ਆਸਟ੍ਰੇਲੀਆ ਨੇ ਵਿਦੇਸ਼ੀ ਵਿਦਿਆਰਥੀਆਂ ਲਈ ਖੋਲ੍ਹੇ ਦਰਵਾਜ਼ੇ, ਜਲਦ ਭਰ ਸਕਣਗੇ ਉਡਾਣ

ਸਿਡਨੀ (ਬਿਊਰੋ): ਆਸਟ੍ਰੇਲੀਆ ਦੇ ਉੱਤਰੀ ਖੇਤਰ (NT) ਦੀ ਸਰਕਾਰ ਨੇ ਘੋਸ਼ਣਾ ਕੀਤੀ ਹੈ ਕਿ ਉਹ ਅਗਲੇ ਮਹੀਨੇ ਸਿੰਗਾਪੁਰ ਤੋਂ ਆਪਣੇ ਰਾਜਧਾਨੀ ਡਾਰਵਿਨ ਲਈ ਘੱਟੋ ਘੱਟ 70 ਵਿਦੇਸ਼ੀ ਵਿਦਿਆਰਥੀਆਂ ਨੂੰ ਉਡਾਣ ਭਰਨ ਲਈ ਇੱਕ ਪਾਇਲਟ ਪ੍ਰੋਗਰਾਮ 'ਤੇ ਕੰਮ ਕਰ ਰਹੀ ਹੈ। ਮੀਡੀਆ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਐਨ.ਟੀ. ਦੇ ਮੁੱਖ ਮੰਤਰੀ ਮਾਈਕਲ ਗੂਨਰ ਦੇ ਦਫਤਰ ਦੇ ਇੱਕ ਬੁਲਾਰੇ ਨੇ ਸੋਮਵਾਰ ਦੇਰ ਰਾਤ ਕਿਹਾ ਕਿ ਅਕਤੂਬਰ ਦੇ ਅਖੀਰ ਵਿਚ ਪ੍ਰੋਗਰਾਮ ਲਈ ਇੱਕ ਸਮਝੌਤਾ ਜੈਡੇਰਲ ਸਰਕਾਰ ਨਾਲ ਹੋਇਆ ਸੀ। ਇਹ ਜਾਣਕਾਰੀ ਆਸਟ੍ਰੇਲੀਆਈ ਪ੍ਰਸਾਰਣ ਨਿਗਮ (ABC) ਨੇ ਇੱਕ ਅਖਬਾਰੀ ਰਿਪੋਰਟ ਵਿਚ ਦਿੱਤੀ।

ਪੜ੍ਹੋ ਇਹ ਅਹਿਮ ਖਬਰ- ਅਮਰੀਕੀ ਰਾਸ਼ਟਰਪਤੀ ਚੋਣਾਂ: ਪਹਿਲੀ ਬਹਿਸ ਦੌਰਾਨ ਬਿਡੇਨ ਨੇ ਮਾਰੀ ਬਾਜੀ, ਤਣਾਅ 'ਚ ਟਰੰਪ

ਐਨ.ਟੀ. ਸਰਕਾਰ ਚਾਰਲਸ ਡਾਰਵਿਨ ਯੂਨੀਵਰਸਿਟੀ (CDU) ਦੇ ਨਾਲ ਪ੍ਰੋਗਰਾਮ 'ਤੇ ਕੰਮ ਕਰ ਰਹੀ ਸੀ। ਆਸਟ੍ਰੇਲੀਆ ਦੇ ਹੋਰ ਰਾਜਾਂ ਨੇ ਵਿਦੇਸ਼ੀ ਵਿਦਿਆਰਥੀ ਪਾਇਲਟ ਪ੍ਰੋਗਰਾਮਾਂ 'ਤੇ ਗੱਲਬਾਤ ਕੀਤੀ ਹੈ ਪਰ ਅਜੇ ਤੱਕ ਕੋਈ ਨਤੀਜਾ ਨਹੀਂ ਮਿਲਿਆ ਹੈ। ਭਾਵੇਂਕਿ, ਇਹ ਹਾਲੇ ਅਸਪਸ਼ੱਟ ਹੈ ਕਿ ਵਿਦਿਆਰਥੀਆਂ ਦੀਆਂ ਉਡਾਣਾਂ ਲਈ ਅਦਾਇਗੀ ਕੌਣ ਕਰੇਗਾ। ਆਸਟ੍ਰੇਲੀਆਈ ਅੰਕੜਾ ਬਿਊਰੋ (ABS) ਦੇ ਮੁਤਾਬਕ, ਜੁਲਾਈ 2019 ਵਿਚ, ਘੱਟੋ ਘੱਟ 410 ਵਿਦੇਸ਼ੀ ਵਿਦਿਆਰਥੀ ਦੂਜੇ ਸਮੈਸਟਰ ਦੇ ਅਧਿਐਨ ਲਈ ਸਮੇਂ ਸਿਰ ਐਨ. ਟੀ. ਵਿਚ ਪਹੁੰਚੇ। ਇਸ ਸਾਲ ਉਸੇ ਮਿਆਦ ਵਿਚ, ਕੋਰੋਨਵਾਇਰਸ ਮਹਾਮਾਰੀ ਕਾਰਨ ਇਕ ਵੀ ਵਿਦਿਆਰਥੀ ਨਹੀਂ ਸੀ। ਸਿਹਤ ਸੰਕਟ ਤੋਂ ਪਹਿਲਾਂ, ਐਨ.ਟੀ. ਸਰਕਾਰ ਨੇ ਐਲਾਨ ਕੀਤਾ ਸੀ ਕਿ ਇੱਕ ਅੰਤਰਰਾਸ਼ਟਰੀ ਸਿੱਖਿਆ ਰਣਨੀਤੀ ਦੇ ਤਹਿਤ, 2025 ਤੱਕ ਲਗਭਗ 10,000 ਵਿਦਿਆਰਥੀ ਇਸ ਖੇਤਰ ਵਿਚ ਆਉਣ ਦੇ ਯੋਗ ਹੋਣਗੇ।