ਬੌਸ ਨੇ ਅਚਾਨਕ ਨੌਕਰੀ ਤੋਂ ਕੱਢਿਆ, ਗੁੱਸੇ 'ਚ ਕੁੜੀ ਨੇ ਤੋੜੀਆਂ ਸ਼ਰਾਬ ਦੀਆਂ ਬੋਤਲਾਂ (ਵੀਡੀਓ)
06/17/2022 5:44:18 PM
ਬਿਊਨਸ ਆਇਰਸ (ਬਿਊਰੋ): ਅਰਜਨਟੀਨਾ ਦੇ ਇੱਕ ਸੁਪਰਮਾਰਕੀਟ ਵਿੱਚ ਕੰਮ ਕਰਨ ਵਾਲੀ ਇੱਕ ਕੁੜੀ ਨੇ ਦਰਜਨਾਂ ਸ਼ਰਾਬ ਦੀਆਂ ਬੋਤਲਾਂ ਤੋੜ ਦਿੱਤੀਆਂ। ਮਾਮਲਾ ਦੱਖਣੀ ਅਮਰੀਕੀ ਦੇਸ਼ ਅਰਜਨਟੀਨਾ ਦੇ ਰਾਫੇਲਾ ਦਾ ਹੈ। ਇੱਥੋਂ ਦੇ ਅਪੋਲੋ ਸੁਪਰਮਾਰਕੀਟ ਵਿੱਚ ਕੰਮ ਕਰਨ ਵਾਲੀ ਐਵਲਿਨ ਰੋਲਡਨ (25) ਸੋਮਵਾਰ, 13 ਜੂਨ ਨੂੰ ਸਵੇਰੇ ਕੰਮ 'ਤੇ ਪਹੁੰਚੀ ਪਰ ਜਦੋਂ ਉਸ ਨੇ ਇੱਥੇ ਕੰਮ ਕਰਨਾ ਸ਼ੁਰੂ ਹੀ ਕੀਤਾ ਸੀ, ਤਾਂ ਉਸ ਦੇ ਬੌਸ ਨੇ ਉਸ ਨੂੰ ਕਿਹਾ ਕਿ ਸੁਪਰਮਾਰਕੀਟ ਨੂੰ ਹੁਣ ਉਸ ਦੀ ਲੋੜ ਨਹੀਂ ਹੈ।
ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਵੀਡੀਓ 'ਚ ਐਵਲਿਨ ਕਾਫੀ ਗੁੱਸੇ 'ਚ ਨਜ਼ਰ ਆ ਰਹੀ ਹੈ। ਉਹ ਅਲਮਾਰੀਆਂ ਤੋਂ ਫਰਸ਼ 'ਤੇ ਸ਼ਰਾਬ ਦੀਆਂ ਬੋਤਲਾਂ ਸੁੱਟ ਰਹੀ ਹੈ। ਇਸ ਦੇ ਨਾਲ ਹੀ ਉਹ ਗੁੱਸੇ 'ਚ ਆਪਣੇ ਬੌਸ ਨੂੰ ਬੁਰਾ-ਭਲਾ ਕਹਿ ਰਹੀ ਹੈ। ਸ਼ਰਾਬ ਦੀਆਂ ਬੋਤਲਾਂ ਲਗਾਤਾਰ ਟੁੱਟਣ ਕਾਰਨ ਫਰਸ਼ ਪੂਰੀ ਤਰ੍ਹਾਂ ਲਾਲ ਦਿਖਾਈ ਦੇ ਰਿਹਾ ਸੀ ਅਤੇ ਕੱਚ ਦੇ ਟੁਕੜੇ ਹੀ ਦਿਖਾਈ ਦੇ ਰਹੇ ਸਨ। ਹਾਲਾਂਕਿ, ਐਵਲਿਨ ਨੂੰ ਆਪਣੇ ਕੀਤੇ 'ਤੇ ਕੋਈ ਪਛਤਾਵਾ ਨਹੀਂ।
ਪੜ੍ਹੋ ਇਹ ਅਹਿਮ ਖ਼ਬਰ- 'ਮੱਕੀ' ਨੂੰ ਗਲੋਬਲ ਅੱਤਵਾਦੀ ਘੋਸ਼ਿਤ ਕਰਨ ਦੀ ਅਮਰੀਕਾ-ਭਾਰਤ ਦੀ ਤਜਵੀਜ਼ 'ਤੇ ਚੀਨ ਨੇ ਲਾਈ ਰੋਕ
ਐਵਲਿਨ ਨੇ ਕਹੀ ਇਹ ਗੱਲ
