ਵਿਆਹ ਲਈ ਦੀਆ ਮਿਰਜ਼ਾ ਨੇ ਕੀਤੀ ਸੀ ਖ਼ਾਸ ਤਿਆਰੀ ਪਰ ਲਗਾਈ ਸੀ 'ਸਿੰਪਲ ਸਾੜ੍ਹੀ', ਜਾਣੋ ਕਿਉਂ

ਮੁੰਬਈ: ਬਾਲੀਵੁੱਡ ਸਿਤਾਰਿਆਂ ਦੇ ਵਿਆਹ ’ਚ ਹਮੇਸ਼ਾ ਰੌਣਕ ਦੇਖੀ ਗਈ ਸੀ, ਚਾਹੇ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦਾ ਵਿਆਹ ਹੋਵੇ ਜਾਂ ਰਣਵੀਰ-ਦੀਪਿਕਾ ਦਾ। ਬੀ-ਟਾਊਨ ਦੇ ਵਿਆਹ ਹਮੇਸ਼ਾ ਚਰਚਾ ’ਚ ਰਹੇ ਪਰ ਆਪਣੇ ਵੱਖਰੇ ਸਟਾਈਲ ਕਾਰਨ ਵੀ ਪ੍ਰਸ਼ੰਸਕਾਂ ਦੀਆਂ ਨਜ਼ਰਾਂ ’ਚ ਰਹਿੰਦੇ ਹਨ। ਹਾਲ ਹੀ ’ਚ ਅਦਾਕਾਰਾ ਦੀਆ ਮਿਰਜ਼ਾ ਵੀ ਵਿਆਹ ਦੇ ਬੰਧਨ ’ਚ ਬੱਝੀ ਸੀ। ਦੀਆ ਨੇ ਬਿਜ਼ਨੈੱਸਮੈਨ ਵੈਭਵ ਰੇਖੀ ਨਾਲ ਵਿਆਹ ਕੀਤਾ ਹੈ ਅਤੇ ਦੋਵਾਂ ਦਾ ਵਿਆਹ ਸਭ ਤੋਂ ਆਕਰਸ਼ਕ ਬਿੰਦੂ ਸੀ- ਮਹਿਲਾ ਪੰਡਿਤ।

ਦੀਆ ਅਤੇ ਵੈਭਵ ਦੇ ਵਿਆਹ ’ਚ ਜ਼ਿਆਦਾ ਦਿਖਾਵਾ ਨਹੀਂ ਕੀਤਾ ਗਿਆ ਸੀ ਸਗੋਂ ਦੋਵਾਂ ਦੇ ਕਰੀਬੀ ਦੋਸਤਾਂ ਅਤੇ ਪਰਿਵਾਰ ਦੀ ਮੌਜੂਦਗੀ ’ਚ ਵਿਆਹ ਹੋਇਆ ਸੀ। ਅਦਾਕਾਰਾ ਨੇ ਹੁਣ ਇਕ ਹਾਲੀਆ ਇੰਟਰਵਿਊ ’ਚ ਦੱਸਿਆ ਸੀ ਕਿ ਦੋਵਾਂ ਦੇ ਵਿਆਹ ਦਾ ਮੁੱਖ ਉਦੇਸ਼ ਸੀ ਨੋ-ਵੇਸਟ ਸੈਰੇਮਨੀ। ਵਿਆਹ ’ਚ ਦੀਆ ਦੀ ਲਾਲ ਬਨਾਰਸੀ ਸਾੜ੍ਹੀ ਵੀ ਵੱਖਰੀ ਸੀ ਅਤੇ ਜਿਸ ’ਚ ਅਦਾਕਾਰਾ ਬੇਹੱਦ ਖ਼ੂਬਸੂਰਤ ਵੀ ਲੱਗ ਰਹੀ ਸੀ। ਉੱਧਰ ਵੈਭਵ ਰੇਖੀ ਵ੍ਹਾਈਟ ਕੁੜਤੇ-ਪਜ਼ਾਮਾ ਪਹਿਨੇ ਨਜ਼ਰ ਆਏ ਸਨ।

