''ਸੈਮ ਮਾਨੇਕਸ਼ਾਹ'' ਦੀ ਬਾਓਪਿਕ ਦੇ ਨਾਂ ਦਾ ਹੋਇਆ ਐਲਾਨ, ਸਕ੍ਰਿਪਟ ਪੜ੍ਹ ਕੇ ਅਜਿਹਾ ਸੀ ਵਿੱਕੀ ਕੌਸ਼ਲ ਦਾ ਰਿਐਕਸ਼ਨ
04/03/2021 4:43:46 PM
ਨਵੀਂ ਦਿੱਲੀ : ਫ਼ਿਲਮੀ ਅਦਾਕਾਰ ਵਿੱਕੀ ਕੌਸ਼ਲ ਹਮੇਸ਼ਾ ਤੋਂ ਵੱਖਰੇ ਸਬਜੈਕਟਾਂ 'ਤੇ ਫ਼ਿਲਮਾਂ ਕਰਨ ਲਈ ਜਾਣੇ ਜਾਂਦੇ ਹਨ। ਉਥੇ ਹੁਣ ਵਿੱਕੀ ਕੌਸ਼ਲ ਦੀ ਇਕ ਹੋਰ ਮੋਸਟ ਅਵੇਟਿਡ ਫ਼ਿਲਮ ਦੇ ਸਟਾਈਲ ਦਾ ਐਲਾਨ ਹੋ ਗਿਆ ਹੈ। ਸੈਮ ਮਾਨੇਕਸ਼ਾਹ ਦੀ ਜੈਯੰਤੀ 'ਤੇ ਰਾਣੀ ਸਕਰੂਵਾਲਾ ਅਤੇ ਮੇਘਣਾ ਗੁਲਜ਼ਾਰ ਨੇ ਵਿੱਕੀ ਕੌਸ਼ਲ ਸਟਾਰਰ ਆਪਣੀ ਬਾਓਪਿਕ ਦਾ ਟਾਈਟਲ 'ਸੈਮ ਬਹਾਦੁਰ' ਐਲਾਨਿਆ ਹੈ। ਮੇਘਣਾ ਨੇ ਅੱਜ ਯਾਨੀ ਸੈਮ ਮਾਨੇਕਸ਼ਾਹ ਦੀ ਜੈਯੰਤੀ 'ਤੇ ਇਸ ਫ਼ਿਲਮ ਦੇ ਨਾਂ ਦਾ ਐਲਾਨ ਕੀਤਾ ਹੈ। ਸੈਮ ਭਾਰਤ ਦੇ ਸਭ ਤੋਂ ਮਹਾਨ ਯੁੱਧ ਨਾਇਕਾਂ 'ਚੋਂ ਇਕ ਸਨ। ਵਿੱਕੀ ਕੌਸ਼ਲ ਸਟਾਰਰ ਫ਼ਿਲਮ 'ਸੈਮ ਬਹਾਦੁਰ' ਦੀ ਡਾਇਰੈਕਟਰ ਮੇਘਣਾ ਗੁਲਜ਼ਾਰ ਹੈ। ਵਿੱਕੀ ਕੌਸ਼ਲ ਨੇ ਇਸ ਫ਼ਿਲਮ ਦੇ ਟਾਈਟਲ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ।
View this post on InstagramA post shared by Vicky Kaushal (@vickykaushal09)
ਦੱਸ ਦਈਏ ਕਿ ਵਿੱਕੀ ਕੌਸ਼ਲ ਬਹਾਦੁਰ ਮਾਨੇਕਸ਼ਾਹ ਦੇ ਜੀਵਨ 'ਤੇ ਅਧਾਰਿਤ ਫ਼ਿਲਮ 'ਚ ਉਨ੍ਹਾਂ ਦੇ ਕਿਰਦਾਰ ਨੂੰ ਜਿਊਂਦਾ ਕਰਦੇ ਨਜ਼ਰ ਆਉਣਗੇ। ਇਸ ਫ਼ਿਲਮ ਨਾਲ ਵਿੱਕੀ ਕੌਸ਼ਲ ਦਾ ਲੁੱਕ ਪਹਿਲਾਂ ਹੀ ਜਾਰੀ ਕਰ ਦਿੱਤਾ ਗਿਆ ਸੀ। ਪਹਿਲਾਂ ਹੀ ਉਨ੍ਹਾਂ ਦੀ ਲੁੱਕ ਨੂੰ ਹਰ ਕਿਸੇ ਨੇ ਪਸੰਦ ਕਰ ਲਿਆ ਹੈ। ਵਿੱਕੀ ਕੌਸ਼ਲ ਦਾ ਇਹ ਲੁੱਕ ਸਾਲ 2019 'ਚ ਜਾਰੀ ਕੀਤਾ ਗਿਆ ਸੀ, ਜਿਸ 'ਚ ਸੈਮ ਦੀ ਬਰਸੀ 'ਤੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਗਈ ਸੀ। ਉਥੇ ਪਿਛਲੇ ਸਾਲ ਨਿਰਮਾਤਾਵਾਂ ਨੇ ਵਿੱਕੀ ਕੌਸ਼ਲ ਦਾ ਦੂਸਰਾ ਲੁੱਕ ਜਾਰੀ ਕੀਤਾ ਸੀ, ਜਿਸ 'ਚ ਵਿੱਕੀ ਕੌਸ਼ਲ ਦਾ ਫੀਲਡ ਮਾਰਸ਼ਲ ਨਾਲ ਮਿਲਦੇ ਲੁੱਕ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਉਥੇ ਹੁਣ ਫਿਲਮ ਦਾ ਨਾਂ ਸਾਹਮਣੇ ਆ ਗਿਆ ਹੈ।
View this post on InstagramA post shared by Vicky Kaushal (@vickykaushal09)
ਦੱਸਣਯੋਗ ਹੈ ਕਿ ਵਿੱਕੀ ਕੌਸ਼ਲ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਫ਼ਿਲਮ ਦਾ ਨਾਂ ਜਾਰੀ ਕਰਦੇ ਹੋਏ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ 'ਚ ਕੋਈ ਵਿਊਜ਼ਲ ਦਿਖਾਈ ਨਹੀਂ ਦੇ ਰਿਹਾ ਹੈ। ਬਸ ਇਸ 'ਚ ਤੁਹਾਨੂੰ ਆਵਾਜ਼ ਸੁਣਾਈ ਦੇਵੇਗੀ।