ਸਮਾਰਟਵਾਚ ਖ਼ਰੀਦਣ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਧਿਆਨ
09/11/2020 6:30:10 PM
ਗੈਜੇਟ ਡੈਸਕ– ਜੇਕਰ ਤੁਸੀਂ ਨਵੀਂ ਸਮਾਰਟਵਾਚ ਖ਼ਰੀਦਣ ਦੀ ਸੋਚ ਰਹੇ ਹੋ ਤਾਂ ਤੁਹਾਨੂੰ ਇਨ੍ਹਾਂ ਚਾਰ ਚੀਜ਼ਾਂ ’ਤੇ ਧਿਆਨ ਦੇਣ ਦੀ ਸਖ਼ਤ ਲੋੜ ਹੈ। ਕਿਤੇ ਅਜਿਹਾ ਨਾ ਹੋਵੇ ਕਿ ਤੁਸੀਂ ਸਮਾਰਟਵਾਚ ਖ਼ਰੀਦ ਲਓ ਪਰ ਉਹ ਤੁਹਾਡੇ ਫੋਨ ਨੂੰ ਸੁਪੋਰਟ ਹੀ ਨਾ ਕਰੇ। ਇਸ ਲਈ ਬਿਹਤਰ ਹੈ ਕਿ ਸਮਾਰਟਵਾਚ ਖ਼ਰੀਦਣ ਤੋਂ ਪਹਿਲਾਂ ਥੋੜ੍ਹੀ ਜਾਣਕਾਰੀ ਪ੍ਰਾਪਤ ਕਰ ਲਈ ਜਾਵੇ।
1. ਸਮਾਰਟਵਾਚ ਖ਼ਰੀਦਣ ਤੋਂ ਪਹਿਲਾਂ ਇਹ ਜ਼ਰੂਰ ਵੇਖ ਲਓ ਕਿ ਉਹ ਕਿਹੜੇ ਆਪਰੇਟਿੰਗ ਸਿਸਟਮ ਨੂੰ ਸੁਪੋਰਟ ਕਰਦੀ ਹੈ। ਜ਼ਿਆਦਾਤਰ ਸਮਾਰਟਵਾਚਿਸ ਐਂਡਰਾਇਡ ਅਤੇ ਆਈ.ਓ.ਐੱਸ. ’ਚੋਂ ਕਿਸੇ ਇਕ ਵਰਜ਼ਨ ਨੂੰ ਸੁਪੋਰਟ ਕਰਦੀਆਂ ਹਨ। ਅਜਿਹੇ ’ਚ ਖ਼ਰੀਦਣ ਤੋਂ ਪਹਿਲਾਂ ਧਿਆਨ ਦਿਓ ਕਿ ਤੁਹਾਡੇ ਕੋਲ ਕਿਹੜੇ ਆਪਰੇਟਿੰਗ ਸਿਸਟਮ ਵਾਲਾ ਫੋਨ ਹੈ, ਉਸੇ ਹਿਸਾਬ ਨਾਲ ਸਮਾਰਟਵਾਚ ਖ਼ਰੀਦੋ।
2. ਘੱਟ ਕੀਮਤ ਵਾਲੀ ਸਮਾਰਟਵਾਚ ’ਚ ਆਮਤੌਰ ’ਤੇ ਐੱਲ.ਸੀ.ਡੀ. ਡਿਸਪਲੇਅ ਹੀ ਮਿਲਦੀ ਹੈ, ਉਥੇ ਹੀ ਐਪਲ ਅਤੇ ਸੈਮਸੰਗ ਓ.ਐੱਲ.ਈ.ਡੀ. ਡਿਸਪਲੇਅ ਪੈਨਲ ਦਿੰਦੀਆਂ ਹਨ। ਅਜਿਹੇ ’ਚ ਤੁਸੀਂ ਜੇਕਰ ਬਜਟ ਕੈਟਾਗਿਰੀ ਦੀ ਸਮਾਰਟਵਾਚ ਖ਼ਰੀਦਣ ਵਾਲੇ ਹੋ ਤਾਂ ਅਮੋਲੇਡ ਡਿਸਪਲੇਅ ਵਾਲੀ ਸਮਾਰਟਵਾਚ ਹੀ ਲੱਭੋ ਕਿਉਂਕਿ ਇਹ ਧੁੱਪ ’ਚ ਵੀ ਕਾਫੀ ਬਿਹਤਰ ਵਿਖਾਈ ਦਿੰਦੀ ਹੈ।
3. ਤੁਹਾਨੂੰ ਇਕ ਅਜਿਹੀ ਸਮਾਰਟਵਾਚ ਖ਼ਰੀਦਣੀ ਚਾਹੀਦੀ ਹੈ ਜਿਸ ਵਿਚ ਹੈਲਥ ਅਤੇ ਫਿਟਨੈੱਸ ਨੂੰ ਲੈਕੇ ਕਈ ਫੀਚਰਜ਼ ਦਿੱਤੇ ਗਏ ਹੋਣ। ਸਮਾਰਟਵਾਚ ’ਚ ਰਨਿੰਗ, ਸਵਿਮਿੰਗ ਅਤੇ ਹਾਰਟ ਰੇਟ ਮਾਨੀਟਰ ਵਰਗੇ ਫੀਚਰਜ਼ ਤੋਂ ਇਲਾਵਾ ਆਕਸੀਜਨ ਮਾਨੀਟਰਿੰਗ (SpO2) ਫੀਚਰ ਵੀ ਮਹੱਤਵ ਦਿਓ।
4. ਤੁਹਾਡੇ ਲਈ ਬਿਹਤਰ ਹੋਵੇਗਾ ਕਿ ਤੁਸੀਂ ਕਿਸੇ ਅਜਿਹੀ ਸਮਾਰਟਵਾਚ ਦੀ ਚੌਣ ਕਰੋ ਜਿਸ ਦੀ ਬੈਟਰੀ ਲਾਈਫ ਘੱਟੋ-ਘੱਟ ਇਕ ਹਫ਼ਤੇ ਦੀ ਹੋਵੇ। ਅਜਿਹੀ ਵਾਚ ਤੁਹਾਨੂੰ 5000 ਰੁਪਏ ਦੀ ਰੇਂਜ ’ਚ ਮਿਲ ਹੀ ਜਾਵੇਗੀ।