ਤੈਮੂਰ ਦੇ ਜਨਮਦਿਨ ਮੌਕੇ ਭਾਵੁਕ ਹੋਈ ਕਰੀਨਾ ਕਪੂਰ, ਸਾਂਝੀ ਕੀਤੀ ਇਹ ਖਾਸ ਪੋਸਟ
12/20/2020 6:43:33 PM
ਮੁੰਬਈ (ਬਿਊਰੋ)– ਅੱਜ ਕਰੀਨਾ ਕਪੂਰ ਖ਼ਾਨ ਤੇ ਸੈਫ ਅਲੀ ਖ਼ਾਨ ਦੇ ਲਾਡਲੇ ਤੈਮੂਰ ਅਲੀ ਖ਼ਾਨ ਦਾ ਜਨਮਦਿਨ ਹੈ। 20 ਦਸੰਬਰ, 2016 ਨੂੰ ਜਨਮਿਆ ਤੈਮੂਰ ਅੱਜ 4 ਸਾਲਾਂ ਦਾ ਹੋ ਗਿਆ ਹੈ। ਬੇਟੇ ਦੇ ਜਨਮਦਿਨ ’ਤੇ ਕਰੀਨਾ ਕਪੂਰ ਖ਼ਾਨ ਨੇ ਇਕ ਭਾਵੁਕ ਪੋਸਟ ਲਿਖੀ ਹੈ। ਨਾਲ ਹੀ ਉਸ ਨੇ ਇਕ ਤਸਵੀਰ ਤੇ ਵੀਡੀਓ ਸਾਂਝੀ ਕੀਤੀ ਹੈ।
ਕਰੀਨਾ ਲਿਖਦੀ ਹੈ, ‘ਮੇਰੇ ਬੱਚੇ... ਮੈਂ ਖੁਸ਼ ਹਾਂ ਕਿ ਸਿਰਫ ਚਾਰ ਸਾਲ ਦੀ ਉਮਰ ’ਚ ਤੁਹਾਡੇ ਕੋਲ ਬਹੁਤ ਪੱਕਾ ਇਰਾਦਾ, ਸਮਰਪਣ ਹੈ ਤੇ ਜੋ ਤੁਸੀਂ ਕਰਨਾ ਚਾਹੁੰਦੇ ਹੋ, ਉਸ ’ਤੇ ਕੇਂਦਰਿਤ ਹੋ। ਜੋ ਅੱਜਕਲ ਚਾਰੇ ਨੂੰ ਵਧਾਉਣ ਤੇ ਗਾਵਾਂ ਨੂੰ ਚਰਾਉਣ ਲਈ ਹੈ। ਪ੍ਰਮਾਤਮਾ ਤੁਹਾਨੂੰ ਮੇਰੇ ਮਿਹਨਤੀ ਬੱਚੇ ਨੂੰ ਅਸੀਸ ਦੇਵੇ… ਪਰ ਜਦੋਂ ਤੁਸੀਂ ਇਹ ਸਭ ਕਰ ਰਹੇ ਹੋ ਤਾਂ ਕੁਝ ਪਲਾਂ ਲਈ ਰੁਕੋ, ਬਰਫ ਦਾ ਸੁਆਦ ਚਖੋ, ਫੁੱਲਾਂ ਨੂੰ ਫੜੋ, ਛਾਲ ਮਾਰੋ, ਰੁੱਖਾਂ ਨੂੰ ਛਾਲ ਦਿਓ ਤੇ ਆਪਣਾ ਕੇਕ ਖਾਣਾ ਭੁੱਲ ਜਾਓ…।’
View this post on InstagramA post shared by Kareena Kapoor Khan (@kareenakapoorkhan)
ਕਰੀਨਾ ਨੇ ਅੱਗੇ ਲਿਖਿਆ, ‘ਆਪਣੇ ਸੁਪਨਿਆਂ ਦਾ ਪਿੱਛਾ ਕਰੋ ਤੇ ਮੇਰਾ ਸਿਰ ਉੱਚਾ ਕਰੋ ਤੇ ਮੇਰੇ ਬੱਚੇ ਨੂੰ ਜੀਓ… ਤੇ ਸਭ ਤੋਂ ਵੱਡੀ ਗੱਲ… ਉਹ ਕਰੋ ਜੋ ਤੁਹਾਨੂੰ ਖੁਸ਼ ਕਰਦਾ ਹੈ, ਕੋਈ ਵੀ ਤੁਹਾਨੂੰ ਤੁਹਾਡੀ ਅੰਮਾ ਤੋਂ ਵੱਧ ਪਿਆਰ ਨਹੀਂ ਕਰ ਸਕਦਾ ਤੇ ਨਾ ਹੀ ਕਰੇਗਾ। ਜਨਮਦਿਨ ਮੁਬਾਰਕ ਪੁੱਤਰ… ਮੇਰਾ ਟਾਈਮ।’ ਇਸ ਪੋਸਟ ’ਚ ਕਰੀਨਾ ਨੇ ਤੈਮੂਰ ਦੀ ਬਹੁਤ ਹੀ ਪਿਆਰੀ ਵੀਡੀਓ ਸਾਂਝੀ ਕੀਤੀ ਹੈ। ਇਸ ’ਚ ਨੌਜਵਾਨ ਤੈਮੂਰ ਨੂੰ ਖੇਡਦਿਆਂ, ਕੇਕ ਖਾਂਦਿਆਂ, ਘਰ ਤੇ ਬਾਹਰ ਖੇਡਦਿਆਂ ਵੇਖਿਆ ਜਾ ਸਕਦਾ ਹੈ।
ਦੱਸਣਯੋਗ ਹੈ ਕਿ ਕਰੀਨਾ ਕਪੂਰ ਨੇ ਹਾਲ ਹੀ ’ਚ ਇਕ ਇੰਟਰਵਿਊ ’ਚ ਆਪਣੇ ਬੇਟੇ ਤੈਮੂਰ ਬਾਰੇ ਗੱਲ ਕੀਤੀ ਸੀ। ਕਰੀਨਾ ਨੇ ਫਿਲਮਫੇਅਰ ਨੂੰ ਦਿੱਤੇ ਆਪਣੇ ਇੰਟਰਵਿਊ ’ਚ ਦੱਸਿਆ ਸੀ ਕਿ ਉਹ ਤੈਮੂਰ ਤੋਂ ਕਿੰਨੀ ਜ਼ਿਆਦਾ ਪ੍ਰਭਾਵਸ਼ਾਲੀ ਹੈ ਤੇ ਉਸ ਤੋਂ ਉਹ ਕਿੰਨਾ ਕੁਝ ਸਿੱਖ ਰਹੀ ਹੈ। ਦੱਸਣਯੋਗ ਹੈ ਕਿ ਜਲਦ ਹੀ ਕਰੀਨਾ ਕਪੂਰ ਖ਼ਾਨ ਆਪਣੇ ਦੂਜੇ ਬੱਚੇ ਨੂੰ ਜਨਮ ਦੇਣ ਜਾ ਰਹੀ ਹੈ।
ਨੋਟ– ਕਰੀਨਾ ਕਪੂਰ ਖ਼ਾਨ ਦੀ ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।