ਐਵਲਿਨ ਨੇ ਕਿਹਾ ਕਿ ਉਸ ਨੂੰ ਆਪਣੇ ਕੀਤੇ 'ਤੇ ਪਛਤਾਵਾ ਨਹੀਂ ਹੈ। ਉਸ ਨੇ ਸ਼ਰਾਬ ਦੀਆਂ ਬੋਤਲਾਂ ਤੋੜਨ ਦੀ ਕਾਰਵਾਈ 'ਤੇ ਆਪਣਾ ਬਚਾਅ ਕੀਤਾ। ਐਵਲਿਨ ਨੇ ਕਿਹਾ ਕਿ ਉਸ ਨੇ ਸੁਪਰਮਾਰਕੀਟ ਦੇ ਬੇਰਹਿਮ ਰਵੱਈਏ ਕਾਰਨ ਅਜਿਹਾ ਕੀਤਾ। ਘਟਨਾ ਦਾ ਅੱਠ ਸਕਿੰਟ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਉਸ ਨੇ ਇਹ ਵੀ ਕਿਹਾ ਕਿ ਅੱਠ ਸਕਿੰਟਾਂ ਵਿੱਚ ਸਭ ਕੁਝ ਸਾਫ਼ ਨਹੀਂ ਕੀਤਾ ਜਾ ਸਕਦਾ। ਬਹੁਤ ਸਾਰੀਆਂ ਚੀਜ਼ਾਂ ਹਨ ਜੋ ਵੀਡੀਓ ਵਿੱਚ ਸ਼ਾਮਲ ਨਹੀਂ ਕੀਤੀਆਂ ਗਈਆਂ ਹਨ।
⭕ Sucedió en Rafaela, #SantaFe, la joven fue despedida de un supermercado luego de recibir maltratos. Luego de pedir explicaciones que no le dieron, se enfureció y destrozó la góndola de vinos 🍷 pic.twitter.com/iDOop5dA5K
— enAgenda (@enagenda_) June 15, 2022
ਸਥਾਨਕ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਐਵਲਿਨ ਨੇ ਕਿਹਾ ਕਿ ਮੈਂ ਗੁੱਸੇ 'ਚ ਹੋਸ਼ ਗੁਆ ਬੈਠੀ ਸੀ। ਮੈਨੂੰ ਨੌਕਰੀ ਗੁਆਉਣ 'ਤੇ ਗੁੱਸਾ ਨਹੀਂ ਸੀ ਪਰ ਦੁਰਵਿਵਹਾਰ ਅਤੇ ਅਸਵੀਕਾਰੀਆਂ ਕਾਰਨ ਗੁੱਸਾ ਸੀ। ਜਦੋਂ ਮੇਰੀ ਗੱਲ ਵੀ ਸੁਣੀ ਜਾਵੇਗੀ ਤਾਂ ਇੱਕ ਹੋਰ ਪੱਖ ਵੀ ਸਾਹਮਣੇ ਆ ਜਾਵੇਗਾ। ਵੀਡੀਓ ਬਣਾਉਂਦੇ ਸਮੇਂ ਅਜਿਹਾ ਦਿਖਾਇਆ ਗਿਆ ਹੈ ਜਿਵੇਂ ਇਹ ਸਭ ਅਚਾਨਕ ਵਾਪਰ ਗਿਆ ਹੋਵੇ। ਸਟੋਰ ਮਾਲਕ ਦੀ ਸ਼ਿਕਾਇਤ 'ਤੇ ਐਵਲਿਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।