ਗੰਗਾ ਦੁਸਹਿਰਾ 2021: ਜਾਣੋ ਸ਼ੁੱਭ ਮਹੂਰਤ, ਪੂਜਾ ਦਾ ਤਰੀਕਾ ਅਤੇ ਮਹੱਤਤਾ ਬਾਰੇ
06/13/2021 4:33:16 PM
ਨਵੀਂ ਦਿੱਲੀ - ਹਿੰਦੂ ਧਰਮ ਵਿਚ ਗੰਗਾ ਨਦੀ ਨੂੰ ਮਾਂ ਦਾ ਦਰਜਾ ਦਿੱਤਾ ਗਿਆ ਹੈ। ਗੰਗਾਜਲ ਇੰਨਾ ਪਵਿੱਤਰ ਹੁੰਦਾ ਹੈ ਕਿ ਇਸ ਦੀ ਵਰਤੋਂ ਹਰ ਸ਼ੁੱਭ ਕੰਮ ਜਿਵੇਂ ਕਿਸੇ ਪੂਜਾ, ਯੱਗ, ਹਵਨ ਆਦਿ ਵਿਚ ਕੀਤੀ ਜਾਂਦੀ ਹੈ। ਗੰਗਾ ਦੁਸਹਿਰੇ ਵਾਲੇ ਦਿਨ ਸ਼ਰਧਾਲੂ ਵਰਤ ਰੱਖਦੇ ਹਨ ਅਤੇ ਮਾਂ ਗੰਗਾ ਦੀ ਪੂਜਾ ਕਰਦੇ ਹਨ। ਇਸ ਦਿਨ ਗੰਗਾ ਨਦੀ ਵਿਚ ਨਹਾਉਣ ਦੀ ਵਿਸ਼ੇਸ਼ ਮਹੱਤਤਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਗੰਗਾ ਨਦੀ ਵਿਚ ਇਸ਼ਨਾਨ ਕਰਨ ਨਾਲ ਵਿਅਕਤੀ ਦੇ ਸਾਰੇ ਪਾਪ ਧੋਤੇ ਜਾਂਦੇ ਹਨ। ਹਿੰਦੂ ਪੰਚਾਂਗ ਅਨੁਸਾਰ ਗੰਗਾ ਦੁਸਹਿਰੇ ਦਾ ਤਿਉਹਾਰ ਹਰ ਸਾਲ ਜੇਠ ਮਹੀਨੇ ਦੇ ਸ਼ੁਕਲਾ ਪੱਖ ਦੇ ਦਸਵੇਂ ਦਿਨ ਮਨਾਇਆ ਜਾਂਦਾ ਹੈ।
ਇਸ ਵਾਰ ਗੰਗਾ ਦੁਸਹਿਰੇ ਦਾ ਵਿਸ਼ੇਸ਼ ਤਿਉਹਾਰ 20 ਜੂਨ 2021 ਨੂੰ ਹੈ। ਇਸ ਦਿਨ ਮਾਂ ਗੰਗਾ ਦੀ ਪੂਜਾ ਕੀਤੀ ਜਾਂਦੀ ਹੈ। ਖ਼ਾਸਕਰ ਗੰਗਾ ਵਿਚ ਇਸ਼ਨਾਨ ਕਰਨ ਅਤੇ ਦਾਨ ਕਰਨ ਨਾਲ ਮਨੁੱਖ ਨੂੰ ਸਾਰੇ ਤੀਰਥ ਅਸਥਾਨਾਂ ਦਾ ਫਲ ਪ੍ਰਾਪਤ ਹੁੰਦਾ ਹੈ। ਕਥਾ ਅਨੁਸਾਰ ਗੰਗਾ ਦੁਸਹਿਰੇ ਦੇ ਦਿਨ ਮਾਂ ਗੰਗਾ ਧਰਤੀ ਉੱਤੇ ਉਤਰੇ ਸਨ। ਆਓ ਜਾਣਦੇ ਹਾਂ ਗੰਗਾ ਦੁਸਹਿਰੇ ਲਈ ਸ਼ੁਭ ਸਮੇਂ, ਪੂਜਾ ਵਿਧੀ ਅਤੇ ਗੰਗਾ ਦੁਸਹਿਰੇ ਦੇ ਮਹੱਤਵ ਬਾਰੇ।
ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ! 815 ਰੁਪਏ ਵਾਲਾ ਗੈਸ ਸਿਲੰਡਰ ਖ਼ਰੀਦੋ ਸਿਰਫ਼ 15 ਰੁਪਏ ਵਿਚ, ਜਾਣੋ ਕਿਵੇਂ
ਗੰਗਾ ਦੁਸਹਿਰੇ ਦਾ ਸ਼ੁਭ ਸਮਾਂ
ਜੈਸ਼ਠ ਮਹੀਨੇ ਦੀ ਦਸਮੀ ਤਾਰੀਖ ਤੋਂ ਸ਼ੁਰੂ ਹੁੰਦਾ ਹੈ - 19 ਜੂਨ 2021 ਸ਼ਨੀਵਾਰ ਸ਼ਾਮ 06.50 ਵਜੇ ਤੋਂ
