ਅਕਸ਼ੈ ਕੁਮਾਰ ਨਾਲ ਮਿਲ ਕੀਕੂ ਸ਼ਾਰਦਾ ਨੇ ਉਡਾਇਆ ਵਿੱਕੀ ਕੌਸ਼ਲ ਤੇ ਕੈਟਰੀਨਾ ਦੇ ਵਿਆਹ ਦਾ ਮਜ਼ਾਕ (ਵੀਡੀਓ)

ਨਵੀਂ ਦਿੱਲੀ : ਮਸ਼ਹੂਰ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਅਕਸ਼ੈ ਕੁਮਾਰ ਅਤੇ ਸਾਰਾ ਅਲੀ ਖ਼ਾਨ ਆਪਣੀ ਆਉਣ ਵਾਲੀ ਫ਼ਿਲਮ 'ਅਤਰੰਗੀ ਰੇਅ' ਦਾ ਪ੍ਰਮੋਸ਼ਨ ਕਰਨ ਪਹੁੰਚੇ ਹਨ। ਇਸ ਮੌਕੇ ਕੀਕੂ ਸ਼ਾਰਦਾ ਅਦਾਕਾਰ ਅਕਸ਼ੈ ਕੁਮਾਰ ਨਾਲ ਮਿਲ ਕੇ ਬਾਲੀਵੁੱਡ ਦੀ ਬਾਰਬੀ ਗਰਲ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦੇ ਵਿਆਹ ਦਾ ਮਜ਼ਾਕ ਉਡਾਉਂਦੇ ਹਨ। ਇਸ ਦੌਰਾਨ ਦਾ ਦੋਵਾਂ ਦਾ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। 

ਦੱਸ ਦਈਏ ਕਿ ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦਾ ਵਿਆਹ ਹਾਲ ਹੀ 'ਚ ਰਾਜਸਥਾਨ 'ਚ ਬਹੁਤ ਸ਼ਾਹੀ ਅੰਦਾਜ਼ 'ਚ ਹੋਇਆ ਹੈ। ਵਿਆਹ ਦੀ ਰਸਮ ਹੋਣ ਤਕ ਦੋਵਾਂ ਨੇ ਇਸ ਮੌਕੇ 'ਤੇ ਚੁੱਪੀ ਧਾਰੀ ਰੱਖੀ। ਖ਼ਬਰ ਇਹ ਵੀ ਸੀ ਕਿ ਦੋਹਾਂ ਨੇ ਵਿਆਹ ਦੇ ਮੌਕੇ 'ਤੇ ਲੋਕਾਂ ਨੂੰ ਵਿਆਹ ਦੀ ਜਾਣਕਾਰੀ ਮੀਡੀਆ 'ਤੇ ਲੀਕ ਨਾ ਕਰਨ ਲਈ ਵੀ ਕਿਹਾ ਸੀ। ਇਸ ਕਾਰਨ ਅਕਸ਼ੈ ਕੁਮਾਰ ਅਤੇ ਕੀਕੂ ਸ਼ਾਰਦਾ ਨੇ ਵੀ ਆਪਣੇ ਵਿਆਹ ਦਾ ਇਸੇ ਤਰ੍ਹਾਂ ਮਜ਼ਾਕ ਉਡਾਇਆ ਹੈ।

ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦਾ ਹਾਲ ਹੀ 'ਚ ਵਿਆਹ ਹੋਇਆ ਹੈ
ਅਕਸ਼ੈ ਕੁਮਾਰ ਨਾਲ ਗੱਲ ਕਰਦੇ ਹੋਏ ਕੀਕੂ ਸ਼ਾਰਦਾ ਨੇ ਕਿਹਾ ਹੈ, ''ਮੈਂ ਰਾਜਸਥਾਨ 'ਚ ਇੱਕ ਹਾਈ ਪ੍ਰੋਫਾਈਲ ਵਿਆਹ 'ਚ ਸ਼ਿਰਕਤ ਕੀਤੀ ਹੈ ਪਰ ਮੈਂ ਅੱਜ ਤਕ ਅਜਿਹਾ ਵਿਆਹ ਨਹੀਂ ਦੇਖਿਆ ਹੈ ਕਿਉਂਕਿ ਮੈਨੂੰ ਕੁਝ ਦੇਖਣ ਨੂੰ ਨਹੀਂ ਮਿਲਿਆ।'' ਕੀਕੂ ਸ਼ਾਰਦਾ ਨੇ ਅੱਗੇ ਕਿਹਾ ਕਿ ਸਭ ਕੌਸ਼ਲ ਮੰਗਲ ਨਾਲ ਵਿਆਹ ਹੋ ਗਿਆ। ਇਸ ਤੋਂ ਬਾਅਦ ਅਕਸ਼ੈ ਕਹਿੰਦੇ ਹਨ ਕਿ ਉਥੇ ਕਿੱਟਕੇਟ ਖਾਇਆ ਹੋਵੇਗਾ ਆਪ ਨੇ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।