ਬੰਗਲਾਦੇਸ਼ 'ਚ 2 ਟਰੇਨਾਂ ਦੀ ਟੱਕਰ, 16 ਲੋਕਾਂ ਦੀ ਮੌਤ ਤੇ ਕਈ ਜ਼ਖਮੀ
11/12/2019 12:32:42 PM
ਢਾਕਾ (ਭਾਸ਼ਾ): ਬੰਗਲਾਦੇਸ਼ ਦੇ ਬ੍ਰਾਹਮਨਬਰੀਆ ਜ਼ਿਲੇ ਵਿਚ ਮੰਗਲਵਾਰ ਨੂੰ ਦੋ ਯਾਤਰੀਆਂ ਟਰੇਨਾਂ ਦੀ ਟੱਕਰ ਹੋ ਗਈ। ਇਸ ਹਾਦਸੇ ਵਿਚ ਘੱਟੋ-ਘੱਟ 16 ਲੋਕਾਂ ਦੀ ਮੌਤ ਹੋ ਗਈ ਅਤੇ 58 ਤੋਂ ਵੱਧ ਜ਼ਖਮੀ ਹੋ ਗਏ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਇਕ ਅੰਗਰੇਜ਼ੀ ਸਮਾਚਾਰ ਏਜੰਸੀ ਨੇ ਅਖੌਰਾ ਰੇਲਵੇ ਪੁਲਸ ਪ੍ਰਮੁੱਖ ਸ਼ਯਾਮਲ ਕਾਂਤੀ ਦਾਸ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਮੰਗਲਵਾਰ ਸਵੇਰੇ ਕਰੀਬ 2:15 ਵਜੇ ਸਿਲਹਟ ਤੋਂ ਚੇਟੋਗ੍ਰਾਮ ਜਾ ਰਹੀ ਤੁਰਨਾ ਨਿਸ਼ੀਤਾ ਉਡਯਾਨ ਐਕਸਪ੍ਰੈੱਸ ਅਤੇ ਚੈਟੋਗ੍ਰਾਮ ਤੋਂ ਢਾਕਾ ਜਾਣ ਵਾਲੀ ਤੁਰਨਾ ਨਿਸ਼ੀਤਾ ਟਰੇਨ ਮੰਡੋਬਾਗ ਰੇਲਵੇ ਸਟੇਸ਼ਨ 'ਤੇ ਟਕਰਾਈਆਂ।
ਡਿਪਟੀ ਕਮਿਸ਼ਨਰ ਹਯਾਤ-ਉਦ ਦੌਲਾ ਖਾਨ ਮੁਤਾਬਕ 9 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਜਦਕਿ 6 ਹੋਰ ਦੀ ਵੱਖ-ਵੱਖ ਹਸਪਤਾਲਾਂ ਵਿਚ ਇਲਾਜ ਦੌਰਾਨ ਮੌਤ ਹੋ ਗਈ। ਜ਼ਿਲੇ ਦੇ ਪੁਲਸ ਪ੍ਰਮੁੱਖ ਮੁਹੰਮਦ ਅਨੀਸੁਰ ਰਹਿਮਾਨ ਨੇ ਕਿਹਾ ਕਿ ਟੋਲ (ਗਿਣਤੀ) ਵੱਧਣ ਦੀ ਸੰਭਾਵਨਾ ਹੈ ਕਿਉਂਕਿ 28 ਲੋਕਾਂ ਵਿਚੋਂ ਕਈ ਦੀ ਹਾਲਤ ਗੰਭੀਰ ਹੈ। ਫਿਲਹਾਲ ਬਚਾਅ ਮੁਹਿੰਮ ਜਾਰੀ ਹੈ ਅਤੇ ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾਰੀ ਹੈ।
ਖਬਰ ਵਿਚ ਰੇਲ ਮੰਤਰਾਲੇ ਦੇ ਸਕੱਤਰ ਮੋਫਜ਼ਲ ਹੁਸੈਨ ਦੇ ਹਵਾਲੇ ਨਾਲ ਕਿਹਾ ਗਿਆ ਕਿ ਘਟਨਾ ਦੀ ਜਾਂਚ ਲਈ ਤਿੰਨ ਵੱਖ-ਵੱਖ ਕਮੇਟੀਆਂ ਦਾ ਗਠਨ ਕੀਤਾ ਗਿਆ ਹੈ। 'ਡੇਲੀ ਸਟਾਰ' ਦੀ ਖਬਰ ਮੁਤਾਬਕ ਉਡਯਾਨ ਐਕਸਪ੍ਰੈੱਸ ਅਖੌਰਾ ਰੇਲਵੇ ਜੰਕਸ਼ਨ 'ਤੇ ਪਟਰੀ ਬਦਲ ਰਹੀ ਸੀ ਉਦੋਂ ਦੋਹਾਂ ਟਰੇਨਾਂ ਵਿਚਾਲੇ ਟੱਕਰ ਹੋਈ। ਖਬਰਾਂ ਵਿਚ ਦੱਸਿਆ ਗਿਆ ਹੈ ਕਿ ਹਾਲੇ ਮ੍ਰਿਤਕਾਂ ਦੀ ਸ਼ਿਨਾਖਤ ਨਹੀਂ ਹੋ ਪਾਈ ਹੈ। ਹਾਦਸੇ ਦੇ ਬਾਅਦ ਢਾਕਾ-ਚਟਪਿੰਡ, ਢਾਕਾ-ਨੋਆਖਲੀ ਅਤੇ ਚਟਪਿੰਡ-ਸਿਲਹਟ 'ਤੇ ਟਰੇਨਾਂ ਦੀ ਆਵਾਜਾਈ ਰੋਕ ਦਿੱਤੀ ਗਈ ਹੈ।