ਕਿਸਾਨਾਂ ਨੂੰ ਰਾਹਤ : ਖ਼ਾਦ ਦੀਆਂ ਕੀਮਤਾਂ ਵਧਾਉਣ ਪਿੱਛੋਂ ਹੋਏ ਹੰਗਾਮੇ ਕਾਰਨ IFFCO ਨੇ ਲਿਆ ਇਹ ਫ਼ੈਸਲਾ
04/09/2021 6:24:27 PM
ਨਵੀਂ ਦਿੱਲੀ - ਦੇਸ਼ ਦੇ ਕਿਸਾਨ ਲਗਭਗ ਪਿਛਲੇ 5 ਮਹੀਨਿਆਂ ਖੇਤੀਬਾੜੀ ਕਾਨੂੰਨਾਂ ਦੇ ਵਿਰੋਧ ਵਿਚ ਸੰਘਰਸ਼ ਕਰ ਰਹੇ ਹਨ। ਇਸ ਦਰਮਿਆਨ ਖਾਦ ਦੀਆਂ ਕੀਮਤਾਂ ਵਿਚ ਵਾਧੇ ਦੀ ਖ਼ਬਰ ਨੇ ਕਿਸਾਨਾਂ ਦਾ ਰੋਅ ਜਗ੍ਹਾ ਦਿੱਤਾ ਹੈ। ਅਜਿਹੀ ਸਥਿਤੀ ਵਿਚ ਕੋਆਪਰੇਟਿਵ ਸੁਸਾਇਟੀ IFFCO ਵੱਲੋਂ ਖਾਦ (ਨਾਨ-ਯੂਰੀਆ ਖਾਦ) ਦੀ ਕੀਮਤ ਵਿਚ ਵੱਡੇ ਵਾਧੇ ਦੀ ਖ਼ਬਰ ਕਾਰਨ ਸੋਸ਼ਲ ਮੀਡੀਆ 'ਤੇ ਹਲਚਲ ਤੇਜ਼ ਹੋ ਗਈ। ਇਸ ਤੋਂ ਬਾਅਦ ਇਫਕੋ ਨੇ ਤੁਰੰਤ ਯੂ-ਟਰਨ ਲੈਂਦੇ ਹੋਏ ਸਪੱਸ਼ਟ ਕੀਤਾ ਕਿ ਉਹ ਅਜੇ ਪੁਰਾਣੇ ਰੇਟ 'ਤੇ ਖਾਦ ਵੇਚੇਗੀ ਅਤੇ ਵਧੀਆਂ ਦਰਾਂ ਸਿਰਫ ਬੋਰੀਆਂ 'ਤੇ ਛਾਪਣ ਲਈ ਸਨ।
ਖ਼ਾਦ ਦੀਆਂ ਕੀਮਤਾਂ ਵਿਚ ਹੋਏ 55 ਤੋਂ 60 ਫ਼ੀਸਦੀ ਤੱਕ ਦੇ ਵਾਧੇ ਕਾਰਨ ਹੋ ਰਹੇ ਹੰਗਾਮੇ ਦੇ ਬਾਅਦ IFFCO ਦੇ ਚੇਅਰਮੈਨ ਡਾ. ਯੂ.ਐਸ. ਅਵਸਥੀ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਦੇ ਜ਼ਰੀਏ ਇਸ ਫ਼ੈਸਲੇ ਬਾਰੇ ਸਪੱਸ਼ਟੀਕਰਣ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਕੀਮਤਾਂ ਨੂੰ ਵਧਾਉਣਾ ਇਕ ਲਾਜ਼ਮੀ ਪ੍ਰਕਿਰਿਆ ਹੈ ਪਰ ਕਿਸਾਨਾਂ ਨੂੰ ਪੁਰਾਂਣੀ ਕੀਮਤ 'ਤੇ ਹੀ ਖ਼ਾਦ ਉਪਲੱਬਧ ਕਰਵਾਈ ਜਾਵੇਗੀ।
#IFFCO have 11.26 Lakh MT of complex fertilisers & will sell at old rates of #DAP ₹1200/-, #NPK 10:26:26 ₹1175/-, #NPK 12:32:16 ₹1185/- & #NPS 20:20:0:13 ₹925/-. The material with new rates is not for sale to anyone. @PMOIndia @DVSadanandGowda @mansukhmandviya @fertmin_india
— Dr. U S Awasthi (@drusawasthi) April 8, 2021
