ਗਰਲਫਰੈਂਡ ਮਲਾਇਕਾ ਅਰੋੜਾ ਦੇ ਗੁਆਂਢੀ ਬਣੇ ਅਰਜੁਨ ਕਪੂਰ, ਖਰੀਦਿਆ ਇੰਨੇ ਕਰੋੜ ਦਾ ਘਰ

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਨੇ ਹਾਲ ਹੀ ’ਚ ਬੇਹੱਦ ਮਹਿੰਗੀ ਤੇ ਸ਼ਾਨਦਾਰ ਕਾਰ ਖਰੀਦੀ ਸੀ। ਹੁਣ ਖ਼ਬਰ ਹੈ ਕਿ ਅਰਜੁਨ ਨੇ ਬਾਂਦਰਾ ’ਚ ਗਰਲਫਰੈਂਡ ਮਲਾਇਕਾ ਅਰੋੜਾ ਦੇ ਘਰ ਨਜ਼ਦੀਕ ਇਕ ਲਗਜ਼ਰੀ ਪ੍ਰਾਪਰਟੀ ਖਰੀਦੀ ਹੈ। ਇਸ ਪ੍ਰਾਪਰਟੀ ਦੀ ਕੀਮਤ 20 ਤੋਂ 23 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ।

ਖ਼ਬਰਾਂ ਮੁਤਾਬਕ ਅਰਜੁਨ ਕਪੂਰ ਨੇ ਬਾਂਦਰਾ ’ਚ ਇਕ ਸੀ-ਫੇਸਿੰਗ ਘਰ ਲਿਆ ਹੈ। ਉਸ ਦਾ ਇਹ ਘਰ ਮਲਾਇਕਾ ਦੇ ਘਰ ਦੇ ਨਜ਼ਦੀਕ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਰਜੁਨ ਦਾ ਇਹ ਨਵਾਂ ਘਰ ਬਾਂਦਰਾ ਦੇ 81 Aureate ’ਚ 26ਵੀਂ ਮੰਜ਼ਿਲ ’ਤੇ ਹੈ।

ਅਰਜੁਨ ਦੇ ਇਸ ਨਵੇਂ 4 ਬੀ. ਐੱਚ. ਕੇ. ਘਰ ਦੀ ਕੀਮਤ 20-23 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਅਰਜੁਨ ਦੇ ਇਸ ਨਵੇਂ ਘਰ ਨਜ਼ਦੀਕ ਸਿਰਫ ਮਲਾਇਕਾ ਹੀ ਨਹੀਂ, ਸਗੋਂ ਸ਼ਾਹਰੁਖ ਖ਼ਾਨ, ਸਲਮਾਨ ਖ਼ਾਨ, ਰਣਬੀਰ ਕਪੂਰ, ਕਰੀਨਾ ਕਪੂਰ ਸਮੇਤ ਕਈ ਹੋਰ ਸਿਤਾਰੇ ਵੀ ਰਹਿੰਦੇ ਹਨ।

ਪਿਛਲੇ ਦਿਨੀਂ ਅਰਜੁਨ ਨੇ ਆਪਣੇ ਲਈ ਲੈਂਡ ਰੋਵਰ ਡਿਫੈਂਡਰ ਖਰੀਦੀ ਸੀ। ਉਸ ਨੂੰ ਆਪਣੀ ਨਵੀਂ ਗੱਡੀ ’ਚ ਰਾਈਡ ਲੈਂਦੇ ਦੇਖਿਆ ਗਿਆ ਸੀ। ਇਸ ਗੱਡੀ ਦੀ ਕੀਮਤ 1 ਕਰੋੜ ਰੁਪਏ ਤੋਂ ਵੱਧ ਹੈ। ਗੱਡੀ ਨਾਲ ਅਰਜੁਨ ਦੀਆਂ ਤਸਵੀਰਾਂ ਕਾਫੀ ਵਾਇਰਲ ਹੋਈਆਂ ਸਨ।

ਹੁਣ ਨਵੇਂ ਘਰ ’ਚ ਅਰਜੁਨ ਕਦੋਂ ਸ਼ਿਫਟ ਹੋਣਗੇ, ਇਹ ਤਾਂ ਆਉਣ ਵਾਲੇ ਸਮੇਂ ’ਚ ਹੀ ਪਤਾ ਲੱਗੇਗਾ ਪਰ ਹੁਣ ਅਰਜੁਨ ਮਲਾਇਕਾ ਦੇ ਨਜ਼ਦੀਕ ਰਹਿਣਗੇ, ਇਸ ’ਚ ਕੋਈ ਸ਼ੱਕ ਨਹੀਂ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।