ਵੈਸਪਾ ਸਕੂਟਰ ਦੀ ਨਕਲ ਕਰਨਾ ਚੀਨ ਦੀ ਕੰਪਨੀ ਨੂੰ ਪਿਆ ਮਹਿੰਗਾ
05/27/2020 6:27:11 PM
ਆਟੋ ਡੈਸਕ— ਚੀਨ ਦੀਆਂ ਕੰਪਨੀਆਂ ਕਈ ਵਾਰ ਦੂਜੀਆਂ ਕੰਪਨੀਆਂ ਦੀ ਕਾਰ, ਬਾਈਕ ਜਾਂ ਸਕੂਟਰ ਦੇ ਡਿਜ਼ਾਈਨ ਦੀ ਨਕਲ ਕਰਦੇ ਫੜੀਆਂ ਗਈਆਂ ਹਨ। ਇਸ ਦੀ ਤਾਜ਼ਾ ਉਦਾਹਰਣ Benda BD250GS ਹੈ ਜੋ ਸ਼ਾਨਦਾਰ ਬਾਈਕ Triumph Speed Triple ਦੀ ਨਕਲ ਹੈ। ਹੁਣ ਇਕ ਹੋਰ ਚੀਨੀ ਕੰਪਨੀ ਨੂੰ ਵੈਸਪਾ ਸਕੂਟਰ ਦੀ ਨਕਲ ਕਰਨਾ ਮਹਿੰਗਾ ਪੈ ਗਿਆ ਹੈ।
ਜਦੋਂ ਪਿਆਜੀਓ ਗਰੁੱਪ ਨੂੰ ਇਹ ਗੱਲ ਪਤਾ ਲੱਗੀ ਕਿ ਇਕ ਚੀਨ ਕੰਪਨੀ ਨੇ ਉਸ ਦੇ ਸਕੂਟਰ ਦਾ ਡਿਜ਼ਾਈਨ ਕਾਪੀ ਕੀਤਾ ਹੈ ਤਾਂ ਉਸ ਨੇ ਯੂਰਪੀ ਯੂਨੀਅਨ ਇੰਟਲੈਕਚੁਅਲ ਪ੍ਰਾਪਰਟੀ ਦਫਤਰ (EUIPO) ਨੂੰ ਇਸ ਦੀ ਸ਼ਿਕਾਇਤ ਕੀਤੀ ਜਿਸ ਤੋਂ ਬਾਅਦ ਇਸ ਚੀਨੀ ਸਕੂਟਰ ਦੇ ਡਿਜ਼ਾਈਨ ਨੂੰ ਗਲਤ ਕਰਾਰ ਦਿੱਤਾ ਗਿਆ ਹੈ। ਡਿਜ਼ਾਈਨ ਨਕਲ ਕਰਨ ਦੀ ਇਸ ਲੜਾਈ 'ਚ ਵੈਸਪਾ ਨੂੰ ਜਿੱਤ ਪ੍ਰਾਪਤ ਹੋਈ ਹੈ।
ਵੈਸਪਾ ਸਕੂਟਰ ਦੀ ਨਕਲ ਦਾ ਇੰਝ ਲੱਗਾ ਪਤਾਇਸ ਸਕੂਟਰ ਨੂੰ ਚੀਨੀ ਕੰਪਨੀ ਦੁਆਰਾ EICMA 2019 ਮੋਟਰਸਾਈਕਲ ਸ਼ੋਅ 'ਚ ਪੇਸ਼ ਕੀਤਾ ਗਿਆ ਸੀ ਪਰ ਪਿਆਜੀਓ ਦੀ ਸ਼ਿਕਾਇਤ ਤੋਂ ਬਾਅਦ ਪ੍ਰਬੰਧਕਾਂ ਨੇ ਇਸ ਨੂੰ ਈਵੈਂਟ 'ਚੋਂ ਹਟਾ ਦਿੱਤਾ ਸੀ। EUIPO ਨੇ ਚੀਨੀ ਸਕੂਟਰ ਦਾ ਰਜਿਸਟ੍ਰੇਸ਼ਨ ਇਸ ਆਧਾਰ 'ਤੇ ਰੱਦ ਕੀਤਾ ਸੀ ਕਿਉਂਕਿ ਉਹ ਬਿਲਕੁਲ Vespa Primavera ਵਰਗਾ ਹੀ ਦਿਖਾਈ ਦਿੰਦਾ ਸੀ।