੀ ਜਾਰੀ ਰਹੇਗਾ। ਅਸੀਂ ਵਾਪਸੀ ਕਰਾਂਗੇ। ਲੇਬਰ ਪਾਰਟੀ ਦਾ ਸੰਦੇਸ਼ ਹਮੇਸ਼ਾ ਮੌਜੂਦ ਰਹੇਗਾ।
Jeremy Corbyn has announced his resignation as leader of the Labour party after trends predict heavy defeat for the party in the #UKelection2019 : UK media (file pic) pic.twitter.com/G5AQDBKSIw
— ANI (@ANI) December 13, 2019
ਪ੍ਰਧਾਨ ਮੰਤਰੀ ਬੋਰਿਸ ਜੋਨਸਨ ਨੇ ਸ਼ੁਰੂਆਤੀ ਨਤੀਜਿਆਂ ਦੇ ਬਾਅਦ ਟਵੀਟ ਕਰ ਕੇ ਜਿੱਤ 'ਤੇ ਖੁਸ਼ੀ ਜ਼ਾਹਰ ਕੀਤੀ। ਉਹਨਾਂ ਨੇ ਕਿਹਾ,''ਯੂਕੇ ਦੁਨੀਆ ਦਾ ਸਭ ਤੋਂ ਮਹਾਨ ਲੋਕਤੰਤਰ ਹੈ। ਜਿਹਨਾਂ ਨੇ ਸਾਡੇ ਲਈ ਵੋਟ ਕੀਤਾ, ਜੋ ਸਾਡੇ ਉਮੀਦਵਾਰ ਬਣੇ, ਉਹਨਾਂ ਸਭ ਦਾ ਸ਼ੁਕਰੀਆ।''
Thank you to everyone across our great country who voted, who volunteered, who stood as candidates. We live in the greatest democracy in the world. pic.twitter.com/1MuEMXqWHq
— Boris Johnson (@BorisJohnson) December 12, 2019
ਇਸ ਦੌਰਾਨ ਲੇਬਰ ਪਾਰਟੀ ਦੇ ਪ੍ਰਧਾਨ ਇਯਾਨ ਲੇਵੇਰੀ ਨੇ ਕਿਹਾ ਕਿ ਬ੍ਰੈਗਜ਼ਿਟ ਲਈ ਦੂਜੀ ਵਾਰ ਜਨਮਤ ਦਾ ਪ੍ਰਸਤਾਵ ਦੇ ਕੇ ਉਹਨਾਂ ਦੀ ਪਾਰਟੀ ਨੇ ਗਲਤੀ ਕੀਤੀ। ਲੇਵੇਰੀ ਨੇ ਕਿਹਾ ਕਿ ਇਸ ਦੇ ਪਿੱਛੇ ਪਾਰਟੀ ਦੇ ਨੇਤਾ ਜੇਰੇਮੀ ਕਾਰਬਿਨ ਦੀ ਕੋਈ ਗਲਤੀ ਨਹੀਂ ਹੈ। ਅਸੀਂ ਯੂਕੇ ਦੇ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਨਹੀਂ ਸਮਝ ਸਕੇ। ਗੌਰਤਲਬ ਹੈਕਿ ਬ੍ਰਿਟੇਨ ਵਿਚ ਇਹ ਪੰਜ ਸਾਲ ਵਿਚ ਤੀਜੀਆਂ ਆਮ ਚੋਣਾਂ ਹਨ। ਉੱਥੇ 100 ਸਾਲ ਵਿਚ ਇਹ ਪਹਿਲੀ ਵਾਰ ਹੈ ਜਦੋਂ ਦਸੰਬਰ ਵਿਚ ਚੋਣਾਂ ਹੋ ਰਹੀਆਂ ਹਨ।