ਬਾਲੀਵੁੱਡ ''ਚ ਪੰਜਾਬੀ ਕਲਾਕਾਰਾਂ ਦੀ ਸਰਦਾਰੀ, ਹੁਣ ਗਾਇਕ ਤੇ ਗੀਤਕਾਰ ਹੈਪੀ ਰਾਏਕੋਟੀ ਦੀ ਹੋਈ ਐਂਟਰੀ

ਚੰਡੀਗੜ੍ਹ (ਬਿਊਰੋ) : ਲਗਾਤਾਰ ਪੰਜਾਬੀ ਕਲਾਕਾਰਾਂ ਦਾ ਬਾਲੀਵੁੱਡ 'ਚ ਐਂਟਰ ਹੋਣਾ ਪੰਜਾਬੀ ਮਿਊਜ਼ਿਕ ਅਤੇ ਫ਼ਿਲਮਾਂ ਦਾ ਮਿਆਰ ਹੋਰ ਵਧਾ ਰਿਹਾ ਹੈ। ਹੁਣ ਤਾਂ ਬਾਲੀਵੁੱਡ ਫ਼ਿਲਮ ਮੇਕਰਸ ਨੂੰ ਵੀ ਅਹਿਸਾਸ ਹੋ ਗਿਆ ਹੈ ਕਿ ਜਦੋਂ ਤੱਕ ਪੰਜਾਬੀ ਕਲਾਕਾਰ ਜਾਂ ਪੰਜਾਬੀ ਟੱਚ ਨੂੰ ਆਪਣੇ ਪ੍ਰੋਜੈਕਟ 'ਚ ਸ਼ਾਮਲ ਨਹੀਂ ਕੀਤਾ ਜਾਂਦਾ, ਉਦੋਂ ਤੱਕ ਇਸ ਦੇ ਹਿੱਟ ਹੋਣ ਦੀ ਉਮੀਦ ਨਾ ਰੱਖੀਏ।

ਪੰਜਾਬੀ ਗਾਇਕ ਤੇ ਗੀਤਕਾਰ ਹੈਪੀ ਰਾਏਕੋਟੀ ਦੀ ਵੀ ਬਾਲੀਵੁੱਡ 'ਚ ਐਂਟਰੀ ਹੋ ਗਈ ਹੈ। ਇਹ ਤਾਂ ਸਾਨੂੰ ਸਭ ਨੂੰ ਪਤਾ ਹੈ ਕਿ ਹੈਪੀ ਰਾਏਕੋਟੀ ਕਿੰਨਾ ਸੋਹਣਾ ਲਿਖਦਾ ਹੈ। ਬੱਸ ਹੈਪੀ ਰਾਏਕੋਟੀ ਦੀ ਇਸੇ ਕਲਮ ਦੀ ਦੀਵਾਨੀ ਬਾਲੀਵੁੱਡ ਇੰਡਸਟਰੀ ਹੋ ਗਈ ਹੈ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Happy Raikoti (ਲਿਖਾਰੀ) (@urshappyraikoti)

ਦੱਸ ਦਈਏ ਕਿ ਅਰਜੁਨ ਕਪੂਰ ਦੀ ਨੈੱਟਫਲਿਕਸ 'ਤੇ ਆਉਣ ਵਾਲੀ ਫ਼ਿਲਮ 'ਸਰਦਾਰ ਕਾ ਗ੍ਰੈਂਡਸਨ' 'ਚ ਹੈਪੀ ਰਾਏਕੋਟੀ ਦਾ ਲਿਖਿਆ ਹੋਇਆ ਗੀਤ ਸੁਣਨ ਨੂੰ ਮਿਲੇਗਾ, ਜਿਸ ਨੂੰ ਗਾਇਆ ਮਿਲਿੰਦ ਗਾਬਾ ਤੇ ਪਲਵੀ ਗਾਬਾ ਨੇ ਹੈ। ਫ਼ਿਲਮ 'ਚ ਇਸ ਗੀਤ 'ਤੇ ਅਰਜੁਨ ਕਪੂਰ, ਰਕੁਲ ਪ੍ਰੀਤ ਸਿੰਘ, ਜੌਨ ਅਬ੍ਰਾਹਮ ਤੇ ਅਦਿੱਤੀ ਰਾਓ ਹੈਦਰੀ ਪਰਫਾਰਮ ਕਰ ਰਹੇ ਹਨ। 

ਦੱਸਣਯੋਗ ਹੈ ਕਿ ਹੈਪੀ ਰਾਏਕੋਟੀ ਦਾ ਲਿਖਿਆ ਗੀਤ 'ਮੈਂ ਤੇਰੀ ਹੋ ਗਈ' ਸਾਲ 2017 'ਚ ਮਿਲਿੰਦ ਦੀ ਹੀ ਆਵਾਜ਼ 'ਚ ਰਿਲੀਜ਼ ਹੋਇਆ ਸੀ। ਫ਼ਿਲਮ 'ਸਰਦਾਰ ਕਾ ਗ੍ਰੈਂਡਸਨ' ਲਈ ਇਸ ਗੀਤ ਨੂੰ ਰਿਕੀਰੀਏਟ ਕੀਤਾ ਗਿਆ ਹੈ। ਇਸ ਗੀਤ ਦਾ ਰਿਕ੍ਰਿਏਸ਼ਨ ਵਰਜ਼ਨ ਤਨਿਸ਼ਕ ਬਾਗਚੀ ਨੇ ਤਿਆਰ ਕੀਤਾ ਹੈ। ਇਸੇ ਫ਼ਿਲਮ ਨਾਲ ਪੰਜਾਬੀ ਗਾਇਕ ਜੱਸ ਮਾਣਕ ਦਾ ਵੀ ਬਾਲੀਵੁੱਡ ਡੈਬਿਊ ਹੋਇਆ ਹੈ। ਜੱਸ ਮਾਣਕ ਦੀ ਆਵਾਜ਼ 'ਚ ਇਸ ਫ਼ਿਲਮ 'ਚ ਗੀਤ ਸ਼ਾਮਲ ਕੀਤਾ ਗਿਆ ਹੈ।