ਕਿਉਂ ਡਿੱਗੀ ਸੋਨੇ ਦੀ ਕੀਮਤ, WGC ਨੇ ਦੱਸੀ ਵਜ੍ਹਾ
09/10/2021 3:09:25 PM
ਨਵੀਂ ਦਿੱਲੀ - ਪਿਛਲੇ ਮਹੀਨੇ ਸੋਨੇ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਆਈ ਸੀ। 9 ਅਗਸਤ ਨੂੰ ਏਸ਼ੀਆਈ ਬਾਜ਼ਾਰਾਂ ਵਿੱਚ ਵਪਾਰ ਦੌਰਾਨ ਸੋਨਾ 15 ਮਿੰਟਾਂ ਵਿੱਚ ਹੀ 4 ਫੀਸਦੀ ਡਿੱਗ ਕੇ 1,700 ਡਾਲਰ ਪ੍ਰਤੀ ਔਂਸ ਤੋਂ ਹੇਠਾਂ ਆ ਗਿਆ। ਵਰਲਡ ਗੋਲਡ ਕੌਂਸਲ (ਡਬਲਯੂ.ਜੀ.ਸੀ.) ਨੇ ਆਪਣੀ ਨਵੀਂ ਰਿਪੋਰਟ ਵਿੱਚ ਇਸ ਦੇ ਪਿੱਛੇ ਕੁਝ ਕਾਰਨ ਦੱਸੇ ਹਨ।
6 ਅਗਸਤ ਨੂੰ ਯੂ.ਐਸ. ਰੁਜ਼ਗਾਰ ਦੇ ਅੰਕੜਿਆਂ ਦੇ ਚੰਗੇ ਸੰਕੇਤ ਦਿਖਾਏ ਜਾਣ ਤੋਂ ਬਾਅਦ ਫੈਡਰਲ ਰਿਜ਼ਰਵ ਦੇ ਰਾਹਤ ਪੈਕੇਜ ਨੂੰ ਜਲਦੀ ਵਾਪਸ ਲੈਣ ਬਾਰੇ ਅਟਕਲਾਂ ਸ਼ੁਰੂ ਹੋ ਗਈਆਂ ਸਨ। ਡਾਲਰ ਅਤੇ ਬਾਂਡ ਦੀ ਉਪਜ ਵੀ ਉਸੇ ਦਿਨ ਮਜ਼ਬੂਤ ਹੋਈ। ਇਸ ਕਾਰਨ ਸੋਨੇ ਦੀਆਂ ਕੀਮਤਾਂ ਡਿੱਗ ਗਈਆਂ।
ਇਸ ਤੋਂ ਬਾਅਦ 9 ਅਗਸਤ ਨੂੰ ਏਸ਼ੀਆਈ ਬਾਜ਼ਾਰਾਂ 'ਚ ਸੋਨੇ ਨੂੰ ਥੋੜ੍ਹੇ ਸਮੇਂ 'ਚ 4 ਅਰਬ ਡਾਲਰ ਤੋਂ ਜ਼ਿਆਦਾ 'ਚ ਵੇਚਿਆ ਗਿਆ। ਇਹ ਉਸ ਸਮੇਂ ਹੋਇਆ ਜਦੋਂ ਵਿਸ਼ਵਵਿਆਪੀ ਬਾਜ਼ਾਰਾਂ ਵਿੱਚ ਸਾਰੀਆਂ ਸੰਪਤੀਆਂ ਵਿੱਚ ਆਮ ਤੌਰ 'ਤੇ ਘੱਟ ਤਰਲਤਾ ਹੁੰਦੀ ਹੈ।
WGC ਨੇ ਦੱਸਿਆ ਕਿ ਕੁਝ ਤਕਨੀਕੀ ਕੰਪੋਨੈਂਟ ਵੀ ਇਸ ਵਿਕਰੀ ਦਾ ਕਾਰਨ ਹੋ ਸਕਦੇ ਹਨ । ਇਨ੍ਹਾਂ ਵਿਚ 50ਵੇਂ ਦਿਨ ਮੂਵਿੰਗ ਐਵਰੇਜ ਦਾ 200-ਡੇ ਮੂਵਿੰਗ ਐਵਰੇਜ ਤੋਂ ਹੇਠਾਂ ਜਾਣਾ ਸ਼ਾਮਲ ਸੀ ਜਿਹੜਾ ਕਿ ਮੰਦੀ ਦਾ ਸੰਕੇਤ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਬਹੁਤ ਸਾਰੇ ਟ੍ਰੇਡਰਸ ਦੇ 1,700 ਡਾਲਰ ਦੇ ਪੱਧਰ 'ਤੇ ਲੱਗੇ ਸਟਾਂਪ ਲਾਸ ਦੇ ਟ੍ਰਿਗਰ ਹੋਣ ਨਾਲ ਵੀ ਵਿਕਰੀ ਹੋ ਸਕਦੀ ਹੈ।
ਹਾਲਾਂਕਿ ਇਸ ਗਿਰਾਵਟ ਦੇ ਬਾਵਜੂਦ ਸੋਨੇ ਦੀਆਂ ਕੀਮਤਾਂ ਅਗਸਤ ਵਿਚ ਮਹੀਨਾ ਦਰ ਮਹੀਨਾ ਆਧਾਰ 'ਤੇ ਮਾਮੂਲੀ ਗਿਰਾਵਟ ਦੇ ਨਾਲ ਬੰਦ ਹੋਏ ਸਨ। ਅਗਸਤ ਵਿਚ ਗੋਲਡ ਐਕਸਚੇਂਜ ਟ੍ਰੇਡਿਡ ਫੰਡਸ ਵਿਚ 22.4 ਟਨ ਦਾ ਨੈੱਟ ਆਊਟਫਲੋ ਹੋਇਆ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।