ਪ੍ਰਿਅੰਕਾ ਚੋਪੜਾ ਨੇ ਪਹਿਲੀ ਵਾਰ ਆਪਣੇ ਰੈਸਟੋਰੈਂਟ ’ਚ ਜਾ ਕੇ ਖਾਧੇ ਗੋਲਗੱਪੇ, ਤਸਵੀਰਾਂ ਆਈਆਂ ਸਾਹਮਣੇ

ਮੁੰਬਈ (ਬਿਊਰੋ)– ਪ੍ਰਿਯੰਕਾ ਚੋਪੜਾ ਹਾਲ ਹੀ ’ਚ ਅਮਰੀਕਾ ਪਰਤੀ ਹੈ, ਉਹ ਕੰਮ ਦੇ ਸਿਲਸਿਲੇ ’ਚ ਪਿਛਲੇ ਕਈ ਦਿਨਾਂ ਤੋਂ ਲੰਡਨ ’ਚ ਸੀ। ਅਮਰੀਕਾ ਆਉਂਦਿਆਂ ਹੀ ਪ੍ਰਿਯੰਕਾ ਨੂੰ ਭਾਰਤੀ ਖਾਣੇ ਦੀ ਯਾਦ ਆ ਗਈ ਤਾਂ ਉਹ ਗੋਲਗੱਪੇ ਖਾਣ ਪਹੁੰਚ ਗਈ। ਦੇਸੀ ਗਰਲ ਦੀ ਗੋਲਗੱਪੇ ਖਾਂਦਿਆਂ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਲੋਕ ਪ੍ਰਿਯੰਕਾ ਦੇ ਇਸ ਅੰਦਾਜ਼ ਨੂੰ ਬਹੁਤ ਪਸੰਦ ਕਰ ਰਹੇ ਹਨ।

ਦਰਅਸਲ, ਪ੍ਰਿਯੰਕਾ ਨੇ ਕੁਝ ਦਿਨ ਪਹਿਲਾਂ ਨਿਊਯਾਰਕ ’ਚ ਆਪਣਾ ਨਵਾਂ ਰੈਸਟੋਰੈਂਟ ਖੋਲ੍ਹਿਆ ਸੀ, ਜਿਸ ਦਾ ਨਾਮ ‘ਸੋਨਾ’ ਹੈ। ਇਥੇ ਭਾਰਤੀ ਖਾਣਾ ਵੀ ਉਪਲੱਬਧ ਹੈ। ਪਹਿਲੀ ਵਾਰ ‘ਸੋਨਾ’ ਪਹੁੰਚੀ ਪ੍ਰਿਯੰਕਾ ਨੇ ਗੋਲਗੱਪੇ ਦੇ ਚਟਕਾਰੇ ਲਏ।

ਤਸਵੀਰਾਂ ਸਾਂਝੀਆਂ ਕਰਦਿਆਂ ਪ੍ਰਿਯੰਕਾ ਨੇ ਇਕ ਇੰਸਟਾਗ੍ਰਾਮ ਪੋਸਟ ’ਤੇ ਲਿਖਿਆ, ‘ਮੈਨੂੰ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਫਾਈਨਲੀ ਮੈਂ ‘ਸੋਨਾ’ ’ਚ ਹਾਂ। ਮੈਂ ਆਪਣੀ ਤਿੰਨ ਸਾਲ ਦੀ ਪਲਾਨਿੰਗ ਨੂੰ ਵੇਖ ਪਾ ਰਹੀ ਹਾਂ। ਰਸੋਈ ’ਚ ਜਾ ਕੇ ‘ਸੋਨਾ’ ਦੀ ਟੀਮ ਨੂੰ ਮਿਲਣ ਲਈ ਉਤਸ਼ਾਹਿਤ ਹੋ ਚੁੱਕੀ ਹਾਂ, ਜਿਨ੍ਹਾਂ ਨੇ ਤਜਰਬੇ ਨੂੰ ਬਹੁਤ ਮਜ਼ੇਦਾਰ ਬਣਾ ਦਿੱਤਾ।’

ਪ੍ਰਿਯੰਕਾ ਨੇ ਅੱਗੇ ਲਿਖਿਆ, ‘ਮੇਰੇ ਨਾਂ ਦਾ ਡਾਈਨਿੰਗ ਰੂਮ ‘ਮਿਸਿਜ਼’ ਤੋਂ ਲੈ ਕੇ ਇੰਟੀਰੀਅਰ ਤਕ, ਭਾਰਤੀ ਕਲਾਕਾਰਾਂ ਦੀਆਂ ਸ਼ਾਨਦਾਰ ਕਲਾਵਾਂ ਜੋ ਵਿਕਰੀ ਲਈ ਤਿਆਰ ਹਨ, ਸੁਆਦੀ ਭੋਜਨ, ਡਰਿੰਕਸ, ਸਾਰੀਆਂ ਚੀਜ਼ਾਂ ਦਾ ਤਜਰਬਾ ਸ਼ਾਨਦਾਰ ਤੇ ਵਿਲੱਖਣ ਹੈ। ਇਹ ਨਿਊਯਾਰਕ ਸਿਟੀ ਦੇ ਕੇਂਦਰ ’ਚ ਹੈ।’

ਪ੍ਰਿਯੰਕਾ ਨੇ ਆਪਣੀ ਇੰਸਟਾ ਸਟੋਰੀ ’ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ’ਚ ਉਸ ਦੇ ਟੇਬਲ ’ਤੇ ਕਈ ਪਕਵਾਨ ਦਿਖਾਈ ਦੇ ਰਹੇ ਹਨ। ਇਨ੍ਹਾਂ ’ਚ, ਪਕੌਡ਼ੇ ਤੇ ਚਟਨੀ-ਸਾਂਬਰ ਦੇ ਨਾਲ ਡੋਸਾ ਮੁੱਖ ਹਨ।

ਪ੍ਰਿਯੰਕਾ ਦੇ ਵਿਦੇਸ਼ੀ ਦੋਸਤਾਂ ਨੇ ਵੀ ਭਾਰਤੀ ਖਾਣੇ ਦਾ ਆਨੰਦ ਲਿਆ। ਤਸਵੀਰ ’ਚ ਗੋਲਗੱਪੇ ਮੇਜ਼ ’ਤੇ ਰੱਖੇ ਗਏ ਹਨ। ਇਸ ਤੋਂ ਪਹਿਲਾਂ ਪ੍ਰਿਯੰਕਾ ਨੇ ਗੋਲਗੱਪੇ ਦੇ ਨਾਲ ਸ਼ਰਾਬ ਦਾ ਵਿਚਾਰ ਰੱਖਿਆ ਸੀ।

ਪ੍ਰਿਯੰਕਾ ਚੋਪੜਾ ਨੇ ਇਸ ਸਾਲ ਦੇ ਸ਼ੁਰੂ ’ਚ ਲੰਡਨ ’ਚ ਸੈਮ ਹੇਗਨ, ਸੇਲੀਨ ਡਾਇਓਨ, ਰਸਲ ਟੋਵੀ, ਸਟੀਵ ਓਰਮ ਤੇ ਓਮਿਦ ਜਲੀ ਦੇ ਨਾਲ ਰੋਮਾਂਟਿਕ ਡਰਾਮਾ ‘ਟੈਕਸਟ ਫਾਰ ਯੂ’ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।