ਪ੍ਰੈਗਨੈਂਟ ਨਹੀਂ ਨੇਹਾ ਕੱਕੜ, ਇਸ ਕਾਰਨ ਕੀਤਾ ਬੇਬੀ ਬੰਪ ਫਲਾਂਟ
12/19/2020 2:53:31 PM
ਜਲੰਧਰ (ਬਿਊਰੋ)– ਬਾਲੀਵੁੱਡ ਗਾਇਕਾ ਨੇਹਾ ਕੱਕੜ ਨੇ ਪਤੀ ਰੋਹਨਪ੍ਰੀਤ ਨਾਲ ਬੀਤੇ ਦਿਨੀਂ ਇਕ ਤਸਵੀਰ ਸਾਂਝੀ ਕੀਤੀ ਸੀ। ਇਸ ਤਸਵੀਰ ’ਚ ਨੇਹਾ ਕੱਕੜ ਪ੍ਰੈਗਨੈਂਟ ਨਜ਼ਰ ਆ ਰਹੀ ਹੈ, ਜਿਸ ਤੋਂ ਬਾਅਦ ਇਹ ਅਫਵਾਹਾਂ ਸ਼ੁਰੂ ਹੋ ਗਈਆਂ ਕਿ ਵਿਆਹ ਦੇ 2 ਮਹੀਨਿਆਂ ਬਾਅਦ ਨੇਹਾ ਕੱਕੜ ਗਰਭਵਤੀ ਹੈ ਤੇ ਉਹ ਆਪਣਾ ਬੇਬੀ ਬੰਪ ਫਲਾਂਟ ਕਰ ਰਹੀ ਹੈ। ਹਾਲਾਂਕਿ ਅੱਜ ਨੇਹਾ ਤੇ ਰੋਹਨ ਵਲੋਂ ਇਨ੍ਹਾਂ ਅਫਵਾਹਾਂ ’ਤੇ ਰੋਕ ਲਗਾ ਦਿੱਤੀ ਗਈ ਹੈ।
ਨੇਹਾ ਤੇ ਰੋਹਨ ਨੇ ਆਪਣੇ ਨਵੇਂ ਗੀਤ ‘ਖਿਆਲ ਰੱਖਿਆ ਕਰ’ ਦਾ ਪੋਸਟਰ ਸਾਂਝਾ ਕੀਤਾ ਹੈ, ਜਿਸ ’ਚ ਨੇਹਾ ਪ੍ਰੈਗਨੈਂਟ ਨਜ਼ਰ ਆਵੇਗੀ ਤੇ ਬੇਬੀ ਬੰਪ ਵੀ ਉਸ ਨੇ ਗੀਤ ਲਈ ਫਲਾਂਟ ਕੀਤਾ ਹੈ। ਗੀਤ ਦਾ ਪੋਸਟਰ ਸਾਂਝਾ ਕਰਦਿਆਂ ਨੇਹਾ ਕੱਕੜ ਲਿਖਦੀ ਹੈ, ‘ਖਿਆਲ ਰੱਖਿਆ ਕਰ 22 ਦਸੰਬਰ।’
View this post on InstagramA post shared by Neha Kakkar (Mrs. Singh) (@nehakakkar)
ਦੱਸਣਯੋਗ ਹੈ ਕਿ ਨੇਹਾ ਕੱਕੜ ਤੇ ਰੋਹਨਪ੍ਰੀਤ ਦਾ ਇਹ ਗੀਤ ਬੱਬੂ ਵਲੋਂ ਲਿਖਿਆ ਗਿਆ ਹੈ। ਗੀਤ ਨੂੰ ਮਿਊਜ਼ਿਕ ਰਜਤ ਨਾਗਪਾਲ ਨੇ ਦਿੱਤਾ ਹੈ। ਵੀਡੀਓ ਅਗਮ ਮਾਨ ਤੇ ਅਜ਼ੀਮ ਮਾਨ ਵਲੋਂ ਬਣਾਈ ਗਈ ਹੈ, ਜੋ ਅੰਸ਼ੁਲ ਗਰਗ ਦੀ ਪੇਸ਼ਕਸ਼ ਹੈ। ਯੂਟਿਊਬ ’ਤੇ ਇਹ ਗੀਤ ਦੇਸੀ ਮਿਊਜ਼ਿਕ ਫੈਕਟਰੀ ਦੇ ਬੈਨਰ ਹੇਠ ਰਿਲੀਜ਼ ਹੋਵੇਗਾ।
ਨੇਹਾ ਕੱਕੜ ਤੇ ਰੋਹਨਪ੍ਰੀਤ ਸਿੰਘ ਆਪਣੇ ਵਿਆਹ ਦੇ ਸਮੇਂ ਤੋਂ ਹੀ ਸੁਰਖੀਆਂ ’ਚ ਹਨ। ਦੋਵਾਂ ਦੇ ਵਿਆਹ ਤੋਂ ਲੈ ਕੇ ਉਨ੍ਹਾਂ ਦੇ ਹਨੀਮੂਨ ਤੇ ਕਰਵਾਚੌਥ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋਈਆਂ ਸਨ।
ਨੋਟ– ਨੇਹਾ ਤੇ ਰੋਹਨ ਦੇ ਇਸ ਗੀਤ ਬਾਰੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।