ਬ੍ਰਿਟੇਨ ਵੱਲੋਂ ਜੂਲੀਅਨ ਅਸਾਂਜੇ ਦੀ ਅਮਰੀਕਾ ਨੂੰ ਹਵਾਲਗੀ ਦੀ ਮਨਜ਼ੂਰੀ

ਲੰਡਨ (ਬਿਊਰੋ)—  ਅਮਰੀਕਾ ਲਈ ਮੋਸਟ ਵਾਂਟੇਡ ਵਿਕੀਲੀਕਸ ਦੇ ਬਾਨੀ ਜੂਲੀਅਨ ਅਸਾਂਜੇ ਦੀ ਹਵਾਲਗੀ ਦਾ ਰਸਤਾ ਸਾਫ ਹੋ ਗਿਆ ਹੈ। ਬ੍ਰਿਟੇਨ ਦੇ ਗ੍ਰਹਿ ਸਕੱਤਰ ਸਾਜਿਦ ਜਾਵਿਦ ਨੇ ਹਵਾਲਗੀ ਆਦੇਸ਼ 'ਤੇ ਦਸਤਖਤ ਕਰ ਦਿੱਤੇ ਹਨ। ਇਹ ਜਾਣਕਾਰੀ ਬ੍ਰਿਟੇਨ ਦੇ ਮੀਡੀਆ ਹਵਾਲੇ ਨਾਲ ਦਿੱਤੀ ਗਈ ਹੈ। ਹੁਣ ਅਦਾਲਤ ਦੀ ਕਾਰਵਾਈ ਦੇ ਬਾਅਦ ਅਸਾਂਜੇ ਦੀ ਅਮਰੀਕਾ ਨੂੰ ਹਵਾਲਗੀ ਹੋ ਸਕੇਗੀ। 

UK Media: UK Home Secretary, Sajid Javid has signed a request for Julian Assange to be extradited to the US where he faces charges of computer hacking.(File pic) pic.twitter.com/Ri4Y3btHsl

— ANI (@ANI) June 13, 2019

ਇਸ ਤੋਂ ਪਹਿਲਾਂ ਜੂਲੀਅਨ ਅਸਾਂਜੇ ਸਿਹਤ ਸਬੰਧੀ ਮੁਸ਼ਕਲਾਂ ਕਾਰਨ ਅਦਾਲਤ ਦੀ ਕਾਰਵਾਈ ਵਿਚ ਸ਼ਾਮਲ ਨਹੀਂ ਹੋ ਪਾਏ ਸਨ। ਬ੍ਰਿਟੇਨ ਵਿਚ ਜ਼ਮਾਨਤ ਦੌਰਾਨ ਫਰਾਰ ਹੋਣ ਦੇ ਸਿਲਸਿਲੇ ਵਿਚ ਉਹ ਬੇਲਮਾਰਸ਼ ਅਦਾਲਤ ਵਿਚ ਸਜ਼ਾ ਕੱਟ ਰਹੇ ਹਨ ਅਤੇ ਨਾਲ ਹੀ ਅਮਰੀਕਾ ਦੇ ਹਵਾਲੇ ਕੀਤੇ ਜਾਣ ਵਿਰੁੱਧ ਮੁਕੱਦਮਾ ਵੀ ਲੜ ਰਹੇ ਹਨ। ਅਮਰੀਕਾ ਨੇ ਉਨ੍ਹਾਂ 'ਤੇ ਮਿਲਟਰੀ ਅਤੇ ਡਿਪਲੋਮੈਟਿਕ ਸੂਤਰਾਂ ਦੇ ਨਾਮ ਉਜਾਗਰ ਕਰਨ ਵਾਲੇ ਗੁਪਤ ਦਸਤਾਵੇਜ਼ ਪ੍ਰਕਾਸ਼ਿਤ ਕਰ ਕੇ ਜਾਸੂਸੀ ਕਾਨੂੰਨ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਗਾਇਆ ਹੈ। ਵਿਕੀਲੀਕਸ ਨੇ ਕਿਹਾ ਹੈ ਕਿ ਉਹ ਅਸਾਂਜੇ ਦੀ ਸਿਹਤ ਦੇ ਬਾਰੇ ਵਿਚ ਬਹੁਤ ਚਿੰਤਤ ਹੈ।