ਵਧਾਉਣਾ ਚਾਹੁੰਦੇ ਹੋ ਫੋਨ ਦਾ ਬੈਟਰੀ ਬੈਕਅਪ ਤਾਂ ਅਜ਼ਮਾਓ ਇਹ ਆਸਾਨ ਟਿਪਸ

ਨਵੀਂ ਦਿੱਲੀ - ਜ਼ਿਆਦਾਤਰ ਸਮਾਰਟਫੋਨ ਨਿਰਮਾਤਾ ਕੰਪਨੀਆਂ ਆਪਣੇ ਫੋਨਾਂ ਵਿਚ ਵਧੇਰੇ ਸਮਰੱਥਾ ਵਾਲੀਆਂ ਬੈਟਰੀਆਂ ਦੀ ਪੇਸ਼ਕਸ਼ ਕਰ ਰਹੀਆਂ ਹਨ, ਪਰ ਸਮੇਂ ਦੇ ਬੀਤਣ ਤੋਂ ਬਾਅਦ ਉਨ੍ਹਾਂ ਦੀ ਬੈਟਰੀ ਦਾ ਬੈਕਅਪ ਘਟਣਾ ਸ਼ੁਰੂ ਹੋ ਜਾਂਦਾ ਹੈ। ਅਜਿਹੀ ਸਥਿਤੀ ਵਿਚ ਤੁਹਾਨੂੰ ਵਾਰ-ਵਾਰ ਆਪਣੇ ਫੋਨ ਨੂੰ ਚਾਰਜ ਕਰਨ ਦੀ ਜ਼ਰੂਰਤ ਪੈਂਦੀ ਹੈ। ਇਸੇ ਲਈ ਅੱਜ ਅਸੀਂ ਤੁਹਾਨੂੰ ਕੁਝ ਸੁਝਾਅ ਦੇਣ ਜਾ ਰਹੇ ਹਾਂ ਜਿਸ ਦੀ ਸਹਾਇਤਾ ਨਾਲ ਤੁਸੀਂ ਫੋਨ ਦੀ ਬੈਟਰੀ ਬੈਕਅਪ ਨੂੰ ਵਧਾ ਸਕਦੇ ਹੋ। 

ਆਪਣੇ ਸਮਾਰਟਫੋਨ ਵਿਚ ਬਲਿਊਟੁੱਥ ਅਤੇ ਲੋਕੇਸ਼ਨ ਰੱਖੋ ਬੰਦ 

ਫੋਨ ਵਿਚਲੇ ਜੀ.ਪੀ.ਐਸ. ਸਭ ਤੋਂ ਜ਼ਿਆਦਾ ਬੈਟਰੀ ਦੀ ਵਰਤੋਂ ਕਰਦੇ ਹਨ। ਕਈ ਵਾਰ ਲੋਕ ਫੋਨ ਵਿਚ ਜੀਪੀਐਸ ਚਾਲੂ ਕਰਕੇ ਬੰਦ ਕਰਨਾ ਭੁੱਲ ਜਾਂਦੇ ਹਨ, ਜਿਸ ਕਾਰਨ ਫ਼ੋਨ ਦੀ ਬੈਟਰੀ ਤੁਰੰਤ ਖਤਮ ਹੋ ਜਾਂਦੀ ਹੈ। ਇਸ ਲਈ ਉਪਭੋਗਤਾਵਾਂ ਨੂੰ ਵਰਤੋਂ ਦੇ ਤੁਰੰਤ ਬਾਅਦ ਜੀਪੀਐਸ ਨੂੰ ਬੰਦ ਕਰ ਦੇਣਾ ਚਾਹੀਦਾ ਹੈ। ਜੀ.ਪੀ.ਐਸ. ਤੋਂ ਇਲਾਵਾ ਫੋਨ ਦੀ ਬਲਿਊਟੁੱਥ ਵੀ ਕਾਫ਼ੀ ਬੈਟਰੀ ਖਪਤ ਕਰਦੀ ਹੈ। ਉਪਭੋਗਤਾ ਇਸ ਨੂੰ ਅਕਸਰ ਈਅਰਬਡਸ, ਸਪੀਕਰ ਜਾਂ ਫਾਈਲਾਂ ਟਰਾਂਸਫਰ ਕਰਨ ਲਈ ਇਸਤੇਮਾਲ ਕਰਦੇ ਹਨ, ਪਰ ਬਾਅਦ ਵਿਚ ਇਸਨੂੰ ਬੰਦ ਨਹੀਂ ਕਰਦੇ ਜਿਸ ਕਾਰਨ ਬੈਟਰੀ ਦੀ ਤੇਜ਼ੀ ਨਾਲ ਖਪਤ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ, ਉਪਭੋਗਤਾਵਾਂ ਨੂੰ ਬਲੂਟੁੱਥ ਦੀ ਵਰਤੋਂ ਕਰਨ ਤੋਂ ਬਾਅਦ ਇਸਨੂੰ ਬੰਦ ਕਰਨਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ : ਫਿਊਚਰ ਗਰੁੱਪ ਦੀਆਂ ਮੁਲਾਜ਼ਮ ਬੀਬੀਆਂ ਦਾ PM ਮੋਦੀ ਨੂੰ ਪੱਤਰ, ਰੋਜ਼ੀ-ਰੋਟੀ ਦੀ ਰੱਖਿਆ ਲਈ ਕੀਤੀ ਅਪੀਲ

