ਸਲਮਾਨ ਖ਼ਾਨ ਦੇ ਬ੍ਰਾਂਡ ਅੰਬੈਸਡਰ ਵਾਲੇ ਇਸ ਐਪ ਨੇ ਲਾਂਚ ਕੀਤਾ ਕ੍ਰਿਪਟੋ ਟੋਕਨ

ਮੁੰਬਈ (ਬਿਊਰੋ)– ਸਵਦੇਸ਼ੀ ਸ਼ਾਰਟ ਵੀਡੀਓ ਐਪ Chingari ਨੇ ਹਾਲ ਹੀ ’ਚ ਆਪਣੇ ਪਲੇਟਫਾਰਮ ’ਤੇ Gari ਨਾਂ ਦਾ ਇਕ ਸਵਦੇਸ਼ੀ ਕ੍ਰਿਪਟੋਕਰੰਸੀ ਟੋਕਨ ਸ਼ਨੀਵਾਰ ਨੂੰ ਭਾਰਤ ’ਚ ਲਾਂਚ ਕੀਤਾ ਹੈ। ਭਾਰਤ ’ਚ ਸ਼ਾਰਟ ਵੀਡੀਓ ਐਪ Chingari ਵਲੋਂ ਲਾਂਚ ਕੀਤਾ ਗਿਆ ਕ੍ਰਿਪਟੋ ਟੋਕਨ ਆਪਣਾ ਖ਼ੁਦ ਦਾ ਐੱਨ. ਐੱਫ. ਟੀ. ਮਾਰਕੀਟਪਲੇਸ ਵੀ ਲਾਂਚ ਕਰ ਰਿਹਾ ਹੈ।

Gari ’ਚ ਬਾਲੀਵੁੱਡ ਅਦਾਕਾਰ ਸਲਮਾਨ ਖ਼ਾਨ ਇਸ ਦੇ ਬ੍ਰਾਂਡ ਅੰਬੈਸਡਰ ਹੋਣਗੇ, ਜੋ ਮੁੰਬਈ ’ਚ ਇਸ ਦੇ ਲਾਂਚ ਈਵੈਂਟ ’ਚ ਵੀ ਮੌਜੂਦ ਸਨ। ਕ੍ਰਿਪਟੋ ਟੋਕਨ ਸੋਲਾਨਾ ਬਲਾਕਚੈਨ ਦੇ ਸਹਿਯੋਗ ਨਾਲ ਵਿਕਸਿਤ ਕੀਤਾ ਗਿਆ ਹੈ। Gari ਨੂੰ ਇਕ ਵਿੱਤੀ ਟੋਕਨ ਦੀ ਬਜਾਏ ਇਕ ਸਮਾਜਿਕ ਟੋਕਨ ਵਜੋਂ ਇਸ਼ਤਿਹਾਰ ਦਿੱਤਾ ਜਾ ਰਿਹਾ ਹੈ, ਜਿਥੇ ਸਿਰਜਣਹਾਰ ਆਪਣੀ ਸਮਗਰੀ ਦੇ ਆਧਾਰ ’ਤੇ ਸਿੱਕੇ ਇਕੱਠੇ ਕਰ ਸਕਣਗੇ।

ਇਹ ਖ਼ਬਰ ਵੀ ਪੜ੍ਹੋ : ਭਾਰਤੀ ਫ਼ਿਲਮ ਜਗਤ ਦੇ ਮਸ਼ਹੂਰ ਪ੍ਰੋਡਕਸ਼ਨ ਹਾਊਸਿਜ਼ ਲਈ ਸਖ਼ਤ ਮੁਕਾਬਲੇਬਾਜ਼ ਦੇ ਰੂਪ ’ਚ ਉੱਭਰ ਰਹੇ ਨੇ ਦਲਜੀਤ ਥਿੰਦ

ਨਵਾਂ ਕ੍ਰਿਪਟੋ ਟੋਕਨ ਚਿੰਗਾਰੀ ਵਲੋਂ ਲਾਂਚ ਕੀਤਾ ਗਿਆ ਸੀ, ਜੋ ਕਿ ਪਾਬੰਦੀਸ਼ੁਦਾ ਚੀਨੀ ਐਪ ਟਿਕਟਾਕ ਨਾਲ ਮੁਕਾਬਲਾ ਕਰਨ ਲਈ ਭਾਰਤ ’ਚ ਸ਼ੁਰੂ ਕੀਤੀ ਗਈ ਇਕ ਸਵਦੇਸ਼ੀ ਛੋਟੀ ਵੀਡੀਓ ਐਪ ਹੈ।

ਚਿੰਗਾਰੀ ਦੇ ਸੀ. ਈ. ਓ. ਤੇ ਸਹਿ-ਸੰਸਥਾਪਕ ਸੁਮਿਤ ਘੋਸ਼ ਨੇ ਕਿਹਾ ਕਿ ਪਲੇਟਫਾਰਮ ਉਪਭੋਗਤਾਵਾਂ ਨੂੰ ਸਮੱਗਰੀ ਬਣਾਉਣ ਜਾਂ ਵੇਖਣ ਲਈ ਕ੍ਰਿਪਟੋ ਟੋਕਨ ਪ੍ਰਾਪਤ ਕਰਨ ਦੀ ਇਜਾਜ਼ਤ ਦੇਵੇਗਾ। ਉਨ੍ਹਾਂ ਕਿਹਾ, ‘ਇਹ ਵਿਚਾਰ ਨਿਰਮਾਤਾਵਾਂ ਦੀ ਪ੍ਰਤਿਭਾ ਦਾ ਮੁਦਰੀਕਰਨ ਕਰਨਾ ਤੇ ਉਨ੍ਹਾਂ ਨੂੰ ਇਕ ਸਮਾਜਿਕ ਪਲੇਟਫਾਰਮ ਦੁਆਰਾ ਸ਼ਕਤੀਸ਼ਾਲੀ ਬਣਾਉਣਾ ਹੈ।’

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।