ਮੁਸ਼ਕਿਲ ਸਮੇਂ ''ਚ ਸ਼ਿਲਪਾ ਸ਼ੈੱਟੀ ਦੇ ਹੱਕ ''ਚ ਨਿੱਤਰੇ ਬਾਲੀਵੁੱਡ ਦੇ ਕਈ ਸਿਤਾਰੇ, ਭੈਣ ਸ਼ਮਿਤਾ ਸ਼ੈੱਟੀ ਨੇ ਵੀ ਆਖੀ ਇਹ ਗੱਲ

ਮੁੰਬਈ : ਅਸ਼ਲੀਲ ਫਿਲਮਾਂ ਦੇ ਕਾਰੋਬਾਰ 'ਚ ਸ਼ਾਮਲ ਬਿਜਨੈੱਸਮੈਨ ਰਾਜ ਕੁੰਦਰਾ ਦੀ ਵਜ੍ਹਾ ਨਾਲ ਉਨ੍ਹਾਂ ਦੀ ਪਤਨੀ ਅਤੇ ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਨੂੰ ਕਾਫੀ ਟ੍ਰੋਲ ਕੀਤਾ ਜਾ ਰਿਹਾ ਹੈ।

ਸੋਸ਼ਲ ਮੀਡੀਆ 'ਤੇ ਸ਼ਿਲਪਾ ਲੋਕਾਂ ਦੇ ਨਿਸ਼ਾਨੇ 'ਤੇ ਆ ਗਈ ਹੈ ਹਾਲਾਂਕਿ ਅਜੇ ਤਕ ਇਹ ਸਾਬਤ ਨਹੀਂ ਹੋਇਆ ਹੈ ਰਾਜ ਦੇ ਕਾਰੋਬਾਰ 'ਚ ਸ਼ਿਲਪਾ ਸ਼ੈੱਟੀ ਵੀ ਸ਼ਾਮਲ ਹੈ ਜਾਂ ਨਹੀਂ, ਉਸ ਤੋਂ ਪਹਿਲਾਂ ਹੀ ਲੋਕ ਸ਼ਿਲਪਾ ਦਾ ਬਹੁਤ ਮਜ਼ਾਕ ਉਡਾ ਰਹੇ ਹਨ ਜਿਸ ਨਾਲ ਜ਼ਾਹਰ ਹੈ ਕਿ ਉਹ ਕਾਫੀ ਦੁਖੀ ਹੈ। ਹਾਲਾਂਕਿ ਕੁਝ ਸਿਤਾਰੇ ਹਨ ਜੋ ਹੁਣ ਅਦਾਕਾਰਾ ਦੇ ਸਪੋਰਟ 'ਚ ਆਏ ਹਨ ਤੇ ਉਨ੍ਹਾਂ ਦੀ ਹਿੰਮਤ ਵਧਾ ਰਹੇ ਹਨ।

ਹਾਲ ਹੀ 'ਚ ਸ਼ਿਲਪਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਸ ਕੇਸ ਨੂੰ ਲੈ ਕੇ ਇਕ ਅਧਿਕਾਰਤ ਬਿਆਨ ਜਾਰੀ ਕੀਤਾ ਜਿਸ 'ਚ ਉਨ੍ਹਾਂ ਨੇ ਲੋਕਾਂ ਤੋਂ ਉਨ੍ਹਾਂ ਦੀ ਨਿੱਜਤਾ ਦਾ ਖਿਆਲ ਰੱਖਣ ਦੀ ਗੱਲ ਕਹੀ ਅਤੇ ਮੁੰਬਈ ਪੁਲਸ 'ਤੇ ਭਰੋਸਾ ਜਤਾਇਆ ਹੈ। ਸ਼ਿਲਪਾ ਦਾ ਇਹ ਪੋਸਟ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਦੂਜੇ ਪਾਸੇ ਅਦਾਕਾਰਾ ਦੇ ਇਸ ਪੋਸਟ 'ਤੇ ਕੁਮੈਂਟ ਕਰ ਕੇ ਉਨ੍ਹਾਂ ਦੀ ਭੈਣ ਸ਼ਮਿਤਾ ਸ਼ੈੱਟੀ, ਫੇਮਸ ਸਿੰਗਰ ਮੀਕਾ ਸਿੰਘ, ਅਦਾਕਾਰ ਆਰ.ਮਾਧਵਾਨ, ਟੀਵੀ ਅਦਾਕਾਰਾ ਮਾਹੀ ਵਿਜ ਅਤੇ ਅਨੀਤਾ ਹਸਨੰਦਾਨੀ ਨੇ ਸ਼ਿਲਪਾ ਦੀ ਹਿੰਮਤ ਵਧਾਈ ਹੈ।

ਸ਼ਿਲਪਾ ਦੇ ਪੋਸਟ 'ਤੇ ਕੁਮੈਂਟ ਕਰਦੇ ਹੋਏ ਸ਼ਮਿਤਾ ਨੇ ਲਿਖਿਆ ਆਈ ਲਵ ਯੂ ਮੇਰੀ ਮੁਨਕੀ... ਮੈਂ ਹਮੇਸ਼ਾ ਤੁਹਾਡੇ ਨਾਲ ਹਾਂ। ਇਸ ਕੁਮੈਂਟ ਨਾਲ ਸ਼ਮਿਤਾ ਨੇ ਦਿਲ ਵਾਲੀ ਇਮੋਜੀ ਬਣਾਈ ਹੈ। ਦੂਜੇ ਪਾਸੇ ਆਰ ਮਾਧਵਨ ਨੇ ਕੁਮੈਂਟ ਕਰਦੇ ਹੋਏ ਲਿਖਿਆ ਤੁਸੀਂ ਉਨ੍ਹਾਂ ਲੋਕਾਂ 'ਚ ਸਭ ਤੋਂ ਜ਼ਿਆਦਾ ਬਹਾਦੁਰ ਹੋ ਜਿਨ੍ਹਾਂ ਨੂੰ ਮੈਂ ਜਾਣਦਾ ਹਾਂ। ਮੈਨੂੰ ਪੂਰਾ ਭਰੋਸਾ ਹੈ ਕਿ ਇਸ ਚੁਣੌਤੀ ਨਾਲ ਵੀ ਤੁਸੀਂ ਬਹੁਤ ਮਰਯਾਦਾ ਨਾਲ ਬਾਹਰ ਆ ਜਾਓਗੀ। ਸਾਡੀ ਦੁਆ ਹਮੇਸ਼ਾ ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਨਾਲ ਰਹਿਣਗੀਆਂ। ਦੂਜੇ ਪਾਸੇ ਮਾਹੀ ਵਿਜ ਨੇ ਸ਼ਿਲਪਾ ਨੂੰ ਇਕ ਖੂਬਸੂਰਤ ਮਹਿਲਾ ਦੱਸਿਆ ਹੈ।