ਵਿੱਤੀ ਸਾਲ 2021-22 ''ਚ ਵਿਆਜ ਦਰਾਂ ਨਹੀਂ ਬਦਲੇਗਾ RBI : ਫਿਚ
04/11/2021 10:09:11 AM
ਨਵੀਂ ਦਿੱਲੀ- ਫਿਚ ਸਲਿਊਸ਼ਨਸ ਦਾ ਮੰਨਣਾ ਹੈ ਕਿ ਭਾਰਤੀ ਰਿਜ਼ਰਵ ਬੈਂਕ ਦੇ ਇਕ ਲੱਖ ਕਰੋੜ ਰੁਪਏ ਦੀ ਸਰਕਾਰੀ ਸਕਿਓਰਿਟੀਜ਼ ਦੀ ਖ਼ਰੀਦ ਕਰਨ ਦੇ ਫ਼ੈਸਲੇ ਤੋਂ ਲੱਗਦਾ ਹੈ ਕਿ ਚਾਲੂ ਵਿੱਤੀ ਸਾਲ ਦੌਰਾਨ ਬੈਂਕ ਮੁੱਖ ਨੀਤੀਗਤ ਦਰ ਵਿਚ ਕੋਈ ਬਦਲਾਅ ਨਹੀਂ ਕਰੇਗਾ। ਮਾਰਚ 2022 ਨੂੰ ਸਮਾਪਤ ਹੋਣ ਵਾਲੇ ਵਿੱਤੀ ਸਾਲ ਵਿਚ ਵਿਆਜ ਦਰਾਂ ਵਿਚ ਤਬਦੀਲੀ ਹੋਣ ਦੀ ਸੰਭਾਵਨਾ ਨਹੀਂ ਹੈ।
ਫਿਚ ਦਾ ਕਹਿਣਾ ਹੈ ਕਿ ਸਾਨੂੰ ਸ਼ੁਰੂਆਤ ਵਿਚ ਇਹ ਲੱਗਾ ਸੀ ਕਿ ਫਰਵਰੀ ਵਿਚ ਬਜਟ ਦੀ ਘੋਸ਼ਣਾ ਤੋਂ ਬਾਅਦ ਸਰਕਾਰੀ ਬਾਂਡ ਯੀਲਡ ਵਿਚ ਤੇਜ਼ੀ ਨੂੰ ਰੋਕਣ ਲਈ ਨੀਤੀਗਤ ਦਰ ਵਿਚ ਇਕ ਹੋਰ ਕਟੌਤੀ ਜਾ ਸਕਦੀ ਹੈ।
ਫਿਚ ਸਲਿਊਸ਼ਨਸ ਨੇ ਕਿਹਾ ਕਿ ਅਸੀਂ ਆਪਣੇ ਪਿਛਲੇ ਅਨੁਮਾਨ ਨੂੰ ਸੋਧ ਕਰਦੇ ਹੋਏ ਇਹ ਕਹਿੰਦੇ ਹਾਂ ਕਿ ਰਿਜ਼ਰਵ ਬੈਂਕ ਵਿੱਤੀ ਸਾਲ 2021-22 ਦੌਰਾਨ ਚਾਰ ਫ਼ੀਸਦੀ ਦੇ ਪੱਧਰ 'ਤੇ ਸਥਿਰ ਰੱਖੇਗਾ। ਇਸ ਤੋਂ ਪਹਿਲਾਂ ਅਸੀਂ ਸਾਲ ਦੌਰਾਨ 0.25 ਫ਼ੀਸਦੀ ਕਟੌਤੀ ਦਾ ਅਨੁਮਾਨ ਲਾਇਆ ਸੀ। ਇਸ ਦੇ ਨਾਲ ਹੀ ਚਾਲੂ ਵਿੱਤੀ ਸਾਲ ਦੌਰਾਨ ਮਹਿੰਗਾਈ ਦੇ ਅਨੁਮਾਨ ਨੂੰ ਵੀ ਸੋਧ ਕਰਕੇ ਔਸਤ ਪੰਜ ਫ਼ੀਸਦੀ ਕਰਦੇ ਹਾਂ, ਜੋ ਪਹਿਲਾਂ 4.6 ਫ਼ੀਸਦੀ ਰਹਿਣ ਦਾ ਅਨੁਮਾਨ ਸੀ।