8 ਸਾਲਾ ਬੱਚੀ ਦੇ ਕਾਤਲ ਦੂਜੇ ਦੋਸ਼ੀ ਦੀਆਂ ਤਸਵੀਰਾਂ ਜਾਰੀ
07/13/2020 2:50:39 PM
ਅਟਲਾਂਟਾ (ਭਾਸ਼ਾ): ਅਟਲਾਂਟਾ ਵਿਚ 8 ਸਾਲਾ ਬੱਚੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰਨ ਦੇ ਮਾਮਲੇ ਵਿਚ ਦੋ ਦੋਸ਼ੀਆਂ ਵਿਚੋਂ ਦੂਜੇ ਦੋਸ਼ੀ ਦੀਆਂ ਤਸਵੀਰਾਂ ਐਤਵਾਰ ਰਾਤ ਜਾਰੀ ਕਰ ਦਿੱਤੀਆਂ ਗਈਆਂ। ਪੁਲਸ ਇਸ ਮਾਮਲੇ ਵਿਚ ਘੱਟੋ-ਘੱਟ ਦੋ ਹਮਲਾਵਰਾਂ ਦੀ ਤਲਾਸ਼ ਕਰ ਰਹੀ ਹੈ।
ਸਿਸੋਰੀਆ ਟਰਨਰ ਦੀ ਹੱਤਿਆ ਦੇ ਮਾਮਲੇ ਵਿਚ ਹਮਲਾਵਰਾਂ ਦੀ ਜਾਣਕਾਰੀ ਮੁਹੱਈਆ ਕਰਾਉਣ 'ਤੇ ਪ੍ਰਸ਼ਾਸਨ ਨੇ 20,000 ਡਾਲਰ ਦਾ ਇਨਾਮ ਐਲਾਨਿਆ ਹੈ। ਬੱਚੀ 'ਤੇ ਗੋਲੀਆਂ ਉਸ ਸਮੇਂ ਚਲਾਈਆਂ ਗਈਆਂ ਜਦੋਂ ਉਹ 4 ਜੁਲਾਈ ਨੂੰ ਆਪਣੀ ਮਾਂ ਅਤੇ ਇਕ ਹੋਰ ਬਾਲਗ ਦੇ ਨਾਲ ਕਾਰ ਵਿਚ ਸਵਾਰ ਹੋ ਕੇ ਕਿਤੇ ਜਾ ਰਹੀ ਸੀ। ਇਹ ਘਟਨਾ ਵੇਂਡੀ ਦੇ ਨੇੜੇ ਵਾਪਰੀ।
ਵੇਂਡੀ ਵਿਚ ਹੀ ਇਕ ਗੋਰੇ ਪੁਲਸ ਕਰਮ ਨੇ ਕਾਲੇ ਵਿਅਕਤੀ ਰੇਸ਼ਾਰਡ ਬਰੂਕਸ ਦੀ 12 ਜੂਨ ਨੂੰ ਕਥਿਤ ਰੂਪ ਨਾਲ ਹੱਤਿਆ ਕੀਤੀ ਸੀ।
ਜਾਰੀ ਕੀਤੀਆਂ ਗਈਆਂ ਤਸਵੀਰਾਂ ਵਿਚ ਦੂਜਾ ਸ਼ੱਕੀ ਹਮਲਾਵਰ ਇਕ ਵੱਡੀ ਰਾਇਫਲ ਅਤੇ ਕਾਲਾ ਇਕ ਕਾਲਾ ਥੈਲਾ ਟੰਗੇ ਦਿਸ ਰਿਹਾ ਹੈ। ਅਟਲਾਂਟਾ ਪੁਲਸ ਨੇ ਇਸ ਮਾਮਲੇ ਨਾਲ ਜੁੜੇ ਪਹਿਲੀ ਸ਼ੱਕੀ ਹਮਲਾਵਰ ਦੀ ਤਸਵੀਰ ਪਿਛਲੇ ਹਫਤੇ ਜਾਰੀ ਕੀਤੀ ਸੀ।