ਕੰਗਨਾ ਰਣੌਤ ਨੇ ਕੱਲਿਪ ਸਾਂਝੀ ਕਰਕੇ ਮਹੇਸ਼ ਭੱਟ ’ਤੇ ਕੱਸਿਆ ਤੰਜ, ਕਿਹਾ- ‘ਅਸਲੀ ਨਾਂ ਅਸਲਮ ਹੈ’
09/04/2022 6:14:08 PM
ਨਵੀਂ ਦਿੱਲੀ- ਬਾਲੀਵੁੱਡ ਦੀ ਧਾਕੜ ਅਦਾਕਾਰਾ ਕੰਗਨਾ ਰਣੌਤ ਆਪਣੇ ਬੇਬਾਕ ਬਿਆਨਾਂ ਲਈ ਜਾਣੀ ਜਾਂਦੀ ਹੈ। ਕੰਗਨਾ ਕਿਦੇ ਵੀ ਕਿਸੇ ਲਈ ਆਪਣੇ ਮਨ ਦੀ ਗੱਲ ਕਹਿਣ ਤੋਂ ਪਿੱਛੇ ਨਹੀਂ ਹੱਟਦੀ। ਅਦਾਕਾਰਾ ਜਿਸ ਵਜ੍ਹਾ ਨਾਲ ਅਦਾਕਾਰਾ ਅਕਸਰ ਸੁਰਖੀਆਂ ’ਚ ਬਣੀ ਰਹਿੰਦੀ ਹੈ ਉਹ ਹੈ ਭੱਟ ਪਰਿਵਾਰ ਦੀ ਗੱਲ ਆਉਂਦੀ ਹੈ।
ਇਹ ਵੀ ਪੜ੍ਹੋ : ਮਲਖ਼ਾਨ ਸਿੰਘ ਦੀ ਪਤਨੀ ਦੇ ਸਿਰ ’ਤੇ ਸੀ ਲੱਖਾਂ ਦਾ ਕਰਜ਼ਾ, ਸੌਮਿਆ ਟੰਡਨ ਦੀ ਮਦਦ ਨਾਲ ਚੁਕਾਇਆ ਗਿਆ
ਅਦਾਕਾਰਾ ਨੇ ਇੰਸਟਾਗ੍ਰਾਮ ਸਟੋਰੀ ’ਤੇ ਪੋਸਟ ਸਾਂਝੀਆਂ ਕੀਤੀਆਂ ਹਨ ਜਿਸ ਨੂੰ ਲੈ ਕੇ ਕੰਗਨਾ ਸੁਰਖੀਆਂ ’ਚ ਬਣੀ ਹੋਈ ਹੈ। ਦਰਅਸਲ ਅਦਾਕਾਰਾ ਨੇ ਫ਼ਿਲਮ ਨਿਰਮਾਤਾ ਮਹੇਸ਼ ਭੱਟ ਬਾਰੇ ਇਕ ਕਲਿੱਪ ਸਾਂਝੀਆਂ ਕੀਤੀਆਂ ਹਨ।
ਕੰਗਨਾ ਰਣੌਤ ਨੇ ਪਹਿਲੀ ਕੱਲਿਪ ਸਾਂਝੀ ਕਰਦੇ ਹੋਏ ਲਿਖਿਆ ਕਿ ‘ਮਹੇਸ਼ ਜੀ ਬਹੁਤ ਲਾਪਰਵਾਹੀ ਨਾਲ ਅਤੇ ਪਿਆਰ ਨਾਲ ਲੋਕਾਂ ਨੂੰ ਹਿੰਸਾ ਲਈ ਭੜਕਾਉਂਦੇ ਹਨ।’ ਉਸ ਨੇ ਇਸੇ ਵੀਡੀਓ ਦੀ ਇਕ ਹੋਰ ਕਲਿੱਪ ਸਾਂਝੀ ਕਰਦੇ ਹੋਏ ਲਿਖਿਆ ਕਿ ‘ਮੈਨੂੰ ਦੱਸਿਆ ਗਿਆ ਹੈ ਕਿ ਉਨ੍ਹਾਂ ਦਾ (ਮਹੇਸ਼ ਭੱਟ) ਅਸਲੀ ਨਾਂ ਅਸਲਮ ਹੈ। ਕੰਗਨਾ ਰਣੌਤ ਨੇ 2006 ’ਚ ਫ਼ਿਲਮ ‘ਗੈਂਗਸਟਰ’ ਨਾਲ ਬਾਲੀਵੁੱਡ ’ਚ ਡੈਬਿਊ ਕੀਤਾ, ਜਿਸ ਨੂੰ ਮਹੇਸ਼ ਭੱਟ ਨੇ ਸਪੋਰਟ ਕੀਤਾ ਸੀ।