ਇੰਟਰਵਿਊ ’ਚ ਦੀਆ ਮਿਰਜ਼ਾ ਨੇ ਦੱਸਿਆ ਸੀ ਕਿ ਪਿਛਲੀ ਵਾਰ ਮੈਂ ਆਪਣੇ ਸਾਰੇ ਕੱਪੜਿਆਂ ਦੀ ਨੀਲਾਮੀ ਕਰ ਦਿੱਤੀ ਸੀ ਅਤੇ ਇਸ ਵਾਰ ਮੈਂ ਇਹ ਸੁਨਿਸ਼ਚਿਤ ਕੀਤਾ ਕਿ ਅਜਿਹੇ ਕੱਪੜੇ ਵਿਆਹ ਲਈ ਖਰੀਦੇ ਜਾਣ ਜਿਨ੍ਹਾਂ ਨੂੰ ਮੈਂ ਦੁਬਾਰਾ ਵੀ ਪਾ ਸਕਾਂ। ਇਥੇ ਤੱਕ ਕਿ ਮੇਰੇ ਪਤੀ ਵੈਭਵ ਨੇ ਵੀ ਅਜਿਹੇ ਕੱਪੜੇ ਖਰੀਦੇ ਸਨ ਜਿਨ੍ਹਾਂ ਨੂੰ ਉਹ ਜੀਵਨ ਭਰ ਪਹਿਣ ਸਕਦੇ ਸਨ ਬਜਾਏ ਉਨ੍ਹਾਂ ਨੂੰ ਕਪਬੋਰਡ ’ਚ ਲਟਕਾਉਣ ਦੇ। 

ਬਾਲੀਵੁੱਡ ਅਦਾਕਾਰਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਹ ਸੁਨਿਸ਼ਚਿਤ ਕੀਤਾ ਸੀ ਕਿ ਖਾਣਾ ਵੀ ਬਰਬਾਦ ਨਾ ਜਾਵੇ ਕਿਉਂਕਿ ਵਿਆਹ ’ਚ ਚੁਨਿੰਦਾ ਲੋਕਾਂ ਨੂੰ ਹੀ ਸੱਦਾ ਦਿੱਤਾ ਗਿਆ ਸੀ ਤਾਂ ਉਨ੍ਹਾਂ ਨੇ ਪਹਿਲੇ ਹੀ ਅੰਦਾਜ਼ਾ ਲਗਾ ਲਿਆ ਸੀ ਕਿ ਕੌਣ ਸ਼ਾਕਹਾਰੀ ਹੈ ਕੌਣ ਮਾਸਾਹਾਰੀ ਭੋਜਨ ਖਾਏਗਾ। ਦੀਆ ਨੇ ਕਿਹਾ ਕਿ ਸਾਨੂੰ ਇਹ ਪੂਰੀ ਤਰ੍ਹਾਂ ਪਤਾ ਸੀ ਕਿ ਕੌਣ ਮਾਸਾਹਾਰੀ ਹੈ ਅਤੇ ਕੌਣ ਸ਼ਾਕਾਹਾਰੀ। ਅਸੀਂ ਉਸੇ ਹਿਸਾਬ ਨਾਲ ਖਾਣੇ ਦਾ ਅਰੇਂਜ ਕੀਤਾ ਸੀ। ਅਸੀਂ ਇਸ ਨੂੰ ਸੁਨਿਸ਼ਚਿਤ ਕੀਤਾ ਕਿ ਖਾਣਾ ਕਿਸੇ ਵੀ ਤਰ੍ਹਾਂ ਬਰਬਾਦ ਨਹੀਂ ਹੋਣਾ ਚਾਹੀਦਾ।  

ਤੁਹਾਨੂੰ ਦੱਸ ਦੇਈਏ ਕਿ ਦੀਆ ਮਿਰਜ਼ਾ ਨੇ 15 ਫਰਵਰੀ ਨੂੰ ਵੈਭਵ ਰੇਖੀ ਨਾਲ ਵਿਆਹ ਕੀਤਾ ਸੀ ਅਤੇ 1 ਅਪ੍ਰੈਲ ਨੂੰ ਉਸ ਨੇ ਗਰਭਵਤੀ ਹੋਣ ਦੀ ਜਾਣਕਾਰੀ ਸੋਸ਼ਲ ਮੀਡੀਆ ’ਤੇ ਦਿੱਤੀ ਸੀ। ਹਾਲੇ ਪ੍ਰਸ਼ੰਸਕ ਦੀਆ ਤੋਂ ਉਨ੍ਹਾਂ ਦੇ ਅਗਲੇ ਪ੍ਰਾਜੈਕਟਸ ’ਤੇ ਪੁੱਛ ਰਹੇ ਹਨ ਪਰ ਫਿਲਹਾਲ ਅਦਾਕਾਰਾ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਹੀ ਪੂਰਾ ਸਮਾਂ ਦੇ ਰਹੀ ਹੈ। ਹਾਲ ਹੀ ’ਚ ਜੋੜਾ ਮਾਲਦੀਵ ’ਚ ਛੁੱਟੀਆਂ ’ਤੇ ਗਿਆ ਹੋਇਆ ਸੀ।