ਜਲਦ ਖੁੱਲ੍ਹੇਗਾ ਪ੍ਰਿਅੰਕਾ ਚੋਪੜਾ ਦਾ ਰੈਸਟੋਰੈਂਟ, ਨਿਊਯਾਰਕ ’ਚ ਇਸ ਤਰ੍ਹਾਂ ਹੋਈ ਪੂਜਾ
03/24/2021 2:56:23 PM
ਮੁੰਬਈ (ਬਿਊਰੋ)– ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਤਕ ਆਪਣੇ ਨਾਂ ਦਾ ਝੰਡਾ ਲਹਿਰਾ ਚੁੱਕੀ ਪ੍ਰਿਅੰਕਾ ਚੋਪੜਾ ਇਕ ਨਵੀਂ ਇੰਡਸਟਰੀ ’ਚ ਕਦਮ ਰੱਖ ਚੁੱਕੀ ਹੈ। ਅਸਲ ’ਚ ਪ੍ਰਿਅੰਕਾ ਚੋਪੜਾ ਨੇ ਹੁਣ ਫੂਡ ਇੰਡਸਟਰੀ ਵੱਲ ਕਦਮ ਰੱਖਿਆ ਹੈ ਤੇ ਨਿਊਯਾਰਕ ’ਚ ਆਪਣਾ ਸ਼ਾਨਦਾਰ ਰੈਸਟੋਰੈਂਟ ਖੋਲ੍ਹਿਆ ਹੈ।
ਪ੍ਰਿਅੰਕਾ ਦਾ ਇਹ ਰੈਸਟੋਰੈਂਟ ਖੁੱਲ੍ਹਣ ਲਈ ਬਿਲਕੁਲ ਤਿਆਰ ਹੈ, ਜਿਸ ਲਈ ਉਸ ਨੇ ਪੂਜਾ ਰੱਖੀ। ਪੂਜਾ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ।
ਪ੍ਰਿਅੰਕਾ ਨੇ ਆਪਣੇ ਇਸ ਸ਼ਾਨਦਾਰ ਰੈਸਟੋਰੈਂਟ ਦਾ ਨਾਂ ‘ਸੋਨਾ’ ਰੱਖਿਆ ਹੈ। ਇਸ ਰੈਸਟੋਰੈਂਟ ’ਚ ਪ੍ਰਿਅੰਕਾ ਨਾਲ ਕੰਮ ਕਰਨ ਵਾਲੇ ਰੈਸਟੋਰੈਂਟ ਮਾਲਕ ਮਨੀਸ਼ ਗੋਇਲ ਵੀ ਹਨ ਤੇ ਉਨ੍ਹਾਂ ਨੇ ਪੂਜਾ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।
ਮਨੀਸ਼ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਪੂਜਾ ਦੀਆਂ ਕਈ ਤਸਵੀਰਾਂ ਸਾਂਝੀਆਂ ਕਰਦਿਆਂ ਲਿਖਿਆ ਕਿ ਉਹ ਇਸ ਰੈਸਟੋਰੈਂਟ ਨੂੰ 2020 ’ਚ ਸ਼ੁਰੂ ਕਰਨ ਵਾਲੇ ਸਨ ਪਰ ਕੋਰੋਨਾ ਵਾਇਰਸ ਦੇ ਚਲਦਿਆਂ ਇਸ ਕੰਮ ’ਚ ਦੇਰੀ ਹੋ ਗਈ।
ਦੱਸਣਯੋਗ ਹੈ ਕਿ ਮਨੀਸ਼ ਗੋਇਲ ਨੇ ਜੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਉਨ੍ਹਾਂ ’ਚ ਪੁਰਾਣੀਆਂ ਤਸਵੀਰਾਂ ਵੀ ਸ਼ਾਮਲ ਹਨ। ਪਹਿਲਾਂ ਕਰਵਾਈ ਪੂਜਾ ਦੌਰਾਨ ਪ੍ਰਿਅੰਕਾ ਚੋਪੜਾ ਤੇ ਨਿਕ ਵੀ ਮੌਜੂਦ ਸਨ। ਤਸਵੀਰਾਂ ’ਚ ਨਿਕ ਤੇ ਪ੍ਰਿਅੰਕਾ ਇਕੱਠੇ ਪੂਜਾ ਕਰਦੇ ਦਿਖਾਈ ਦੇ ਰਹੇ ਹਨ। ਦੋਵੇਂ ਪੂਜਾ ਦੀ ਥਾਲੀ ਫੜ ਕੇ ਭਗਵਾਨ ਦੀ ਆਰਤੀ ਕਰਦੇ ਵੀ ਨਜ਼ਰ ਆ ਰਹੇ ਹਨ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।