ਬੈਕਗ੍ਰਾਉਂਡ ਐਪਸ ਬੰਦ ਕਰੋ

ਜਦੋਂ ਤੁਸੀਂ ਆਪਣੇ ਸਮਾਰਟਫੋਨ ਦੀ ਵਰਤੋਂ ਕਰਦੇ ਸਮੇਂ ਇਕ ਤੋਂ ਬਾਅਦ ਇਕ ਐਪਸ ਖੋਲ੍ਹਦੇ ਰਹਿੰਦੇ ਹੋ, ਜਦੋਂਕਿ ਪਿੱਛੇ ਉਹ ਸਾਰੇ ਐਪਸ ਖੁੱਲ੍ਹੇ ਰਹਿੰਦੇ ਹਨ। ਇਸ ਕਾਰਨ ਵੀ ਸਮਾਰਟਫੋਨ ਦੀ ਬੈਟਰੀ ਦੀ ਤੇਜ਼ੀ ਨਾਲ ਖਪਤ ਹੁੰਦੀ ਹੈ। ਬੈਟਰੀ ਬੈਕਅਪ ਨੂੰ ਬਿਹਤਰ ਬਣਾਉਣ ਲਈ, ਉਪਭੋਗਤਾ ਨੂੰ ਸਮੇਂ-ਸਮੇਂ 'ਤੇ ਇਨ੍ਹਾਂ ਐਪਸ ਨੂੰ ਬੰਦ ਕਰਨਾ ਚਾਹੀਦਾ ਹੈ। 

ਇਹ ਵੀ ਪੜ੍ਹੋ : ਸੋਨੇ- ਚਾਂਦੀ ਦੀਆਂ ਕੀਮਤਾਂ 13,000 ਰੁਪਏ ਤੋਂ ਵੀ ਜ਼ਿਆਦਾ ਡਿੱਗੀਆਂ, ਜਾਣੋ ਕੀਮਤੀ ਧਾਤੂਆਂ ਦਾ ਰੁਝਾਨ

ਲਾਈਵ ਵਾਲਪੇਪਰਾਂ ਦੀ ਵਰਤੋਂ ਨਾ ਕਰੋ

ਜੇ ਤੁਸੀਂ ਆਪਣੇ ਫੋਨ 'ਤੇ ਲਾਈਵ ਵਾਲਪੇਪਰ ਵਰਤਦੇ ਹੋ, ਤਾਂ ਇਸ ਨਾਲ ਵੀ ਫੋਨ ਦੀ ਬੈਟਰੀ ਤੇਜ਼ੀ ਨਾਲ ਖ਼ਰਚ ਹੁੰਦੀ ਹੈ। ਉਪਭੋਗਤਾਵਾਂ ਨੂੰ ਇਹ ਲਾਈਵ ਵਾਲਪੇਪਰਾਂ ਦੀ ਵਰਤੋਂ ਕਰਨਾ ਬੰਦ ਕਰ ਦੇਣਾ ਚਾਹੀਦਾ ਹੈ।

ਅਲਵੇਜ਼ ਆਨ ਡਿਸਪਲੇਅ ਨੂੰ ਰੱਖੋ ਬੰਦ

ਆਪਣੇ ਫ਼ੋਨ ਵਿਚ Always on Display ਡਿਸਪਲੇਅ ਫ਼ੀਚਰ ਦੀ ਵਰਤੋਂ ਕਰਨ ਨਾਲ ਵੀ ਬੈਟਰੀ ਤੇਜ਼ੀ ਨਾਲ ਖ਼ਰਚ ਹੁੰਦੀ ਹੈ। ਇਸ ਕਾਰਨ ਕਰਕੇ ਉਪਭੋਗਤਾਵਾਂ ਨੂੰ ਇਸ ਫ਼ੀਚਰ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਇਸ ਨੂੰ ਬੰਦ ਕਰਨ ਲਈ ਤੁਸੀਂ ਫੋਨ ਦੀ ਸੈਟਿੰਗਜ਼ ਵਿਕਲਪ 'ਤੇ ਜਾ ਕੇ Always on Display ਨੂੰ ਬੰਦ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ : ਡਾਕਘਰ ਦੇ ਖ਼ਾਤਾਧਾਰਕਾਂ ਲਈ ਅਹਿਮ ਖ਼ਬਰ ! 1 ਅਪ੍ਰੈਲ ਤੋਂ ਲੈਣ-ਦੇਣ ਲਈ ਦੇਣਾ ਹੋਵੇਗਾ ਇੰਨਾ ਚਾਰਜ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।