ਸੈਮਸੰਗ ਯੂਜ਼ਰਸ ਦੀ ਵਧੀਆਂ ਮੁਸ਼ਕਿਲਾਂ, ਡਿਲੀਟ ਨਹੀਂ ਹੋ ਰਹੀ Facebook ਐਪ

ਗੈਜੇਟ ਡੈਸਕ: ਸੈਮਸੰਗ ਸਮਾਰਟਫੋਨ ਯੂਜ਼ਰਸ ਨੂੰ ਸੋਸ਼ਲ ਮੀਡੀਆ ਦੀ ਸਭ ਤੋਂ ਵੱਡੀ ਸਾਈਟ ਫੇਸਬੁੱਕ ਨੂੰ ਅਨਇੰਸਟਾਲ ਕਰਨ 'ਚ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕੁਝ ਯੂਜ਼ਰਸ ਨੇ ਦੱਸਿਆ ਕਿ ਉਹ ਫੇਸਬੁੱਕ ਨੂੰ ਡਿਸੇਬਲ ਤਾਂ ਕਰ ਰਹੇ ਹਨ ਪਰ ਐਪ ਨੂੰ ਡਿਲੀਟ ਨਹੀਂ ਕਰ ਪਾ ਰਹੇ। ਇਸ ਮਾਮਲੇ 'ਚ ਸੈਮਸੰਗ ਤੇ ਫੇਸਬੁੱਕ ਨੇ ਫਿਲਹਾਲ ਕੁਝ ਖਾਸ ਜਾਣਕਾਰੀ ਨਹੀਂ ਦਿੱਤੀ ਹੈ। ਸੈਮਸੰਗ ਨੇ ਸਿਰਫ ਇੰਨਾ ਕਿਹਾ ਹੈ ਕਿ ਉਸ ਦੇ ਕੁਝ ਫੋਨ 'ਤੇ ਪ੍ਰੀ-ਇੰਸਟਾਲਡ ਫੇਸਬੁੱਕ ਐਪ ਨੂੰ ਜੇਕਰ ਯੂਜ਼ਰ ਡਿਸੇਬਲ ਕਰ ਦਿੰਦਾ ਹੈ ਤਾਂ ਉਹ ਨਹੀਂ ਚੱਲਦਾ। ਉਥੇ ਹੀ ਫੇਸਬੁੱਕ ਦਾ ਕਹਿਣਾ ਹੈ ਕਿ ਫੇਸਬੁੱਕ ਨੂੰ ਡਿਸੇਬਲ ਕੀਤਾ ਜਾਣਾ ਇਕ ਤਰ੍ਹਾਂ ਨਾਲ ਡਿਲੀਟ ਕਰਨ ਵਰਗਾ ਹੀ ਹੈ, ਕਿਉਂਕਿ ਤੱਦ ਡਾਟਾ ਕੁਲੈਕਟ ਨਹੀਂ ਕੀਤਾ ਜਾ ਸਕਦਾ ਤੇ ਨਹੀਂ ਹੀ ਕੋਈ ਜਾਣਕਾਰੀ ਫੇਸਬੁੱਕ ਨੂੰ ਵਾਪਸ ਭੇਜੀ ਜਾ ਸਕਦੀ ਹੈ।
ਯੂਜ਼ਰਸ ਦੀਆਂ ਸ਼ਿਕਾਇਤਾਂ ਫੇਸਬੁੱਕ 'ਤੇ ਡਾਟਾ ਲਾਈਨ ਦੇ ਕਈ ਮਾਮਲਿਆਂ ਦੇ ਪਰਗਟ ਹੋਣ ਤੋਂ ਬਾਅਦ ਆਈਆਂ ਹਨ। ਦ ਨਿਊਯਾਰਕ ਟਾਈਮਸ ਦੀ ਰਿਪੋਰਟ ਮੁਤਾਬਕ, ਦਸੰਬਰ 'ਚ ਨੈਟਫਲਿਕਸ,  ਸਪਾਟੀਫਾਈ ਤੇ ਮਾਇਕਰੋਸਾਫਟ ਦੀ ਯੂਜ਼ਰਸ ਦੇ ਪ੍ਰਾਇਵੇਟ ਡਾਟਾ ਤੱਕ ਪਹੁੰਚ ਬਣ ਗਈ। ਦਸੰਬਰ 'ਚ ਹੀ ਫੇਸਬੁੱਕ ਨੇ ਇਹ ਖੁਲਾਸਾ ਕੀਤਾ ਕਿ ਉਸ ਦੇ ਪਲੇਟਫਾਰਮ 'ਤੇ ਇਕ ਬਗ ਦੇ ਕਾਰਨ 6.8 ਮਿਲੀਅਨ ਲੋਕਾਂ ਦੇ ਫੋਟੋਜ਼ ਬਾਹਰੀ ਡਿਵੈੱਲਪਰਸ ਦੇ ਹੱਥ ਲਗ ਗਏ।

ਸਤੰਬਰ 'ਚ ਵੀ ਫੇਸਬੁੱਕ ਨੇ ਸੁਰੱਖਿਆ 'ਚ ਲੱਗੀ ਇਕ ਪਾੜ ਦਾ ਖੁਲਾਸਾ ਕੀਤਾ ਸੀ ਜਿਸ ਦੇ ਨਾਲ ਕਰੀਬ 50 ਮਿਲੀਅਨ ਯੂਜ਼ਰਸ ਪ੍ਰਭਾਵਿਤ ਹੋਏ ਸਨ। ਇਸ 'ਚ ਵਿਊ ਐੱਜ (View As) ਬਟਨ ਦਾ ਇਸਤੇਮਾਲ ਕਰ ਅਟੈਕਰਸ ਨੇ ਯੂਜ਼ਰਸ ਦੇ ਨਾਂ, ਈ-ਮੇਲ ਐਡਰੇਸਿਸ, ਫੋਨ ਨੰਬਰ ਤੇ ਦੂਜੀਆਂ ਜਾਣਕਾਰੀਆਂ ਹਾਸਲ ਕਰ ਲਈਆਂ ਸਨ। ਇਸ ਨਾਲ ਕਰੀਬ 29 ਮਿਲੀਅਨ ਯੂਜ਼ਰ ਪ੍ਰਭਾਵਿਤ ਹੋਏ ਸਨ। ਹੈਕਰਸ ਨੇ ਯੂਜ਼ਰਸ ਦੇ ਬਰਥ ਡੇਟ, ਹੋਮ ਟਾਊਨ ਤੇ ਵਰਕ ਪਲੇਸ ਨਾਲ ਸਬੰਧਿਤ ਜਾਣਕਾਰੀਆਂ ਵੀ ਹਾਸਲ ਕਰ ਲਈਆਂ ਸਨ।