ਵਿਆਹ ਤੋਂ ਪਹਿਲਾਂ ਰੋਹਨ ਸਾਹਮਣੇ ਨੇਹਾ ਕੱਕੜ ਨੇ ਰੱਖੀ ਸੀ ਇਹ ਸ਼ਰਤ
12/26/2020 1:59:12 PM
ਮੁੰਬਈ (ਬਿਊਰੋ)– ਬਾਲੀਵੁੱਡ ਗਾਇਕਾ ਨੇਹਾ ਕੱਕੜ ਤੇ ਉਸ ਦੇ ਪਤੀ ਰੋਹਨਪ੍ਰੀਤ ਸਿੰਘ ਦਾ ਨਵਾਂ ਗੀਤ ਰਿਲੀਜ਼ ਹੋ ਗਿਆ ਹੈ। ਇਹ ਗੀਤ ਸੋਸ਼ਲ ਮੀਡੀਆ ’ਤੇ ਟਰੈਂਡ ਕਰ ਰਿਹਾ ਹੈ। ਇਸ ਗੀਤ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਨੇਹਾ ਕੱਕੜ ਦੀ ਬੇਬੀ ਬੰਪ ਵਾਲੀ ਤਸਵੀਰ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋਈ ਸੀ। ਫਿਲਹਾਲ ਇਹ ਦੋਵੇਂ ਆਪਣੀ ਵਿਆਹੁਤਾ ਜ਼ਿੰਦਗੀ ਦਾ ਆਨੰਦ ਮਾਣ ਰਹੇ ਹਨ।
View this post on InstagramA post shared by Neha Kakkar (Mrs. Singh) (@nehakakkar)
ਦੱਸਣਯੋਗ ਹੈ ਕਿ ਕੁਝ ਦਿਨ ਪਹਿਲਾਂ ਹੀ ਦੋਵੇਂ ਕਪਿਲ ਸ਼ਰਮਾ ਦੇ ਸ਼ੋਅ ’ਚ ਨਜ਼ਰ ਆਏ ਸਨ। ਕਪਿਲ ਦੇ ਸ਼ੋਅ ’ਚ ਦੋਵਾਂ ਨੇ ਆਪਣੇ ਰਿਸ਼ਤੇ ਬਾਰੇ ਕਈ ਰਾਜ਼ ਖੋਲ੍ਹੇ ਸਨ। ਇਸ ਦੇ ਨਾਲ ਹੀ ਨੇਹਾ ਤੇ ਰੋਹਨਪ੍ਰੀਤ ਨੇ ‘ਐਕਸ ਕਾਲਿੰਗ’ ਗੀਤ ਦੇ ਪਿੱਛੇ ਦੀ ਵਜ੍ਹਾ ਦੱਸੀ।
View this post on InstagramA post shared by Neha Kakkar (Mrs. Singh) (@nehakakkar)
ਕਪਿਲ ਸ਼ਰਮਾ ਰੋਹਨਪ੍ਰੀਤ ਸਿੰਘ ਕੋਲੋਂ ਪੁੱਛਦੇ ਹਨ ਕਿ ਤੁਹਾਡਾ ਇਕ ਗੀਤ ਆਇਆ ਹੈ ‘ਐਕਸ ਕਾਲਿੰਗ’, ਇਸ ਗੀਤ ਨੂੰ ਬਣਾਉਣ ਦੀ ਕੀ ਕੋਈ ਅਸਲ ਵਜ੍ਹਾ ਹੈ? ਰੋਹਨਪ੍ਰੀਤ ਇਸ ਸਵਾਲ ’ਤੇ ਨੇਹਾ ਕੱਕੜ ਨੂੰ ਦੇਖ ਕੇ ਸ਼ਰਮਾ ਜਾਂਦੇ ਹਨ ਤੇ ਨੇਹਾ ਕਹਿੰਦੀ ਹੈ ਕੀ ਹੋਇਆ। ਮੈਂ ਅਨਫਾਲੋਅ ਕਰਵਾ ਦਿੱਤਾ ਤੇ ਇਨ੍ਹਾਂ ਨੇ ਗੀਤ ਬਣਾ ਲਿਆ। ਨੇਹਾ ਦੀ ਗੱਲ ਸੁਣ ਕੇ ਕਪਿਲ ਕਹਿੰਦੇ ਹਨ, ‘ਮੈਂ ਤਾਂ ਮਜ਼ਾਕ ’ਚ ਪੁੱਛਿਆ ਸੀ ਇਹ ਸੱਚੀ ਸਟੋਰੀ ਸੀ ਕੋਈ।’ ਨੇਹਾ ਕੱਕੜ ਨੇ ਰੋਹਨਪ੍ਰੀਤ ਦੇ ਇਸ ਗੀਤ ਨੂੰ ਇੰਸਟਾਗ੍ਰਾਮ ’ਤੇ ਪ੍ਰਮੋਟ ਕੀਤਾ ਸੀ। ਕਪਿਲ ਸ਼ਰਮਾ ਸ਼ੋਅ ’ਚ ਨੇਹਾ ਕਹਿੰਦੀ ਹੈ ਕਿ ਇਸ ਤੋਂ ਬਾਅਦ ਹੀ ਸਾਡੇ ਵਿਚਾਲੇ ਗੱਲਬਾਤ ਸ਼ੁਰੂ ਹੋਈ ਸੀ।
View this post on InstagramA post shared by Neha Kakkar (Mrs. Singh) (@nehakakkar)
ਕਪਿਲ ਦੇ ਸ਼ੋਅ ’ਚ ਨੇਹਾ ਨੇ ਦੱਸਿਆ, ‘ਰੋਹਨਪ੍ਰੀਤ ਨੇ ਮੈਨੂੰ ਕਿਹਾ ਕਿ ਉਹ ਮੈਨੂੰ ਪਸੰਦ ਕਰਦੇ ਹਨ ਪਰ ਮੈਂ ਸਿਰਫ ਵਿਆਹ ਕਰਨਾ ਚਾਹੁੰਦੀ ਸੀ ਕਿਉਂਕਿ ਮੇਰੀ ਉਮਰ ਵੀ ਵਿਆਹ ਦੀ ਸੀ, ਇਸੇ ਲਈ ਮੈਂ ਡੇਟਿੰਗ ਨਹੀਂ ਵਿਆਹ ਕਰਨਾ ਸੀ। ਫਿਰ ਅਚਾਨਕ ਇਕ ਦਿਨ ਰੋਹਨਪ੍ਰੀਤ ਨੇ ਫੋਨ ਕੀਤਾ ਤੇ ਕਿਹਾ ਕਿ ਨੇਹਾ ਮੈਂ ਤੁਹਾਨੂੰ ਬਿਨਾਂ ਨਹੀਂ ਰਹਿ ਸਕਦਾ ਤੇ ਮੈਂ ਤੁਹਾਡੇ ਨਾਲ ਵਿਆਹ ਕਰਵਾਉਣਾ ਚਾਹੁੰਦਾ ਹਾਂ।’
ਨੋਟ– ਨੇਹਾ ਤੇ ਰੋਹਨ ਦੀ ਜੋੜੀ ਤੁਹਾਨੂੰ ਕਿਵੇਂ ਦੀ ਲੱਗਦੀ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।