Vastu Tips: ਤੁਲਸੀ ਦੇ ਪੱਤਿਆਂ ਦੇ ਇਸ ਉਪਾਅ ਨਾਲ ਕਦੇ ਨਹੀਂ ਹੁੰਦੀ ਪੈਸੇ ਦੀ ਕਮੀ

ਨਵੀਂ ਦਿੱਲੀ- ਹਿੰਦੂ ਧਰਮ 'ਚ ਤੁਲਸੀ ਦੇ ਪੌਦੇ ਨੂੰ ਬਹੁਤ ਹੀ ਪੂਜਨਯੋਗ ਅਤੇ ਪਵਿੱਤਰ ਮੰਨਿਆ ਜਾਂਦਾ ਹੈ। ਧਾਰਮਿਕ ਸ਼ਾਸਤਰਾਂ 'ਚ ਤੁਲਸੀ ਨੂੰ ਦੇਵੀ ਲਕਸ਼ਮੀ ਦਾ ਰੂਪ ਮੰਨਿਆ ਗਿਆ ਹੈ। ਭਗਵਾਨ ਵਿਸ਼ਨੂੰ ਨੂੰ ਤੁਲਸੀ ਬਹੁਤ ਪਿਆਰੀ ਹੈ। ਇਸ ਕਾਰਨ ਤੁਲਸੀ ਦਾ ਦੂਜਾ ਨਾਮ ਵੀ ਹਰੀ ਪ੍ਰਿਆ ਹੈ। ਘਰ ਦੇ ਵਿਹੜੇ 'ਚ ਤੁਲਸੀ ਲਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ। ਅਜਿਹੀ ਮਾਨਤਾ ਹੈ ਕਿ ਜਿਨ੍ਹਾਂ ਘਰਾਂ 'ਚ ਤੁਲਸੀ ਦਾ ਬੂਟਾ ਲੱਗਿਆ ਹੁੰਦਾ ਹੈ ਅਤੇ ਹਰ ਰੋਜ਼ ਪਾਣੀ ਨਾਲ ਪੂਜਾ ਕੀਤੀ ਜਾਂਦੀ ਹੈ ਅਤੇ ਸ਼ਾਮ ਨੂੰ ਘਿਓ ਦੇ ਦੀਵੇ ਜਗਾਉਣ ਨਾਲ ਉੱਥੇ ਮਾਂ ਲਕਸ਼ਮੀ ਦੀ ਕਿਰਪਾ ਬਣੀ ਰਹਿੰਦੀ ਹੈ। ਭਗਵਾਨ ਵਿਸ਼ਨੂੰ ਤੋਂ ਇਲਾਵਾ ਤੁਲਸੀ ਭਗਵਾਨ ਕ੍ਰਿਸ਼ਨ ਅਤੇ ਹਨੂੰਮਾਨ ਜੀ ਨੂੰ ਬਹੁਤ ਪਿਆਰੀ ਹੈ। ਤੁਲਸੀ ਦੀਆਂ ਪੱਤੀਆਂ 'ਚ ਕਈ ਔਸ਼ਧੀ ਗੁਣ ਹੁੰਦੇ ਹਨ। ਤੁਲਸੀ ਦੇ ਪੌਦੇ 'ਚ ਐਂਟੀ-ਬੈਕਟੀਰੀਅਲ, ਐਂਟੀ-ਫੰਗਲ ਅਤੇ ਐਂਟੀ-ਬਾਇਓਟਿਕ ਗੁਣ ਹੁੰਦੇ ਹਨ ਜੋ ਸਰੀਰ ਨੂੰ ਇੰਫੈਕਸ਼ਨ ਨਾਲ ਲੜਨ ਦੇ ਯੋਗ ਬਣਾਉਂਦੇ ਹਨ। ਛੂਤ ਦੀਆਂ ਬੀਮਾਰੀਆਂ ਦੀ ਰੋਕਥਾਮ ਲਈ ਤੁਲਸੀ ਦਾ ਸੇਵਨ ਬਹੁਤ ਕਾਰਗਰ ਉਪਾਅ ਹੈ। ਇਸ ਦੇ ਨਾਲ ਹੀ ਵਾਸਤੂ ਨੁਕਸ ਨੂੰ ਦੂਰ ਕਰਨ, ਧਨ ਪ੍ਰਾਪਤੀ ਅਤੇ ਜੀਵਨ 'ਚ ਸੁੱਖ ਅਤੇ ਖੁਸ਼ਹਾਲੀ ਪ੍ਰਾਪਤ ਕਰਨ ਲਈ ਤੁਲਸੀ ਦੇ ਪੱਤਿਆਂ ਦਾ ਉਪਾਅ ਅਪਣਾਇਆ ਜਾਂਦਾ ਹੈ।
ਤੁਲਸੀ ਦਾ ਬੂਟਾ ਅਤੇ ਪੈਸੇ ਕਮਾਉਣ ਦੇ ਤਰੀਕੇ
