Triumph ਨੇ ਭਾਰਤ ''ਚ ਲਾਂਚ ਕੀਤੇ ਆਪਣੇ ਦੋ ਸਭ ਤੋਂ ਸਸਤੇ ਮੋਟਰਸਾਈਕਲ, ਜਾਣੋ ਕੀਮਤ ਤੇ ਖੂਬੀਆਂ
07/08/2023 7:15:09 PM
ਆਟੋ ਡੈਸਕ– ਬ੍ਰਿਟਿਸ਼ ਕੰਪਨੀ ਟ੍ਰਾਇੰਫ ਨੇ ਭਾਰਤੀ ਬਾਜ਼ਾਰ 'ਚ ਆਪਣੀ ਸਭ ਤੋਂ ਸਸਤੀ ਬਾਈਕ ਸਪੀਡ 400 ਅਤੇ ਸਕ੍ਰੈਂਬਲਰ 400 ਐਕਸ ਨੂੰ ਲਾਂਚ ਕਰ ਦਿੱਤਾ ਹੈ। ਟ੍ਰਾਇੰਫ ਨੇ ਬਜਾਜ ਦੇ ਨਾਲ ਸਾਂਝੇਦਾਰੀ 'ਚ ਇਹ ਦੋਵੇਂ ਮੋਟਰਸਾਈਕਲ ਲਾਂਚ ਕੀਤੇ ਹਨ ਅਤੇ ਅਗਲੇ ਹਫਤੇ ਇਨ੍ਹਾਂ ਦੀ ਡਿਲਿਵਰੀ ਸ਼ੁਰੂ ਹੋ ਜਾਵੇਗੀ।
ਸਪੀਡ 400 ਨੂੰ 2,33,000 ਰੁਪਏ (ਐਕਸ ਸ਼ੋਅਰੂਮ ਦਿੱਲੀ) ਦੀ ਬੇਹੱਦ ਆਕਰਸ਼ਕ ਕੀਮਤ ’ਤੇ ਲਾਂਚ ਕੀਤਾ ਗਿਆ ਹੈ। ਹਾਲਾਂਕਿ ਕੰਪਨੀ ਨੇ ਪਹਿਲੇ 10,000 ਗਾਹਕਾਂ ਲਈ 2,23,000 ਰੁਪਏ ਦੀ ਵਿਸ਼ੇਸ਼ ਉਦਘਾਟਨ ਕੀਮਤ ਦਾ ਐਲਾਨ ਕੀਤਾ ਹੈ। ਸਕ੍ਰੈਂਬਲਰ 400 ਐਕਸ ਅਕਤੂਬਰ ਤੱਕ ਸ਼ੋਅਰੂਮ ’ਚ ਮੁਹੱਈਆ ਹੋਵੇਗਾ ਅਤੇ ਇਸ ਦੀ ਕੀਮਤ ਇਸ ਦੀ ਵਿਕਰੀ ਸ਼ੁਰੂ ਹੋਣ ਦੇ ਕਰੀਬ ਐਲਾਨ ਕੀਤੀ ਜਾਏਗੀ।
ਗਾਹਕ 2000 ਰੁਪਏ ਦਾ ਰਿਫੰਡੇਬਲ ਟੋਕਨ ਐਡਵਾਂਸ ਭੁਗਤਾਨ ਕਰ ਕੇ ਆਪਣੀ ਟ੍ਰਾਇੰਫ ਨੂੰ ਆਨਲਾਈਨ ਬੁੱਕ ਕਰ ਸਕਦੇ ਹਨ। ਉਨ੍ਹਾਂ ਸ਼ਹਿਰਾਂ ’ਚ ਰਹਿਣ ਵਾਲੇ ਗਾਹਕ ਜਿੱਥੇ ਹਾਲੇ ਤੱਕ ਡੀਲਰਸ਼ਿਪ ਨਹੀਂ ਖੁੱਲ੍ਹੀ ਹੈ, ਉਹ ਰੁਚੀ ਦਰਜ ਕਰਵਾ ਸਕਦੇ ਹਨ ਅਤੇ ਟ੍ਰਾਇੰਫ ਸੰਪਰਕ ਕੇਂਦਰ ਉਨ੍ਹਾਂ ਨੂੰ ਉਪਲਬਧਤਾ ਬਾਰੇ ਦੱਸਦਾ ਰਹੇਗਾ।
ਟ੍ਰੇਡਮਾਰਕ ਬਲੈਕ ਪਾਊਡਰ-ਕੋਟੇਡ ਇੰਜਣ ਕੇਸਿੰਗ, ਮਜ਼ਬੂਤ ਗੋਲਡ ਐਨੋਡਾਈਜ਼ਡ ਫੋਰਕਸ, ਉੱਚ ਗੁਣਵੱਤਾ ਵਾਲੇ ਪੇਂਟ ਅਤੇ ਲੋਗੋ ਡਿਟੇਟਿੰਗ ਨਾਲ ਉੱਚ ਗੁਣਵੱਤਾ ਵਾਲੀ ਫਿਨਿਸ਼ ਅਤੇ ਸੁਰੂਚੀਪੂਰਣ ਵੇਰਵਾ ਜਾਰੀ ਹੈ ਜੋ ਯਕੀਨੀ ਕਰਦਾ ਹੈ ਕਿ ਇਨ੍ਹਾਂ ਨਵੇਂ ਮਾਡਲਾਂ ’ਤੇ ਫਿਨਿਸ਼ ਪੂਰੀ ਤਰ੍ਹਾਂ ਪ੍ਰੀਮੀਅਮ ਹੈ। ਸਪੀਡ 400 ਦੀਆਂ ਦੋ ਟਨ ਪੇਂਟ ਯੋਜਨਾਵਾਂ, ਜਿਨ੍ਹਾਂ ’ਚੋਂ ਹਰੇਕ ’ਚ ਇਕ ਪ੍ਰਮੁੱਖ ਟ੍ਰਾਇੰਫ ਟੈਂਕ ਗ੍ਰਾਫਿਕ ਹੈ, ਕਾਰਨੀਵਲ ਰੈੱਡ, ਕੈਸਪੀਅਨ ਬਲੂ ਨਾਲ ਇਸ ਦੀ ਗਤੀਸ਼ੀਲ ਰੋਡਸਟਰ ਸ਼ੈਲੀ ਨੂੰ ਦਰਸਾਉਂਦੀ ਹੈ।