ਅਦਾਕਾਰਾ ਨੇ ਕੈਪਸ਼ਨ ’ਚ ਅੱਗੇ ਲਿਖਿਆ ਹੈ ਕਿ ‘ਉਸ ਨੇ ਆਪਣੀ ਦੂਜੀ ਪਤਨੀ (ਸੋਨੀ ਰਾਜ਼ਦਾਨ) ਨਾਲ ਵਿਆਹ ਕਰਨ ਲਈ ਧਰਮ ਬਦਲ ਲਿਆ ਸੀ। ਕੰਗਨਾ ਵੱਲੋਂ ਸਾਂਝੀ ਕੀਤੀ ਗਈ ਇਕ ਹੋਰ ਕਲਿੱਪ ਦੇ ਕੈਪਸ਼ਨ ’ਚ ਮਹੇਸ਼ ਦੇ ਨਾਮ ਬਾਰੇ ਇਕ ਬਿਆਨ ਵੀ ਹੈ, ਜਿਸ ’ਚ ਲਿਖਿਆ ਹੈ ਕਿ ‘ਉਸਨੂੰ ਆਪਣਾ ਅਸਲੀ ਨਾਮ ਵਰਤਣਾ ਚਾਹੀਦਾ ਸੀ। ਜਦੋਂ ਉਹ ਧਰਮ ਪਰਿਵਰਤਨ ਕਰ ਲੈਂਦੇ ਹਨ, ਤਾਂ ਉਨ੍ਹਾਂ ਨੂੰ ਕਿਸੇ ਵਿਸ਼ੇਸ਼ ਧਰਮ ਦੀ ਪ੍ਰਤੀਨਿਧਤਾ ਨਹੀਂ ਕਰਨੀ ਚਾਹੀਦੀ।’
ਇਹ ਵੀ ਪੜ੍ਹੋ : ਸ਼ਰਧਾ ਨੇ ਮਨਾਇਆ ਪਿਤਾ ਸ਼ਕਤੀ ਦਾ ਜਨਮਦਿਨ, ਕ੍ਰਾਈਮ ਮਾਸਟਰ ਗੋਗੋ ਥੀਮ ਵਾਲੇ ਕੇਕ ਨੇ ਖਿੱਚਿਆ ਸਭ ਦਾ ਧਿਆਨ
ਕੰਗਨਾ ਨੇ ਸਾਲ 2020 ’ਚ ਮਹੇਸ਼ ’ਤੇ ਕੁੱਟਮਾਰ ਕਰਨ ਦਾ ਦੋਸ਼ ਲਗਾਇਆ ਸੀ । ਜਦੋਂ ਉਨ੍ਹਾਂ ਨੇ ਆਪਣੀ ਧੀ ਅਤੇ ਫ਼ਿਲਮ ਨਿਰਮਾਤਾ-ਅਦਾਕਾਰ ਪੂਜਾ ਭੱਟ ਵੱਲੋਂ ਨਿਰਦੇਸ਼ਿਤ ਫ਼ਿਲਮ ‘ਧੋਖਾ’ ਨੂੰ ਰੱਦ ਕਰ ਦਿੱਤਾ ਸੀ। ਇਸ ਸਾਲ ਦੀ ਸ਼ੁਰੂਆਤ ’ਚ ਕੰਗਨਾ ਨੇ ਆਲੀਆ ਦੀ ਫ਼ਿਲਮ ‘ਗੰਗੂਬਾਈ ਕਾਠੀਆਵਾੜੀ’ ਦੀ ਰਿਲੀਜ਼ ਤੋਂ ਪਹਿਲਾਂ ਮਹੇਸ਼ ਭੱਟ ਅਤੇ ਉਨ੍ਹਾਂ ਦੀ ਧੀ ’ਤੇ ਤੰਜ ਕੱਸੇ ਸੀ।