ਇਫਕੋ ਨੇ ਕਿਹਾ ਕਿ ਜੋ ਰੇਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ, ਉਹ ਕਿਸਾਨਾਂ 'ਤੇ ਲਈ ਲਾਗੂ ਨਹੀਂ ਕੀਤੇ ਜਾਣਗੇ। ਇਫਕੋ ਕੋਲ 11.26 ਲੱਖ ਟਨ ਖਾਦ (ਡੀਏਪੀ, ਐਨਪੀਕੇ) ਮੌਜੂਦ ਹੈ ਅਤੇ ਇਹ ਕਿਸਾਨਾਂ ਨੂੰ ਪੁਰਾਣੀ ਦਰ 'ਤੇ ਹੀ ਮਿਲੇਗੀ।
इफको 11.26 लाख टन कॉम्प्लेक्स उर्वरकों की बिक्री पुरानी दरों पर ही करेगी।बाजार में उर्वरकों की नई दरें किसानों को बिक्री के लिए नहीं हैं।#DAP ₨1200/-, #NPK 10:26:26 ₨ 1175/-, #NPK 12:32:16 ₨ 1185/- और #NPS 20:20:0:13 ₨ 925/- ।@PMOIndia @DVSadanandGowda @mansukhmandviya
— Dr. U S Awasthi (@drusawasthi) April 8, 2021
ਇਫਕੋ ਨੇ ਡਾਈ-ਅਮੋਨੀਅਮ ਫਾਸਫੇਟ (ਡੀ.ਏ.ਪੀ.) ਖਾਦ ਅਤੇ ਨਾਈਟ੍ਰੋਜਨ, ਫਾਸਫੋਰਸ ਅਤੇ ਪੋਟਾਸ਼ੀਅਮ (ਐਨਪੀਕੇ) ਖਾਦ ਦੇ ਵੱਖ ਵੱਖ ਗ੍ਰੇਡਾਂ ਦੀ ਕੀਮਤ ਵਧਾ ਦਿੱਤੀ ਹੈ। ਇਫਕੋ ਦੇ ਇਸ ਕਦਮ ਤੋਂ ਬਾਅਦ ਦੀਪਕ ਫਰਟੀਲਾਈਜ਼ਰਜ਼, ਨੈਸ਼ਨਲ ਕੈਮੀਕਲਜ਼ ਅਤੇ ਨੈਸ਼ਨਲ ਫਰਟੀਲਾਈਜ਼ਰਜ਼ ਦੇ ਸ਼ੇਅਰਾਂ ਵਿਚ 13 ਤੋਂ 18 ਪ੍ਰਤੀਸ਼ਤ ਦੀ ਤੇਜ਼ੀ ਆਈ ਹੈ।
ਇਹ ਵੀ ਪੜ੍ਹੋ : ਰੈਮੇਡੀਸਵਿਰ ਦਵਾਈ ਤੇ ਇੰਜੈਕਸ਼ਨ ਲਈ ਮਾਰੋਮਾਰ, ਡਰੱਗ ਕੰਪਨੀਆਂ ਨੇ ਕੀਤਾ ਉਤਪਾਦਨ ਵਧਾਉਣ ਦਾ
ਇਫਕੋ ਨੇ ਡੀਏਪੀ ਦੀ ਕੀਮਤ ਨੂੰ 1200 ਰੁਪਏ ਵਧਾ ਕੇ 1900 ਰੁਪਏ ਪ੍ਰਤੀ ਬੈਗ ਕਰ ਦਿੱਤੀ ਹੈ। ਇਹ ਵਾਧਾ 1 ਅਪ੍ਰੈਲ 2021 ਤੋਂ ਲਾਗੂ ਹੋਇਆ ਹੈ। ਇਨ੍ਹਾਂ ਰਿਪੋਰਟਾਂ ਨੂੰ ਸਪੱਸ਼ਟ ਕਰਦੇ ਹੋਏ ਇਫਕੋ ਦੇ ਚੇਅਰਮੈਨ ਡਾ. ਯੂ.ਐਸ. ਅਵਸਥੀ ਨੇ ਕਿਹਾ ਕਿ ਇਫਕੋ ਕੋਲ 11.26 ਲੱਖ ਟਨ ਖਾਦ ਦਾ ਪੁਰਾਣਾ ਭੰਡਾਰ ਹੈ ਅਤੇ ਇਹ ਭੰਡਾਰ ਪੁਰਾਣੀ ਕੀਮਤ 'ਤੇ ਵੇਚੇ ਜਾਣਗੇ। ਉਨ੍ਹਾਂ ਨੇ ਵੀ ਦੱਸਿਆ ਕਿ ਡੀਏਪੀ ਕਿਸਾਨਾਂ ਨੂੰ ਪੁਰਾਣੀ ਕੀਮਤ 'ਤੇ 1200 ਰੁਪਏ, ਐਨਪੀਕੇ 10:26:26 ਨੂੰ 1175 ਰੁਪਏ, ਐਨਪੀਕੇ 12:32:16 ਨੂੰ 1185 ਰੁਪਏ ਅਤੇ ਐਨਪੀਐਸ 20: 20: 0: 13 ਦੀ ਪੁਰਾਣੀ ਕੀਮਤ 925 ਰੁਪਏ ਪ੍ਰਤੀ ਬੈਗ ਦੀ ਪੁਰਾਣੀ ਕੀਮਤ ' ਤੇ ਉਪਲਬਧ ਕਰਵਾਈ ਜਾਵੇਗੀ ਉਨ੍ਹਾਂ ਕਿਹਾ ਕਿ ਜਿਹੜੀ ਥੈਲੀ ਨਵੀਂ ਕੀਮਤ ਨਾਲ ਆਉਂਦੀ ਹੈ ਉਹ ਕਿਸੇ ਨੂੰ ਨਹੀਂ ਵੇਚੀ ਜਾਵੇਗੀ।
