25 ਦੀ ਉਮਰ ''ਚ ਲਗਜ਼ਰੀ ਕਾਰਾਂ ਸਮੇਤ ਮਹਿੰਗੇ ਸ਼ੌਕ ਰੱਖਦੀ ਹੈ ਸਾਰਾ ਅਲੀ ਖ਼ਾਨ, ਇੰਝ ਪੂਰਾ ਕਰਦੀ ਹੈ ਖ਼ਰਚਾ
10/21/2021 11:40:12 AM
ਮੁੰਬਈ (ਬਿਊਰੋ) - ਬਾਲੀਵੁੱਡ ਅਦਾਕਾਰ ਸੈਫ ਅਲੀ ਖ਼ਾਨ ਤੇ ਅੰਮ੍ਰਿਤਾ ਸਿੰਘ ਦੀ ਲਾਡਲੀ ਧੀ ਸਾਰਾ ਅਲੀ ਖ਼ਾਨ ਨੂੰ ਕਾਫ਼ੀ ਲਗਜ਼ਰੀ ਸ਼ੌਕ ਹਨ, ਜਿਨ੍ਹਾਂ 'ਚੋਂ ਇਕ ਹੈ ਮਹਿੰਗੇ ਬੈਗਸ ਰੱਖਣ ਦਾ ਸ਼ੌਕ। ਸਾਰਾ ਅਲੀ ਖ਼ਾਨ ਕੋਲ 'Bottega Veneta Milano Uluru' ਦਾ 6 ਲੱਖ ਰੁਪਏ ਦੀ ਕੀਮਤ ਦਾ ਇਕ ਬੈਗ ਵੀ ਹੈ।
ਇਸ ਤੋਂ ਇਲਾਵਾ ਉਸ ਕੋਲੋ 'ਮਰਸਡੀਜ਼ ਜੀ ਵੈਗਨ' ਵੀ ਹੈ। 25 ਸਾਲਾ ਸਾਰਾ ਅਲੀ ਖ਼ਾਨ ਨੇ ਹਾਲ ਹੀ 'ਚ ਆਪਣੇ ਲਈ 'ਮਰਸਡੀਜ਼ ਜੀ ਵੈਗਨ' ਕਾਰ ਖਰੀਦੀ ਹੈ। ਸਫ਼ੇਦ ਰੰਗ ਦੀ ਇਸ ਚਮਚਮਾਉਂਦੀ ਕਾਰ ਦੀ ਕੀਮਤ 1.3 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਸਾਰਾ ਅਲੀ ਖ਼ਾਨ ਕੋਲ 'ਹੌਂਡਾ ਸੀ. ਆਰ. ਵੀ' ਕਾਰ ਹੈ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ 'ਹੌਂਡਾ ਸੀ. ਆਰ. ਵੀ' ਦੀ ਕੀਮਤ 30 ਲੱਖ ਰੁਪਏ ਦੇ ਕਰੀਬ ਹੈ। ਇਸ ਤੋਂ ਇਲਾਵਾ ਸਾਰਾ ਮਹਿੰਗੇ ਡਿਜ਼ਾਇਨਰ ਕੱਪੜੇ ਪਾਉਣ ਦਾ ਵੀ ਸ਼ੌਕ ਰੱਖਦੀ ਹੈ। ਸਾਰਾ ਅਲੀ ਖ਼ਾਨ 40-50 ਹਜ਼ਾਰ ਤਕ ਦੇ ਆਊਟਫਿੱਟਸ 'ਚ ਵੀ ਨਜ਼ਰ ਆ ਚੁੱਕੀ ਹੈ।
ਇਨ੍ਹਾਂ ਤੋਂ ਇਲਾਵਾ ਸੈਫ ਦੀ ਲਾਡਲੀ ਨੂੰ ਮਹਿੰਗੀਆਂ ਘੜੀਆਂ ਦਾ ਵੀ ਸ਼ੌਕ ਹੈ। ਸਾਰਾ ਅਲੀ ਖ਼ਾਨ ਕੋਲ 'Bvlgari Serpenti Tubogas' ਘੜੀ ਹੈ, ਜਿਸ ਦੀ ਕੀਮਤ 9 ਲੱਖ ਰੁਪਏ ਦੱਸੀ ਜਾਂਦੀ ਹੈ।
ਦੱਸਣਯੋਗ ਹੈ ਕਿ ਸਾਰਾ ਅਲੀ ਖ਼ਾਨ ਮੁੰਬਈ ਦੇ ਇਕ ਆਲੀਸ਼ਾਨ ਅਪਾਰਟਮੈਂਟ 'ਚ ਰਹਿੰਦੀ ਹੈ। ਸਾਰਾ ਅਲੀ ਖ਼ਾਨ ਨੇ ਇਹ ਅਪਾਰਟਮੈਂਟ ਸਾਲ 2019 'ਚ ਖਰੀਦਿਆ ਸੀ, ਜਿਸ ਦੀ ਕੀਮਤ 1.5 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਸਾਰਾ ਅਲੀ ਖ਼ਾਨ ਕੋਲ ਅੱਜ ਇਕ ਤੋਂ ਵਧ ਕੇ ਇਕ ਬ੍ਰਾਂਡ ਦੇ ਵਿਗਿਆਪਨ ਹਨ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਸਾਰਾ ਬ੍ਰਾਂਡ ਐਡੋਰਸਮੈਂਟ ਅਤੇ ਫ਼ਿਲਮਾਂ ਆਦਿ ਤੋਂ ਮਿਲਾ ਕੇ 50 ਲੱਖ ਰੁਪਏ ਮਹੀਨਾ ਤਕ ਕਮਾ ਲੈਂਦੀ ਹੈ। ਅਦਾਕਾਰਾ ਦੀ ਕੁੱਲ ਨੈੱਟਵਰਥ 29 ਕਰੋੜ ਰੁਪਏ ਦੱਸੀ ਜਾਂਦੀ ਹੈ।