ਜੈਸ਼ਠਾ ਮਹੀਨੇ ਦੀ ਦਸਮੀ ਤਾਰੀਖ ਸਮਾਪਤੀ - 20 ਜੂਨ 2021 ਨੂੰ ਐਤਵਾਰ ਸ਼ਾਮ ਨੂੰ 04:25 ਵਜੇ ਤੱਕ
ਗੰਗਾ ਦੁਸਹਿਰੇ ਦੀ ਪੂਜਾ ਦੀ ਵਿਧੀ
ਗੰਗਾ ਦੁਸਹਿਰੇ ਵਾਲੇ ਦਿਨ ਸਵੇਰੇ ਉੱਠ ਕੇ ਗੰਗਾ ਨਦੀ ਵਿਚ ਇਸ਼ਨਾਨ ਕਰਨਾ ਚਾਹੀਦਾ ਹੈ। ਹਾਲਾਂਕਿ ਇਸ ਸਾਲ ਕੋਰੋਨਾ ਦੇ ਮੱਦੇਨਜ਼ਰ ਗੰਗਾਜਲ ਨੂੰ ਨਹਾਉਣ ਵਾਲੇ ਪਾਣੀ ਵਿਚ ਮਿਲਾ ਕੇ ਨਹਾਇਆ ਜਾ ਸਕਦਾ ਹੈ।
ਇਸ਼ਨਾਨ ਤੋਂ ਬਾਅਦ ਸੂਰਜ ਦੇਵ ਨੂੰ ਅਰਧਿਆ ਭੇਟ ਕਰੋ।
ਇਸ ਤੋਂ ਬਾਅਦ ਮਾਂ ਗੰਗਾ ਦਾ ਸਿਮਰਨ ਕਰਦਿਆਂ ਗੰਗਾ ਮੰਤਰਾਂ ਦਾ ਜਾਪ ਕਰੋ
ਪੂਜਾ ਅਤੇ ਜਾਪ ਕਰਨ ਤੋਂ ਬਾਅਦ ਮਾਂ ਗੰਗਾ ਦੀ ਆਰਤੀ ਕਰੋ ਅਤੇ ਲੋੜਵੰਦ ਲੋਕਾਂ ਨੂੰ ਆਪਣੀ ਯੋਗਤਾ ਅਨੁਸਾਰ ਦਾਨ ਕਰੋ।
ਇਹ ਵੀ ਪੜ੍ਹੋ : ਘਰ 'ਚ ਆ ਰਹੀਆਂ ਹਨ ਇਹ ਪਰੇਸ਼ਾਨੀਆਂ, ਤਾਂ ਸਮਝੋ ਕਿ ਨਕਾਰਾਤਮਕ ਊਰਜਾ ਦਾ ਹੋ ਚੁੱਕੈ ਪ੍ਰਵੇਸ਼
ਗੰਗਾ ਦੁਸਹਿਰੇ ਦੀ ਮਹੱਤਤਾ
ਇਹ ਦਿਨ ਗੰਗਾ ਜੈਅੰਤੀ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਖ਼ਾਸ ਦਿਨ ਗੰਗਾ ਨਦੀ ਵਿਚ ਇਸ਼ਨਾਨ ਕਰਨ ਅਤੇ ਦਾਨ ਕਰਨ ਨਾਲ ਬਹੁਤ ਸਾਰੇ ਵੱਡੇ ਯੱਗ ਦਾ ਫਲ ਪ੍ਰਾਪਤ ਹੁੰਦਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਗੰਗਾ ਨਦੀ ਵਿਚ ਇਸ਼ਨਾਨ ਕਰਨ ਨਾਲ ਸਾਰੇ ਪਾਪ ਖਤਮ ਹੋ ਜਾਂਦੇ ਹਨ ਅਤੇ ਵਿਅਕਤੀ ਮੁਕਤੀ ਪ੍ਰਾਪਤ ਕਰਦਾ ਹੈ। ਇਸ ਤੋਂ ਇਲਾਵਾ ਹੱਥ ਵਾਲਾ ਪੱਖਾ, ਮਟਕਾ ਅਤੇ ਸੱਤੂ ਦਾਨ ਕਰਨਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਚੰਗੀ ਕਿਸਮਤ ਨੂੰ ਮਾੜੀ ਕਿਸਮਤੀ 'ਚ ਬਦਲ ਸਕਦੇ ਹਨ ਕਿਸੇ ਵਿਅਕਤੀ ਵਲੋਂ ਕੀਤੇ ਗਏ ਇਹ ਕੰਮ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।