ਕੋਰੋਨਾ ਨਾਲ ''ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ'' ਫੇਮ ''ਟਪੂ'' ਦੇ ਪਿਤਾ ਦਾ ਦਿਹਾਂਤ

ਨਵੀਂ ਦਿੱਲੀ : ਪੂਰੇ ਦੇਸ਼ 'ਚ ਕੋਰੋਨਾ ਦਾ ਕਹਿਰ ਵੇਖਣ ਨੂੰ ਮਿਲ ਰਿਹਾ ਹੈ। ਲਗਾਤਾਰ ਮਾੜੀਆਂ ਖ਼ਬਰਾਂ ਮਿਸਣ ਦਾ ਦੌਰ ਚਲ ਰਿਹਾ ਹੈ। ਇੱਥੋਂ ਤਕ ਕਿ ਟੀ. ਵੀ. ਅਤੇ ਫ਼ਿਲਮ ਇੰਡਸਟਰੀ ਦੇ ਲੋਕ ਵੀ ਇਸ ਵਾਇਰਸ ਤੋਂ ਬਚ ਨਹੀਂ ਸਕੇ। ਅਜਿਹੇ 'ਚ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਦੇ ਪ੍ਰਸ਼ੰਸਕਾਂ ਲਈ ਬੁਰੀ ਖ਼ਬਰ ਹੈ। 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਫੇਮ 'ਟਪੂ' ਯਾਨੀਕਿ ਭਵਿਆ ਗਾਂਧੀ ਨੇ ਆਪਣੇ ਪਿਤਾ ਨੂੰ ਹਮੇਸ਼ਾ ਲਈ ਗੁਆ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਕੋਰੋਨਾਵਾਇਰਸ ਤੋਂ ਸੰਕਰਮਿਤ ਸੀ ਅਤੇ ਇਹ ਕੋਰੋਨਾ ਭਵਿਆ ਦੇ ਪਿਤਾ ਲਈ ਕਾਲ ਬਣ ਕੇ ਆਇਆ।

ਵੈਂਟੀਲੇਟਰ 'ਤੇ ਸਨ ਭਵਿਆ ਦੇ ਪਿਤਾ 
ਭਵਿਆ ਗਾਂਧੀ ਦੇ ਪਿਤਾ ਹਸਪਤਾਲ 'ਚ ਜ਼ੇਰੇ ਇਲਾਜ ਸਨ। ਖ਼ਬਰਾਂ ਅਨੁਸਾਰ ਉਹ ਪਿਛਲੇ 10 ਦਿਨਾਂ ਤੋਂ ਵੈਂਟੀਲੇਟਰ 'ਤੇ ਸੀ। ਭਵਿਆ ਗਾਂਧੀ ਦੇ ਪਿਤਾ ਵਿਨੋਦ ਗਾਂਧੀ ਉਸਾਰੀ ਦੇ ਕਾਰੋਬਾਰ 'ਚ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦੇ ਸਰੀਰ 'ਚ ਆਕਸੀਜਨ ਦਾ ਪੱਧਰ ਅਚਾਨਕ ਘੱਟ ਗਿਆ, ਜਿਸ ਕਾਰਨ ਮੰਗਲਵਾਰ ਨੂੰ ਉਸ ਦੀ ਮੌਤ ਹੋ ਗਈ।

ਭਵਿਆ ਲਈ ਹੈ ਮੁਸ਼ਕਿਲ ਸਮਾਂ
'ਤਾਰਕ ਮਹਿਤਾ ਕਾ ਓਲਤਾਹ ਚਸ਼ਮਾ' ਫੇਮ ਭਵਿਆ ਗਾਂਧੀ ਦੇ ਪਿਤਾ ਨੇ ਕੋਕੀਲਾ ਬੇਨ ਹਸਪਤਾਲ 'ਚ ਆਖਰੀ ਸਾਹ ਲਿਆ। ਭਵਿਆ ਲਈ ਇਹ ਬਹੁਤ ਮੁਸ਼ਕਲ ਸਮਾਂ ਹੈ। ਉਹ ਆਪਣੇ ਪਿਤਾ ਨਾਲ ਬਹੁਤ ਜ਼ਿਆਦਾ ਜੁੜਿਆ ਹੋਇਆ ਸੀ। ਬੀਤੇ ਫਾਦਰਸ ਡੇਅ 'ਤੇ ਉਸ ਨੇ ਆਪਣੀ ਤਸਵੀਰ ਆਪਣੇ ਪਿਤਾ ਨਾਲ ਪੋਸਟ ਕੀਤੀ ਸੀ। ਇਸ ਬਲੈਕ ਐਂਡ ਵ੍ਹਾਈਟ ਤਸਵੀਰ 'ਚ ਦੋਵੇਂ ਇਕ-ਦੂਜੇ ਨੂੰ ਵੇਖ ਰਹੇ ਹਨ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Bhavya Gandhi (@bhavyagandhi97)

ਗੁਜਰਾਤੀ ਫ਼ਿਲਮਾਂ 'ਚ ਕੰਮ ਕਰ ਰਿਹੈ ਭਵਿਆ
ਭਵਿਆ ਗਾਂਧੀ ਇਨ੍ਹੀਂ ਦਿਨੀਂ ਟੈਲੀਵਿਜ਼ਨ ਦੀ ਦੁਨੀਆ ਤੋਂ ਦੂਰ ਗੁਜਰਾਤੀ ਫ਼ਿਲਮਾਂ 'ਚ ਕੰਮ ਕਰ ਰਿਹਾ ਹੈ। ਉਸ ਨੇ ਟਿਪੇਂਦਰ ਲਾਲ ਗੱਦਾ ਉਰਫ਼ ਟਪੂ ਦਾ ਕਿਰਦਾਰ ਨਿਭਾਇਆ ਸੀ। ਸਾਲ 2017 'ਚ ਉਸ ਨੇ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਛੱਡ ਦਿੱਤਾ। ਨੌਂ ਸਾਲਾਂ ਤੋਂ ਭਵਿਆ ਗਾਂਧੀ 'ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ' ਨਾਲ ਜੁੜੇ ਰਹੇ।

ਇਸ ਸਿਤਾਰਿਆਂ ਨਾਲ ਹੈ ਚੰਗਾ ਬਾਂਡ
'ਤਾਰਕ ਮਹਿਤਾ ਕਾ ਓਲਤਾਹ ਚਸ਼ਮਾ' ਦੇ ਸਹਿ-ਕਲਾਕਾਰਾਂ ਨਾਲ ਭਵਿਆ ਦੀ ਚੰਗੀ ਬਾਂਡਿੰਗ ਹੈ। ਉਹ 'ਦਯਾ ਬੇਨ' ਦੇ ਵੀ ਬਹੁਤ ਨੇੜੇ ਹੈ। ਇਸ ਦੇ ਨਾਲ ਹੀ ਉਹ ਦਿਲੀਪ ਜੋਸ਼ੀ ਅਤੇ ਸਾਮਯ ਸ਼ਾਹ ਦੇ ਵੀ ਬਹੁਤ ਕਰੀਬੀ ਹਨ।