-ਵਾਸਤੂ ਦੇ ਅਨੁਸਾਰ ਘਰ 'ਚ ਸੁੱਖ-ਸ਼ਾਂਤੀ ਅਤੇ ਖੁਸ਼ਹਾਲੀ ਲਈ ਤੁਲਸੀ ਦਾ ਪੌਦਾ ਉੱਤਰ, ਉੱਤਰ-ਪੂਰਬ ਜਾਂ ਪੂਰਬ ਦਿਸ਼ਾ 'ਚ ਲਗਾਉਣਾ ਚਾਹੀਦਾ ਹੈ। ਇਨ੍ਹਾਂ ਦਿਸ਼ਾਵਾਂ 'ਚ ਤੁਲਸੀ ਦਾ ਪੌਦਾ ਲਗਾਉਣ ਨਾਲ ਘਰ 'ਚ ਸਕਾਰਾਤਮਕ ਊਰਜਾ ਪੈਦਾ ਹੁੰਦੀ ਹੈ।
-ਜੇਕਰ ਤੁਹਾਡੇ ਘਰ 'ਚ ਪਰਿਵਾਰਕ ਮੈਂਬਰਾਂ ਵਿਚਾਲੇ ਅਕਸਰ ਲੜਾਈ-ਝਗੜੇ ਅਤੇ ਪਰਿਵਾਰਿਕ ਕਲੇਸ਼ ਹੁੰਦਾ ਹੈ ਤਾਂ ਤੁਲਸੀ ਦੇ ਪੌਦੇ ਨੂੰ ਰੋਜ਼ਾਨਾ ਪਾਣੀ ਦੇਣਾ ਚਾਹੀਦਾ ਹੈ। ਇਸ ਉਪਾਅ ਨਾਲ ਘਰ 'ਚ ਕਲੇਸ਼ ਦੂਰ ਹੁੰਦਾ ਹੈ।
-ਧਨ ਲਾਭ ਲਈ ਸਵੇਰੇ ਉੱਠ ਕੇ ਤੁਲਸੀ ਦੀਆਂ 11 ਪੱਤੀਆਂ ਤੋੜ ਲਓ। ਇਨ੍ਹਾਂ ਪੱਤੀਆਂ ਨੂੰ ਤੋੜਨ ਤੋਂ ਪਹਿਲਾਂ ਤੁਲਸੀ ਮਾਂ ਤੋਂ ਹੱਥ ਜੋੜ ਕੇ ਮਾਫੀ ਮੰਗੋ ਅਤੇ ਇਸ ਤੋਂ ਬਾਅਦ ਹੀ ਇਨ੍ਹਾਂ ਨੂੰ ਤੋੜੋ। ਇਨ੍ਹਾਂ ਪੱਤੀਆਂ ਨੂੰ ਘਰ ਦੇ ਉਸ ਭਾਂਡੇ 'ਚ ਰੱਖੋ ਜਿੱਥੇ ਤੁਸੀਂ ਆਟਾ ਰੱਖਦੇ ਹੋ।
-ਨੌਕਰੀ ਅਤੇ ਕਾਰੋਬਾਰ 'ਚ ਤਰੱਕੀ ਲਈ ਵੀਰਵਾਰ ਨੂੰ ਤੁਲਸੀ ਦੇ ਪੌਦੇ ਨੂੰ ਪੀਲੇ ਕੱਪੜੇ 'ਚ ਬੰਨ੍ਹ ਕੇ ਦਫਤਰ ਜਾਂ ਦੁਕਾਨ 'ਚ ਰੱਖੋ। ਅਜਿਹਾ ਕਰਨ ਨਾਲ ਵਪਾਰ ਵਧੇਗਾ ਅਤੇ ਨੌਕਰੀ 'ਚ ਤਰੱਕੀ ਹੋਵੇਗੀ।
-ਵਾਸਤੂ ਦੀ ਮਾਨਤਾ ਦੇ ਅਨੁਸਾਰ ਜਿਨ੍ਹਾਂ ਘਰਾਂ 'ਚ ਤੁਲਸੀ ਦਾ ਬੂਟਾ ਲੱਗਿਆ ਹੋਇਆ ਹੁੰਦਾ ਹੈ ਉੱਥੇ ਵਾਸਤੂ ਸੰਬੰਧੀ ਕੋਈ ਦੋਸ਼ ਨਹੀਂ ਹੁੰਦਾ ਹੈ।
-ਮੰਗਲਵਾਰ ਦਾ ਦਿਨ ਹਨੂੰਮਾਨ ਜੀ ਦੀ ਪੂਜਾ ਲਈ ਸਭ ਤੋਂ ਚੰਗਾ ਦਿਨ ਮੰਨਿਆ ਜਾਂਦਾ ਹੈ। ਮੰਗਲਵਾਰ ਨੂੰ ਹਨੂੰਮਾਨ ਜੀ ਦੀ ਪੂਜਾ ਕਰਕੇ ਉਨ੍ਹਾਂ ਨੂੰ ਬੂੰਦੀ ਦੀ ਮਠਿਆਈ ਅਤੇ ਤੁਲਸੀ ਦੀ ਮਾਲਾ ਚੜ੍ਹਾਉਣ ਨਾਲ ਵਿਅਕਤੀ ਨੂੰ ਧਨ ਦੀ ਪ੍ਰਾਪਤੀ ਹੁੰਦੀ ਹੈ।
- ਵਾਰ-ਵਾਰ ਕੋਸ਼ਿਸ਼ ਕਰਨ 'ਤੇ ਵੀ ਤੁਹਾਡਾ ਕੋਈ ਕੰਮ ਨਹੀਂ ਹੋ ਰਿਹਾ ਹੈ ਤਾਂ ਇਸ ਮੰਗਲਵਾਰ ਅਤੇ ਸ਼ਾਮ ਨੂੰ ਤੁਲਸੀ ਦੇ ਪੌਦੇ ਦੀ ਵਿਸ਼ੇਸ਼ ਪੂਜਾ ਕਰੋ ਅਤੇ ਘਿਓ ਦੇ ਦੀਵੇ ਜਗਾਓ।