ਮੈਲਬੌਰਨ ''ਚ ਪੁਲਸ ਸਰਗਰਮ, ਤਾਲਾਬੰਦੀ ਨਿਯਮ ਤੋੜਨ ਵਾਲਿਆਂ ''ਤੇ ਜ਼ੁਰਮਾਨਾ

ਸਿਡਨੀ (ਬਿਊਰੋ): ਆਸਟ੍ਰੇਲੀਆ ਵਿਚ ਮੈਲਬੌਰਨ ਸ਼ਹਿਰ ਦੇ ਕੋਰੋਨਾਵਾਇਰਸ ਹੌਟਸਪੌਟ ਉਪਨਗਰਾਂ ਵਿਚ ਤਾਲਾਬੰਦੀ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਘੱਟੋ ਘੱਟ ਸੱਤ ਲੋਕਾਂ ਨੂੰ ਜ਼ੁਰਮਾਨਾ ਕੀਤਾ ਗਿਆ ਹੈ। ਚੀਫ ਕਮਿਸ਼ਨਰ ਸ਼ੇਨ ਪੈਟਨ ਨੇ ਨੀਲ ਮਿਸ਼ੇਲ ਨੂੰ ਦੱਸਿਆ ਕਿ ਅੱਜ ਸਵੇਰੇ 3 ਵਜੇ ਉਹਨਾਂ ਨੂੰ ਘੱਟੋ-ਘੱਟ 7 ਤਾਲਾਬੰਦੀ ਨਿਯਮਾਂ ਦੀ ਉਲੰਘਣਾ ਮਾਮਲਿਆਂ ਦੀ ਜਾਣਕਾਰੀ ਦਿੱਤੀ ਗਈ। ਉਂਝ ਬੁੱਧਵਾਰ ਨੂੰ 10 ਮੈਲਬੌਰਨ ਪੋਸਟਕੋਡਾਂ ਵਿਚ ਤੀਜੇ ਪੜਾਅ ਦੀਆਂ ਪਾਬੰਦੀਆਂ ਲਾਗੂ ਹੋ ਚੁੱਕੀਆਂ ਹਨ। ਕਮਿਸ਼ਨਰ ਪੈਟਨ ਨੇ ਕਿਹਾ ਕਿ "ਉਥੇ ਹੋਰ ਵੀ ਮਾਮਵੇ ਹੋ ਸਕਦੇ ਹਨ।"

ਪੰਜ ਉਲੰਘਣ ਕਰਤਾਵਾਂ ਨੂੰ ਨਸ਼ੀਲੇ ਪਦਾਰਥਾਂ ਅਤੇ ਹਥਿਆਰਾਂ ਦੇ ਨਾਲ ਡਰਾਈਵਿੰਗ ਕਰਨ ਵਾਲੇ ਅਪਰਾਧੀਆਂ ਦੇ ਇੱਕ ਸਮੂਹ ਨੂੰ ਦੇ ਦਿੱਤਾ ਗਿਆ। ਅਪਰਾਧਿਕ ਦੋਸ਼ਾਂ ਤੋਂ ਇਲਾਵਾ, ਉਨ੍ਹਾਂ ਕੋਲੋਂ ਉਲੰਘਣਾ ਦੀਆਂ ਪਾਬੰਦੀਆਂ ਲਈ ਜ਼ੁਰਮਾਨੇ ਵੀ ਲਏ ਗਏ। ਇਕ ਹੋਰ ਮਾਮਲੇ ਵਿਚ, ਇਕ ਹੌਟਸਪੌਟ ਖੇਤਰ ਦੀ ਇਕ ਬੀਬੀ ਨੂੰ ਸ਼ਹਿਰ ਵਿਚ ਦੋਸਤਾਂ ਨਾਲ ਮਸਤੀ ਕਰਨ ਲਈ ਜ਼ੁਰਮਾਨਾ ਲਗਾਇਆ ਗਿਆ। 

ਪੜ੍ਹੋ ਇਹ ਅਹਿਮ ਖਬਰ- ਇੰਗਲੈਂਡ ਨੇ 50 ਦੇਸ਼ਾਂ ਲਈ ਕੁਆਰੰਟੀਨ ਨਿਯਮਾਂ 'ਚ ਦਿੱਤੀ ਢਿੱਲ 

ਪਿਛਲੇ 24 ਘੰਟਿਆਂ ਵਿਚ, ਪੁਲਿਸ ਨੇ ਘਰਾਂ, ਕਾਰੋਬਾਰਾਂ ਅਤੇ ਗੈਰ ਜ਼ਰੂਰੀ ਸੇਵਾਵਾਂ ਲਈ 1090 ਸਪਾਟ ਚੈਕਿੰਗ ਕੀਤੀ।ਕਈ ਵਾਰ ਸਖਤ ਹਾਲਾਤ ਸਖਤ ਕਾਰਵਾਈ ਦੀ ਮੰਗ ਕਰਦੇ ਹਨ। ਮੁੱਖ ਸਿਹਤ ਅਧਿਕਾਰੀ ਦੇ ਨਿਰਦੇਸ਼ਾਂ ਹੇਠ, ਮੈਲਬੌਰਨ ਦੇ ਪ੍ਰਭਾਵਿਤ 36 ਇਲਾਕਿਆਂ ਵਿਚ ਰਹਿਣ ਵਾਲੇ ਲੋਕਾਂ ਲਈ ਘਰ ਛੱਡਣ ਦੇ ਸਿਰਫ ਚਾਰ ਕਾਰਨ ਹਨ। ਇਹਨਾਂ ਵਿਚ ਖਰੀਦਦਾਰੀ/ਸਪਲਾਈ, ਕੰਮ ਜਾਂ ਸਿੱਖਿਆ, ਹਮਦਰਦੀ ਜਾਂ ਦੇਖਭਾਲ ਦੇ ਕਾਰਨ ਅਤੇ ਕਸਰਤ ਸ਼ਾਮਲ ਹਨ।

ਕਮਿਸ਼ਨਰ ਪੈਟਨ ਨੇ ਕਿਹਾ ਕਿ ਪੁਲਿਸ ਆਪਰੇਸ਼ਨ ਸੈਨਸ ਦੇ ਤਹਿਤ ਜਨਤਕ ਥਾਵਾਂ ਤੇ ਗਸ਼ਤ ਕਰਨ ਲਈ ਡਰੋਨ ਦੀ ਵਰਤੋਂ ਬਾਰੇ ਵਿਚਾਰ ਕਰ ਰਹੀ ਹੈ।ਪਾਬੰਦੀਆਂ ਦੀ ਪਾਲਣਾ ਕਰਨ ਵਿਚ ਅਸਫਲ ਰਹਿਣ ਵਾਲੇ ਕਾਰੋਬਾਰੀਆਂ ਨੂੰ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ 100,000 ਡਾਲਰ ਤੱਕ ਦੇ ਜ਼ੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।