ਇਹ ਵੀ ਪੜ੍ਹੋ : OYO ਦੀ ਸਹਾਇਕ ਕੰਪਨੀ ਨੂੰ NCLAT ਤੋਂ ਰਾਹਤ, ਦਿਵਾਲਿਆ ਪ੍ਰਕਿਰਿਆ ਸ਼ੁਰੂ ਕਰਨ 'ਤੇ ਲੱਗੀ ਪਾਬੰਦੀ
ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਇਫਕੋ ਇਹ ਭਰੋਸਾ ਦੇਣਾ ਚਾਹੁੰਦਾ ਹੈ ਕਿ ਇਸ ਕੋਲ ਪੁਰਾਣੀ ਕੀਮਤ ਦਾ ਲੋੜੀਂਦਾ ਸਟਾਕ ਹੈ। ਅਵਸਥੀ ਨੇ ਕਿਹਾ ਕਿ ਮਾਰਕੀਟਿੰਗ ਟੀਮ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਪੁਰਾਣੀ ਦਰ 'ਤੇ ਸਿਰਫ ਪਹਿਲਾਂ ਪੈਕ ਕੀਤੀ ਖਾਦ ਕਿਸਾਨਾਂ ਨੂੰ ਵੇਚੀ ਜਾਵੇ। ਅਸੀਂ ਹਮੇਸ਼ਾਂ ਕਿਸਾਨਾਂ ਦੇ ਹਿੱਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਫੈਸਲੇ ਲੈਂਦੇ ਹਾਂ।
ਅਵਸਥੀ ਨੇ ਨਵੀਆਂ ਕੀਮਤਾਂ ਬਾਰੇ ਕਿਹਾ ਕਿ ਇਫਕੋ ਇਕ ਨਿਰਮਾਣ ਇਕਾਈ ਹੈ ਅਤੇ ਇਸ ਨੂੰ ਆਪਣੇ ਪਲਾਂਟ ਵਿਚ ਨਵਾਂ ਸਟਾਕ ਭੇਜਣ ਲਈ ਬੈਗਾਂ ਉੱਤੇ ਕੀਮਤ ਦਾ ਹਵਾਲਾ ਦੇਣਾ ਪੈਂਦਾ ਹੈ। ਚਿੱਠੀ ਵਿਚ ਦੱਸੀ ਗਈ ਕੀਮਤ ਬੈਗ ਉੱਤੇ ਲਿਖੀ ਜਾਣ ਵਾਲੀ ਇਕ ਅੰਦਾਜ਼ਨ ਕੀਮਤ ਹੈ ਅਤੇ ਇਹ ਇਕ ਲਾਜ਼ਮੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਇਫਕੋ ਵੱਲੋਂ ਦੱਸੀਆਂ ਗਈਆਂ ਖਾਦਾਂ ਦੀਆਂ ਕੀਮਤਾਂ ਲਗਭਗ ਅੰਦਾਜ਼ਨ ਹਨ। ਕੰਪਨੀਆਂ ਦੁਆਰਾ ਕੱਚੇ ਮਾਲ ਦੀ ਅੰਤਰਰਾਸ਼ਟਰੀ ਕੀਮਤ ਦਾ ਫੈਸਲਾ ਆਉਣਾ ਅਜੇ ਕਰਨਾ ਬਾਕੀ ਹੈ ਕਿਉਂਕਿ ਅੰਤਰਰਾਸ਼ਟਰੀ ਕੱਚੇ ਮਾਲ ਦੀਆਂ ਕੀਮਤਾਂ ਬਹੁਤ ਵੱਧ ਗਈਆਂ ਹਨ।
ਇਹ ਵੀ ਪੜ੍ਹੋ : ਅਮਰੀਕਨ, ਕੈਨੇਡੀਅਨ, ਆਸਟ੍ਰੇਲੀਅਨ ਡਾਲਰ, ਯੂਰੋ ਅਤੇ ਪੌਂਡ ਦੇ ਮੁਕਾਬਲੇ ਰੁਪਏ ’ਚ ਤੇਜ਼ ਗਿਰਾਵਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।