ਹੁਣ ਕੰਗਨਾ ਰਣੌਤ ਨੇ ਨਰਾਤਿਆਂ 'ਤੇ ਕੀਤਾ ਟਵੀਟ, ਦੱਸਿਆ ਦੇਵੀ ਮਾਂ ਦੀ ਤਸਵੀਰ ਦਾ ਕਿੱਸਾ

ਮੁੰਬਈ (ਬਿਊਰੋ) - ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਰਹਿੰਦੀ ਹੈ। ਹਰ ਮੁੱਦੇ 'ਤੇ ਕੰਗਨਾ ਰਣੌਤ ਆਪਣੀ ਰਾਏ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੀ ਹੈ। ਇਸ ਵਾਰ ਫਿਰ ਅਦਾਕਾਰਾ ਕੰਗਨਾ ਰਣੌਤ ਇੱਕ ਦੇਸੀ ਅੰਦਾਜ਼ 'ਚ ਨਜ਼ਰ ਆਈ ਹੈ। ਹਾਲ ਹੀ 'ਚ ਟਵਿੱਟਰ 'ਤੇ ਨਵਰਾਤਰੀ ਦੇ ਸ਼ੁੱਭ ਮੌਕੇ ਕੰਗਨਾ ਰਣੌਤ ਨੇ ਤਸਵੀਰ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਸ਼ੁਭ ਕਾਮਨਾਵਾਂ ਦਿੱਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਕੰਗਨਾ ਰਣੌਤ ਇੱਕ ਖ਼ੂਬਸੂਰਤ ਸਾੜ੍ਹੀ ਅਤੇ ਕੁਝ ਜਿਊਲਰੀ ਪਾ ਕੇ ਪੂਜਾ ਕਰਦੀ ਨਜ਼ਰ ਆਈ।

ਕੰਗਨਾ ਰਣੌਤ ਨੇ ਟਵੀਟ ਕਰਕੇ ਲਿਖਿਆ ''ਆਪ ਸਭ ਨੂੰ ਨਵਰਾਤਰੀ ਦੀਆਂ ਸ਼ੁਭ ਕਾਮਨਾਵਾਂ, ਇਹ ਛੋਟੀ ਜਿਹੀ ਦੇਵੀ ਮਾਂ ਦੀ ਤਸਵੀਰ ਮੈਨੂੰ ਮੇਰੀ ਮਾਂ ਨੇ ਦਿੱਤੀ ਸੀ, ਜਦੋਂ ਮੈਂ ਆਪਣੇ ਘਰ ਨੂੰ ਛੱਡਿਆ ਸੀ। ਮੈਂ ਬਹੁਤ ਕੁਝ ਖੋਇਆ ਪਰ ਇਹ ਤਸਵੀਰ ਹਮੇਸ਼ਾ ਮੇਰੇ ਨਾਲ ਰਹੀ। ਮੈਨੂੰ ਪੂਰਾ ਵਿਸ਼ਵਾਸ ਸੀ ਕਿ ਇਹ ਹਮੇਸ਼ਾ ਮੇਰੀ ਦੇਖਭਾਲ ਕਰਦੇ ਸੀ। ਨਵਰਾਤਰਿਆਂ 'ਚ ਜੇਕਰ ਤਹਾਨੂੰ ਨਹੀਂ ਪਤਾ ਕਿ ਕਰਨਾ ਹੈ ਤਾਂ ਤੁਸੀਂ ਸਿਰਫ਼ ਆਪਣੀ ਮਾਂ ਦੀ ਪੂਜਾ ਕਰੋ ਤੇ ਉਨ੍ਹਾਂ ਦਾ ਅਸ਼ੀਰਵਾਦ ਲਵੋ।''

ਦੱਸ ਦਈਏ ਕਿ ਕੰਗਨਾ ਰਣੌਤ ਇਨ੍ਹੀਂ ਦਿਨੀਂ ਆਪਣੀਆਂ ਆਉਣ ਵਾਲੀਆਂ ਫ਼ਿਲਮਾਂ ਨੂੰ ਲੈ ਕੇ ਵੀ ਕਾਫ਼ੀ ਸੁਰਖੀਆਂ 'ਚ ਹੈ। ਜਿਥੇ ਹਾਲ ਹੀ 'ਚ ਕੰਗਨਾ ਦੀ ਫ਼ਿਲਮ 'ਥਲਾਈਵੀ' ਰਿਲੀਜ਼ ਹੋਣ ਵਾਲੀ ਸੀ, ਕੋਰੋਨਾ ਕਾਰਨ ਉਹ ਵੀ ਅੱਗੇ ਲਈ ਪੋਸਟਪੋਨ ਹੋ ਗਈ ਹੈ। ਇਸ ਤੋਂ ਇਲਾਵਾ ਕੰਗਨਾ ਆਪਣੀ 'ਧਾਕੜ' ਤੇ 'ਤੇਜਸ' ਫ਼ਿਲਮ ਕਰਕੇ ਵੀ ਚਰਚਾ 'ਚ ਹੈ। 

Wishing everyone happy #GudiPadwa #navratri #NewYear. This little devi picture that I am holding mother gave me when I left home, lost a lot but this stayed with me, I believe she looked after me,Navratris if you don’t know what to do, worship your mother and take her blessings. pic.twitter.com/HfadDOOTSy

— Kangana Ranaut (@KanganaTeam) April 13, 2021